don :

كل سنة وانتم طيبين يا بنات وعيد سعيد عليكم يارب زيودة ايمان ............ اولا تسلم ايديكى ياحبيبتى حاجة تفتح النفس والله بس طبعا اتمنى ان الصور هى اللى تكون غامقة ومتكونيش انتى اللى قرصتى عليهم فى التحمير او فى الفرن ثانيا خلى الفرارجى وهو بيعملك الصدور فيلية ميقطعهاش كدة زى الصورة يعنى ميخليهاش بنفس رسمة الصدر نفسه يعنى متبقاش من فوق عريضة ومن تحت رفيعه لان الجزء اللى تحت بيبقى سريع السوى والحرق يعنى يفصلها بعرض الصدر كله وتضربيها ضربه يا ايمان زى البفتيك تخلى سمكها كله واحد انا واخدة بالى من الصورة انك مش ضرباها خالص ...صح ولا بيتهيئلى؟؟؟ ثالثا بالنسبة للجبنة اللى انتى حطاها فوق المسقعه واضح انها احمرت لكن ماساحتش ...صح ولا بيتهيئلى برضه؟؟ يا تغيرى النوع للوش يا تضربيها انعم من كدة لان احنا عايزينها تسيح رابعا كنتى حطيتى شيبسى مثلا فى السيرفيس مع الفراخ البانية بدل السمبوسك خامسا ودة اهم حاجة تسلم الايادى وعقبال كل عزومة يارب وكل عام وانتى والاستاذ زيودة بالف خير يارب احلامتى ورانيتى ......... عيد سعيد عليكم يارب

كل سنة وانتم طيبين يا بنات وعيد سعيد عليكم يارب زيودة ايمان ............ اولا تسلم ايديكى...

don :

سموحة كل عام وانتى بالف خير بالنسبة لمقلوبة القرنبيط انا حقولك بتاعتى لكن مش عارفة هى دى اللى انتى عيزاها ولا لآ ؟؟؟ انا بستعمل قرنبيطة - ارز عادى او بسمتى - فرخة - بصل بسلق الفرخة يا يسموحة وبعدين بقطعها قطع كبيرة وبشيل العضم واركنها شوية وبعدين بقطع القرنبيط وردات وبقطع الوردة بالطول على اساس انها تبقى نايمة او ليها ضهر وبعدين بشوحها فى الزيت لحد ماتصفر يا سموحة وبنقع الارز ربع ساعه فى مياة دافية وبعدين تشوحى بصلة فى شوية زيت مكان تحمير القرنبيط بس بشرط متخليش البصلة بيضاء خلى لونها اصفر غامق يقرب الى البنى عارفة لية ؟؟؟؟؟؟؟؟ علشان لما تحطيها فى الماء مع الارز تديكى لون حلو للمقلوبة لكن لما بعمل المقلوبة بالبزنجان بتبقى لونها حلو من البزنجان وبخلى البصلة صفراء عادى المهم بعد ما خلصتى البصلة تحطى عليها الفراخ وتشوحيها برضه زى المحمرة ونروحى موزعاها على الحلة وتحطى فوقها وردات القرنبيط وتحطى فوقها الارز والماء والملح وسنة فلفل وسنة قرفة ناعمه وتهزى الحلة يمين وشمال وتكملى السوى عادى بس لما الارز يشرب الماء خلاص متقلبيهاش تانى لحد ماتستوى ولما تستوى وتهدى شوية تروحى قالباها وبالهنا والشفا دى طريقتى يا سموحة وعلى فكرة ممكن تخلى البصل تحت وعلية القرنبيط وبعدين الفراخ وبعدين الارز لكن انا برتبهم زى ماشرحتلك

سموحة كل عام وانتى بالف خير بالنسبة لمقلوبة القرنبيط انا حقولك بتاعتى لكن مش عارفة هى دى اللى...

أحلام عصفور :

أبشركم أختي ولدت والحمد لله أخيرا بعد طول عناء وتعب ورزقت بجبريل عقبال الجميع يارب قولت محدش هيفرح معايا غيركم معلش اني كتبت الكلام هنا بس بحب الصفحات ده أوي ^_^

أبشركم أختي ولدت والحمد لله أخيرا بعد طول عناء وتعب ورزقت بجبريل عقبال الجميع يارب...

don :

الف الف الف الف مبروووووووووووووووك لاختك يا احلام ويتربى فى عزها يارب وربنا يخليهولها وتفرح بيه عريس قد الدنيااااااااااااا الف الف مبروك وعقبالك يا احلام لما نشوفك عروسة قمورة وعلى فكرة انا بحب اسم جبريل قوى ما شاءالله ربنا يخليهولها :26: :26: :26: :26:

الف الف الف الف مبروووووووووووووووك لاختك يا احلام ويتربى فى عزها يارب وربنا يخليهولها وتفرح بيه...