ربنا ما يحرمني منك ابدا يا دون يا عسل هاجرب ان شاء الله واقولك علي الاخبار اصلا انا مش باحب اجيبه ودائما اجيب المجمد بس مجبر اخاك بقي لا بطل ومالقتيش المجمد المرة دي فقلت اجرب بقي البرطمان ده

السلام عليكم
ازيك يا don
وانتى يا أم أحمد ازيك عاملة ايه
اسمحولى اقولكم على تجربتى مع ورق العنب اللى فى البرطمانات ده
أولا واحدة صاحبتى قالتلى انى لازم أغسله كويس جدا جدا جدا
بالمية فقط
وكمان انا بسيب عليه المية شوية علشان تغسله كويس ده غير انى بغسله ورقة ورقة وبعدين بسويه على طول
وعن تجربة مرة فاض منى شوية مش قدرت اعمل البرطمان كله وشلت الباقى فى الفريزر ولما طلعته علشان اعمله يا دوبك حطيته فى المية وشلته على طول بس حسيت ان الورق بقى مش مستحمل يعنى ممكن تتقطع بسرعة أكتر من العادى
أنا حبيت بس أشارككم تجربتى

تسلمي يا زئردة
ان شاء الله اجربه
بس يعني انتي قصدك اغسله كويس اوي ومش اغليه يعني صح ولا انا فهمت غلط

السلام عليكم و رحمة الله و بركاته

الف شكر يا دون و فعلا فكرة الفتة دي كانت تايهة عن بالي خالص و هي فعلا سريعة و مش حتاخد وقت. ربنا يخليكي لينا يا سكرة

السلام عليكم ورحمة الله وبركاته
أزيك يا دندون وازيكم كلكم تسلم ايديكى على البسكويت ان شاء الله اعمله قريب
على فكرة امبارح فى برنامج العاشره مساء كان فيه دكتور تغذية حذر من اكل البط والوز لأنه بيكون حامل المرض ولا تظهر عليه اى اعراض
كما حذر تماما من أكل المايونيز والمارينج
وجميع انواع التورت أو الكيك لأن عندما تستوى وتتماسك فى الفرن تكون وصلت لدرجة حرارة 70 وده درجة لا يتم قتل الميكروب فيها فيفضل حالياً عدم أكلها
وعدم أكل البيض امليت
لكن مسموح بأكل البيض مسلوق على أن يترك على النار بعد الغليان لمدة 10 دقائق قبل ان يأكل
والبيض المقلى ممكن ولكن يقلى فى الزيت وليس سمن أو زبدة على أن يقلب بالملعقة ولا يترك عيون لتتفكك جزيئاته تماما ويقضى على أى ميكروب
وبالنسبة للفراخ البانيه ممكن أكلها بالبيض عادى لأن بيكون عليها طبقة رقيقه من الخارج فتتأثر جيدا بالنار
أما الفراخ المشوية ممكن أكلها بس تشوى فى البيت وليس فى المحلات ولابد أن تكون غير مجمدة قبل الإستخدام حتى نتأكد من دخول النار اليها إلى الداخل جيدا
ويمنع حاليا الفراخ أو الحمام المحشى لأن الحشو يجعل الحرارة داخل الفراخ اقل من خارجها فلا تصل للدرجة المطلوبة

وقد نصح بأكل أنواع الفول والطعمية والبقوليات والعدس للقضاء على الغلاء الذى نتج عنه فى اللحمه والسمك
وهذه هى آخر الأنباء