dandoooon
عامله ايه؟؟؟
انا رايحه المحمل و احتمال spineys و رويال هاوس و اشوف الحاجات هناك
امبارح جبت خلاص المكسرات من الرخاوي حاجته حلوه اوي
و الي الموجززززززز بعد الظهر :p

يا دندون انا جاية مصر بعد العيد باذن الله قوليلى اخد ايه و السوبرماركتس اللى بتقولو عليها دى فين فى الدقى?

يا دون ماما عندى و عايوة تحشيلى ورق عنب اشيله فى الفريزر انا كنت بحشيه عادى و احطه فى الفريزر كده من غير ما اسويه بس احيانا لما كنت بطلعه و اسويه على النار كان مش بيبقى حلو
الطريقة دى صح ولا لا
و لو حد عنده طريقة تانية يقول لى بس بسرعة علشان ماما ماشية النهاردة

انا كنت لسة امبارح بليل عند الرخاوى يارونى كنت عايزة اجيب معجون تندورى بس للاسف ملقتش وعلى فكرة العيش السن اللى عنده هايل يارونى اسمة (الفانوس) مش بلاقيه الاعنده بس ماشى منتظرين الموجززيا رونى علشان لو فيه حاجة حلوة اروح وعلى فكرة السمك فى سبينس حلو يارونى والبطبخ الاصفر

السلام عليكم ورحمة الله وبركاته

أزى كل الحبيبات كل عام وأنتم بخير

أنا أول ما شميت الملوخية جيت من أخر الدنيا أصلها عشقى الابدى
تسلم ايديك يا أم أبيها ...تسمحيلى أقول فطوم زى البنات:35:
وألف هنا عليك يا أحلام

أنا طريقتى تقريبا تشبه طريقتك
بحمر التوم الاول يا دوب يصفر وبعدين أحط الشوربة ولما تغلى أنزل الملوخية وأسيبها تغلى غلوتين لحد ما تستوى ...ده لو كانت خضرة ....أما الناشفة فأول ما أنزل الملوخية أقلبها لحد ما تقلب بس قلبه واحده وأطفى على طول .....اهم حاجة تظبطى القوام وما تغطيش عليها غير بعد شوية علشان لونها ما يتغيرش دى تجربتى المتواضعة ...ومعذرة من شيفتنا الحبيبة

وما بعملش طشه تانية ونفس الطعم هو هو ( ده رأى أصدقاء زوجى وزوجاتهم وهم من القاهرة ...لما داقوها عندى قالو الطريقة غير بس الطعم واحد )...بس الفرق إنها أوفر فى الوقت والمواعين


فطوم ...أنا فهمت إنك بتسألى على عجينة سمبوسة جاهزة
طيب أنا هاديلك مقاديرى والحمد لله بعملها وبتطلع حلوة خالص ....
بس أنت جربى فى كمية قليلة الاول أنت وأولادك وبعدين أحكمى

بصى يا ستى
لكل كوبيتين دقيق بيضة واحدة وربع كوباية زيت أو أقل شوية (على فكرة الكوب معيار 200 ملل )
وذرة ملح أعجنيهم بمية لحد ما تظبطى العجينة

أنا بأخد حتة عجينة صغيرة وافردها وبعدين أحطها فى القطاعة وأحط الحشوة وأقفلها لحد ما أخلص
وتقليها فى زيت غزير

وبتطلع زى الفل ....ما فيهاش زيت أبدا وهشة .... وبالهنا

جربيها وإن شاء الله تعجبك ....وفيه كمان ناس هنا بيعملوها حلوة قوى هأبقى أشوف مقاديرهم زى عندى ولا لا ,,....وأقولكم


دندون (أسمحيلى برضه أدلعك زى البنات )ما أنا خلاص بقى البيت بيتى
حابة أسالك على حاجة

أنا عندى عزومة فى رمضان علينا وعليكم بخير

وناوية أعمل الحلو كريم كراميل وقطايف

شوفى بقى فكرتى للقطايف .....عاوزة أحشيها بلح بالمكسرات ...وبسالك البلح بنشوحه بالسمن الاول
وفى حالة البلح بتسقى شربات ولا لا ؟؟

أو أحشيها مهلبية خفيفة مخلوطة بمكسرات يعنى المهلبية حاجة بسيطة خالص بس عشان تمسك المكسرات ....يا ترى هيكون طعمها حلو ...أنا قبل كدة ما كنش عندى شكولاتة ,,,وخلطت حشوة البقلاوة (كانت مكسرات ) بمعلقتين مهلبية بالكاكاو وفردتها على البقلاوة وكانت روعة روعة
بس بالنسبة للقطايف خايفة و مش عارفة أحكم ...وخصوصا إنى هأعمل العجينة بنفسى لان هنا ما فيش قطايف خالص


وسؤال تانى يا أبلة معلش والله ....أخر سؤال
شفتى الكنافة الكذابة اللى بالتوست .....,....هل طعمها يشبه الكنافة أو قريب منها (ده لو كنت جربتيها طبعا )
لانى كل المعازيم مصريين وأنا عاوزة أحسسهم برمضان زى مصر ...,نفسى أعمل الكنافة بس طبعا من رابع المستحيلات لان ما فيش كنافة خالص ....

طيب عندك طريقة للشعرية الباكستانى تخليها طرية مش ناشفة عشان تشبة الكنافة

وسامحينى على الغلبة ,,,,,....وألف شكر يا قمرنا وكل سنة وانت طيبة