كوبونات الراقية تسجيل الدخول

Noody30
Noody30 •
صباح الفل يا دندون

حبيت اصبح يا ست الكل

سؤال يا دندونة بس من غير ضرب، هي اطباق الفويل اللي بتجيبيها للفرن بتجيبيها منين؟؟ عاوزة اشتري بس مش عارفة منين

سؤال كمان، عندي عزومة سريعة و مش عاوزة اعمل فيها حاجات كتير اوي، العدد حيكون حوالي ستة بما فيهم انا و جوزي، عاوزة اصناف حلوة و في نفس الوقت مش كميات لانها حتقعد في ارابيزي انا و جوزي و مش حنعرف نخلصها و انا ما صدقت اصلا اننا خلصنا اكل الفرح (مش عاوزة اقولك اني رميت نصه لاننا كرهنا نفسنا). دلوقت اعمل صينية صغيرة مكرونة بشاميل و حلة محشي باذنجان و حلة محشي ورق عنب و اعمل فراخ بانيه و كفتة او كبيبة و سلطات. مش عارفة ازود كمان صينية بطاطس باللحمة و ارز بالشعرية و الا ايه؟؟ متهيألي ازودهم بس مش بكيمات كبيرة عشان حاحتاج شوربة اعمل بيها البشاميل و همه كمان بيحبوا يشربوا شوربة

قوليلي رأيك يا قمر و نصايحك تهمني
don
don •
Noody30 Noody30 :
صباح الفل يا دندون حبيت اصبح يا ست الكل سؤال يا دندونة بس من غير ضرب، هي اطباق الفويل اللي بتجيبيها للفرن بتجيبيها منين؟؟ عاوزة اشتري بس مش عارفة منين سؤال كمان، عندي عزومة سريعة و مش عاوزة اعمل فيها حاجات كتير اوي، العدد حيكون حوالي ستة بما فيهم انا و جوزي، عاوزة اصناف حلوة و في نفس الوقت مش كميات لانها حتقعد في ارابيزي انا و جوزي و مش حنعرف نخلصها و انا ما صدقت اصلا اننا خلصنا اكل الفرح (مش عاوزة اقولك اني رميت نصه لاننا كرهنا نفسنا). دلوقت اعمل صينية صغيرة مكرونة بشاميل و حلة محشي باذنجان و حلة محشي ورق عنب و اعمل فراخ بانيه و كفتة او كبيبة و سلطات. مش عارفة ازود كمان صينية بطاطس باللحمة و ارز بالشعرية و الا ايه؟؟ متهيألي ازودهم بس مش بكيمات كبيرة عشان حاحتاج شوربة اعمل بيها البشاميل و همه كمان بيحبوا يشربوا شوربة قوليلي رأيك يا قمر و نصايحك تهمني
صباح الفل يا دندون حبيت اصبح يا ست الكل سؤال يا دندونة بس من غير ضرب، هي اطباق الفويل اللي...
صباح الفل يا امولة اولا مترميش اكل خاااالص يا امل طالما انه مش بايظ وممكن حد ياكله يعنى ممكن تحطية فى اطباق فل او فى اكياس واديه فى الشارع لاى حد مثلا ست قاعده فى الشارع غلبانة او ولد صغير بيجيبلك المكواة مثلا وهكذا واهم حيدعولك يا اموله وبالنسبة للصوانى ياحبيبتى حتلاقيهم فى درب البرابرة وفى العتبة عند بتوع النجف يا امل حتلاقيهم بالجمله ورخاص وجميع الاحجام هاتى مثلا 25 واحد وخليهم عندك بينفعوا جدا دة مؤقت لحد ما اكيد حتلاقى حد فى المعادى بيبيعهم ومؤقت حتلاقيهم برضه فى اى سوبر ماركت فى كيس محطوط كل 5 او 6 صوانى فى كيس بس طبعا مش سعر جمله
بالنسبة للعزومة حلو كدة يا امل بس من رأيى انك تعملى صنف خضار وحيكون بطاطس او ملوخية او بامية اى صنف فيهم حيبقى حلو قوى مع المحشى وبالف هنا وشفا وانا معاكى برضه ناخد رأى بعض
Noody30
Noody30 •
صباح الورد يا دندون، ربنا يخليكي ليا يا ست الكل يا قمرنا كلنا

طيب حلو انا عرفت مكان الاطباق كده، و فعلا ده مؤقت لحد ما اعرف الطريق حواليا لاني لسه مش عارفة اي اماكن جنبي خالص لدرجة اني لسه مش عارفة جزار كويس و لا بتاع فراخ و لا حاجة خالص، يعني باجيب من اللي بالاقيه لحد ما اعرف اماكن

و بالنسبة للعزومة، انا فعلا سألتك أعمل صينية بطاطس و ارز بالشعرية مع المحشي و المكرونة، يعني كده تمام؟؟ طيب نسيت اسألك أعمل ايه حلو سهل و سريع؟؟ مش عاوزة حاجة فيها فرن لاني لسه مجربتوش غير في تسخين الاكل و خايفة لو عملت فيه اول مرة يوم العزومة اتفضح!!! طيب اقدم نوعين عصاير و حاجة ساقعة و الا نوع واحد و فاكهة و حاجة ساقعة و الا ايه؟؟؟ ضاربة لخمة تمام و مش عارفة افكر خالص يا دندون، تلميذة خايبة اوي مش كده؟؟؟!! :(

بالنسبة للاكل اللي اترمى و الله رميته لانه باظ جوه التلاجة!!! مع ان تبريدها سليم الحمد لله لكن برضه باظ و غير طعمه.

طيب انا عندي بقية عيش فينو اعمل فيه ايه؟؟ مش عاوزة اعمله بقسماط لان عندي بقسماط. ارميه و الا اعمل ايه؟؟
semsem2005
semsem2005 •
بعد اذنك يا دينا
انا من راى الحلو يبقى ايس كريم وخصوصا فى الحر ده
وممكن تعملى عليه اضافات مكسرت-كمبوت-صوص شيكولاتة او كراميل
كل ده حسب ذوقك
Noody30
Noody30 •
ميرسي يا سمسم يا قمر، هي فكرة حلوة فعلا لان حيكون فيه طفلة و اكيد حيعجبها اوي، بس الكراميل اعمله ازاي؟؟ ( و الله دون حتحدفني بحاجة!!! بس يا دون مش لاقية كتبك لاني مش فاكرة دفستهم فين!!!! فينك يا مريم!! :) )