عادي يا فطوم و ان شاء الله تجربيها قريب و هتعجبك اوي

رانيا

قلبي معاكي يعني هتأكلي مصريين فيالغربة تلاقيهم نفسهم بقى في ملوخية ومحشي وحاجة حرشة

ابقى طمنينا عليكي هملتي ايه

بصي يا امول في السريع
ربع كيس دره مسلوق سريعا انا عملته علي البخار
كوب ويبنج كريم
كوبايه لبن و معلقتين دقيق و دوبيهم فيه
معلقتين زبده
ملح و فلفل
الوصفه الاصليه فيها جبنه بارميزان بس انا حطيت جبنه كريم
حطي الدره و الويبنج كريم و اللبن و الدقيق و الملح و الفلفل علي نار هاديه و قلبي
و تكوني مسيحه الجبنه و الزبده و حطيهم عليهم
و قلبي بتاع 10 دقايق كده و خلاويص
و تكوني مجهزه التوست المكعبات المتحمص و انا حطيته في الخشب الصغير بتاع السنان و رصيته حوالين طبق الدره
بالهنا و الشفا

جازاكي الله خيرا يا رواء ان شاء الله تعدي علي خير

فطوم
لاء يا قمر دول جايين لسه من مصر في كورس 3 اسابيع كبار يا بنتي فوق الخمسين سنه
سلام مؤقت ان شاء الله

تسلمي لي يا رنرونة منحرمش منك يا حبوبتي، باين عليها طعمة و كمان طريقتها سهلة. حادور على الذرة في السوبر ماركت و لما انفذها حاقولك يا جميلة

فطوووم، همه الحمد لله اكلوا من ايديا قبل كده في بيت بابا و عارفين نفسي في الاكل، بس كونها اول عزومة في بيتي فعلا كنت حاسة اني تحت الاختبار من جديد، بس الحمد لله كانوا مبسوطين عالاخر

شوفي يا ستي عملت التالي:

محشي باذنجان
بطاطس و كوسة بالعصاج على طريقة دندون حبيبتي >>> كنت اول مرة اجربها و عجبتهم جدا و اخدوا الطريقة
أرز بالشعرية
ملوخية
فراخ بانيه
كفتة لحمة
سلطة خضراء
سلطة باذنجان بتاعة رواء كانت وهمية و عجبتهم جدا

و عشان بيحبوا الشوربة شوربة صريحة بدون اي اضافات، سلقت لحمة قطع مخصوص و أخدت منها الشوربة للملوخية و للشرب، و اللحمة نفسها قسمتها على اكياس مع شوية شوربة في كل كيس و حطيتهم في الفريزر يبقوا جاهزين للطبخ، لان ما شاء الله الكفتة و البانيه كانوا كتير و مكنش فيه مكان لاي نوع لحوم تاني

بعد الغدا بقى كانوا اتملوا فلا شربوا العصير و لا الفروت سالاد، و اكتفوا بالبيبسي و الشاي، و انا جوزي اتسلينا عالفروت سالاد بعد كده :)

بس مش حاقولك عالمواعين يا فطوم لانك اكيد عانيتي منها زيي!! انا اخدت اجازة من الشغل امبارح عشان اغسلهم و اروق مكان الغارة!!!! و لما نمت بالليل جالي كابوس اني كنت باغسل كوم مواعين تاني !!!!