صباح الخيرات جميعا.....

بصى يا دون انا لقيت امبارح فى الجمعية مكرونة شكل عجبنى كده اعتقد اول مرة اشوفه وجبت كمان الفيونكة وكمان المبروم ده
عاوزة طريقة حلوة اعمل بيها المكرونة دى علشان مش تكون تقليدية
وتكون بسيطة لو سمحتى ومن غير فطر لانى مش بحبة

ميرسى يا قمر مقدما

سؤال يا جماعه مهم جدااا ممكن نستخدم البيض فى البيت فى الحلويات يعنى مثلا كيك او حتى بلاش كيك تارت دا بياخد بس بضيتين تقريبا 0000 ممكن و الا مفيش خالص 00 و الله مش ممكن كدا مش عارفين نعمل ايه و الا نلاقيها منين ربنا يصرف عنا اى سوء

السلام عليكم جميعا
وأدعوا الله أن يصرف عن مصركل سوء وبلاء ومرض يارب
عليكم بالدعاء وكثره الاستغفار وسوف تزال الغمه بإذن الله

كنت قرأت قبل كده من أبله دون مقادير
بسكوت بالشوكولاته بدون بيض

6 معالق كبيرة دقيق – 4 معالق زبدة – 2 معلقة كاكاو – 3 معالق سكر
فانيليا
الطريقة
نضرب السكر والزبدة والفانيليا كويس لحد ما يبيض
نضع الكاكاو على الدقيق ونضيفة على الزبدة والسكر
لحد ماتتكون عندك عجينة متماسكة
نفردها بالنشابة ونقطعها بالقطاعة بالشكل اللى بتحبية
او على هيئة اشكال لاولادك وممكن نقطعه دوائر ونضع بندقة
فى نص كل دائرة
ندهن الصينية بالسمن ونرشها دقيق ( زى الكيكة)
ونرصص البسكويت فى الصينية فى فرن متوسط الحرارة
وبالهنا والشفا


طيب
ياترى المعالق مقببه ولا معالق ممسوحه؟؟

الف شكر ليكى يا احلام عصفور بس انا نفسى اعمل كيك و مش عارفه بصراحه الوضع ايه ينفع و الا مينفعش حاجه تحير 000

تسلم ايدك يا دون يا قمرررررررررررررررر على الفراخ دى كلها انتى بتشجعى اكل الفراخ ولا ايه وميرسى على البسكوت الى من غير بيض جه فى وقته