حد عنده فكرة السكينة بالكهربا نلاقيها فين وبكم؟

كده ما حدش يعبرني ماشي

تعالي يا لؤلؤة انت ولوكاشا

بعد اذذنك يا دينا هاكتب لهم طريقة الزيتون المخلل على ما تيجي

الزيتون

كيلو زيتون
نصف كيلو فلفل حامي احمر
نصف كيلو فلفل حامي اخضر
ملح
عصير ليمون من كيلو لكيلو ونصف
خل

اغسلي الزيتون كويس وانقعيه في الماء من الصبح لبليل مثلا وبعدين نشفيه
اغسلي الفلفل ونشفيه
اخلطي الفلفل الأحمر مع الملح وقليل من الخل في الخلاط بحيث يبقى عامل زى العصير المضبوط لا تقيل ولا خفيف
شقي الزيتون من جنب واحد بالسكينة شقة بسيطة
هاتي برطمان نظيف وناشف
افرشي في قاع البرطمان جزء من خلطة الفلفل الحامي
وبعدين طبقة زيتون
طبقة فلفل اخضر
طبقة من خلطة الفلفل الأحمر والملح
وهكذا لحد آخ رالكمية تحطي آخر طبقة خليط الفلفل والملح وبعدين تضيفي عصير الليمون بحيث يغطي وش الزيتون كويس وتضيفي معلقتين زيت علشان الهوا
هاتي قشر الليمون اللي عصرتيه وغطي به البرطمان وبعدين اقفليه بورقة فويل وغطيه واتركيه في صينية او حاجة علشان هيفور وينزل منه مية

افتحي عليه بعد حوالي شهر او شهر ونص
وابقو ادعولي

دينا انتى فين طمنينا عليكى

متقلقوش يا جماعه ابله دون بخيرالحمد لله
بس هيا مشغوله الايام دى
أصلها بقت بيزنس ومن
وفتحت مطعم تن ستار
قولوا ماشاء الله

مسااااااااء الفل يا احللى بنات
والله وحشتونى جدا وانا مبيأخرنيش عنكم الا الشديد القوى قوى النت عندنا فيه صيانه علشان بيوصلوا التوصيلات بتاعتنا بعمارات اخرى وان شاءالله يخلصوها على طول ان شاءالله وانا دخلالكم من الشارع مخصوص علشان اسلم عليكم كلكم وابوسكم كلكم

زوغان فين يا فطومة اهى الناس كلها صيفت وانا لآ واهية الدراسة قربت كلها ايام :( وبالنسبة للزيتون منحرمش ياحبيبتى والله كل حاجة موجودة فة التلخيص وياريت ياريت اللى عاوز حاجة يبص الاول فى التلخيص واذا مكنش الطلب موجود احنا تحت امركم

يااااااااااااااااااااريت يا سندريلا من بقك لباب السما يا بتاعه الخرشوف وخلينى ساكنة :42: :42:

شكرا يا سموحة لسؤالك ربنا يخليكى:26: