السلام عليكم و رحمة الله و بركاته
وحشتونييييييييييييييييييييييييي كلكم جميعا أخبارك ايه يا دون و ايه أخبار عزومتك يا أم أبيها 74
موتي فينك

اهلا بيكى يا basmaaa نورتى والسؤال ولا محرج ليكى ولا حاجة المهم انك تبقى عايزة تتعلمى وان شاءالله تتعلمى امال مين اللى حيطبخ ؟؟؟؟؟؟

صباح الفل يا فطوم وتسلم الايادى ومن غير استئزان لو فية سؤال معروض يبقى كتر الف خيركم ما انتم كلكم بسم الله ماشاءالله ممتازات والله


بصى يا بسمة طريقة ام ابيها سهلة وجميلة بس بما انك بتتعلمى حقولك واحدة واحدة
هاتى حلة وامليها ماء وشوية ملح وحوالى معلقتين زيت حطيهم على النار لحد ما الماء يغلى
ضعى كيس المكرونة مثلا (ال500 جرام) فى الماء وقلبى بالمعلقة او بالشوكة علشان المكرونة متمسكش فى بعض .
سبيها على النار زى مامكتوب عندك على الكيس يعنى من 8 الى 10 دقايق وابقى طلعى واحدة بالمعلقة واشطفيها بالماء ودوقيها استوت ولا لسة ؟ بعد ماتلاقيها استوت بس متخليهاش تطرى وتتهرى قوى (بنسميها علشان متعجنش) تروحى حطاها تحت الملء العادى وتشطفيها يعنى الماء المغلى يمشى منها خالص وتبرد (وممكن طبعا تضعيها فى المصفاة وانتى بتشطفيها علشان متقعش منك فى الحوض )كدة المكرونة جاهزة عندك تماما وتستخدميها بقى بأى طريقة انتى عيزاها سواء بالصوص سواء بالبشاميل المهم بـأى طريقة
اما الصلصة الحمراء
تضربى فى الخلاط حوالى 4 او 5 طماطمات او ممكن معلقتين صلصة كبار
هاتة حلة صغيرة وحطى فيها حوالى معلقتين زيت وبصلة صغيرة مبشورة وقلبيها (شوحيها)لحد ماتصفر وتضعى فصين ثوم مهروسين وتقلبى تقليبة وبعدين تروحى حاطة الصلصة وعليها حوالى 2 كوب ماء وملح وفلفل
او لو حتستعملى عصير الطماطم الطازج تتركيه على نار هادية لحد ماتتسبك

(عارفة يعنى اية تتسبك)؟؟؟يعنى حتلاقيها تخنت ولونها بقى احمر اغمق شوية
تضعيها على المكرونة وبالهنا والشفا وممكن ترشى عليها رشة جبنة رومى مبشورة

اتمنى تكون طريقة الشرح تكون بسيطة ولو عايزة تسئلى اى سؤال انا تحت امرك فى اى وقت واى سؤال

استاذة يا دينا والله فعلا هايلة في الشرح

زيودة

حسئلك يافطومة على الديك واقولك على طول

الف شكر علي المسقعه يا دوندون و في انتظار البطاطس علي احر من الجمر