السلام عليكم و رحمة الله
صباح الفل يا كرمة
انا بصراحة مفهمتش حطيتيها في المطحنة ازاي؟؟ تقصدي المفرمة و الا الكبة؟؟ لو في المفرمة فانتي بتكوني مقطعاها قطع صغيرة عشان تسهلي الفرم، لو في الكبة، مينفعش تحطيها صحيحة قطع كبيرة فيها لان الكبة بتنعم مش بتفرم و يمكن ده اللي كسرها. ياللا فداكي يا قمر بس المرة الجاية تفرميها في المفرمة الاول و بعدين لو حبيتي تنعميها او تخلطيها ببقية المكونات تحطيها في الكبة
نيجي بقى للقلي، دون كانت قالت ان اي حاجة مخزيننها في الفريزر بتتطلع على القلية على طول و مش بنسيبها تفك، يعني تتطلعي و تقلي. اما لو كانت حاجة مش جاهزة زي لحم السلق او الفراخ او الطيور المجمدة بتسيبيها تفك الاول و بعدين تسلقيها او تتعاملي معاها زي ما تحبي
نيجي للحشو، انا برضه مفهمتش انتي عملتي ايه خلاها ضخمة كده بس اعتقد انك ما رققتيش الغلاف بتاع الحشو. شوفي انتي بتخلطي البرغل بجزء من اللحم المفروم و بعدين بتاخدي جزء في كفك و ترققيه يعني يبقى سمكه قليل و بعدين تحطي الحشو في الوسط بس بيبقى اكتر من حجم معلقة شاي، يعني على الاقل معلقة كبيرة مش مليانة اوي و بعدين بتبدأي تغطي بالغلاف كويس حواليها و لو عاوزة تعملي لها بوز تعمليه و لو مش عاوزاه بتعمليها عادي و بس خلاص.
طبعا انا مش استاذة في الكبيبة و لا طبعا حاقدر ارد عليكي زي دون، بس حبيت اساعدك لحد ما تيجي دندونة و تشوف الغلط فين
ساسا، تسلمي يا حبوبتي و كل سنة و انتي طيبة يا جميلة
نور نور، نورتي بعد غياب :) شوفي هو زي قلية البانيه طالما استخدميه مرة واحدة ممكن تعيدي استخدامه تاني طالما كتير حرام ترميه، ممكن تقلي فيه البطاطس الشيبسي او الصوابع و حيديها نفس حلو عشان ريحة البانيه حتبقى لسه فيه و ممكن تاخدي منه لتحمير فراخ مثلا، بس اهم حاجة يكون نضيف و متحرقش يا نور. انا باعمل كده خصوصا اني باخلط زيت مع سمنة زي ما قالت دندون، و طول ما الزيت متحرقش باحفظه في زجاجة و استخدم منه للحاجات التانية، اما المحروق ارميه على طول لان غلط اعادة استخدامه. يا رب أكون أفدتك
السلام عليكم و رحمة الله
صباح الفل يا كرمة
انا بصراحة مفهمتش حطيتيها في المطحنة ازاي؟؟...
افتقدتك وافتقدت دمك اللى زى الشربات