السلام عليكم ورحمة الله وبركاته
صباح الفل والياسمين على كل الياسمين الموجود فى المطبخ وصباح الفل على الجميع
ايه يا جماعه عقدتونى حرام عليكو ليه كل شويه تفكرونى بالرجيم :icon33: :icon33: واحلام عايزه تتخن بتغظينا مثلا ولا ايه الحكايه ياحبيبتى أصبرى على رزقك مستعجله ليه هتتخنى هتتخنى إنشاء الله يعنى احنا جبنا اللى عندنا ده ازاى :D

وبعدين ياساسا احب ابشرك انى عملت رجيم لمدة سنه بالكامل وخسيت 35 ك ومع دندون الحمد لله زدت 10 كيلو تقريبا لأنى خايفه أوزن فقلت استنى لما ميزان مسلمه يخلص ويجى الدور عليه علشان افرح :(
قوليلى بقى ياساسا ايه نوع الرجيم اللى بتستخدميه وبلاش كيميكال بليز

يالا امشى يا سعد امشى ياسعد خلى يبقى فيه فايده

دندون انتى بتجيبى سمك التونه منين وبكام علشان مش بلاقيه
ومتنسنيش فى حشو السمبيط والكاليمارى بلييييييييييييييييز
وبعدين ايه حكاية الفاكهه اللى فى الفرن بجد بتبقى حلوه مش بتغير طعمها ولا حاجه انا عمرى ما عملتها

ميرو ايه اخبار شادن ايه آخر الأنباء احنا منتظرين النتيجه

رانيا ازيك وازى البنات
بتول ايه اخبارك
Amarig ازيك ويارب السوبيا تضبط معاكى وبالهنا والشفا
ام ابيها اين انتى ياسمين من أولها كده شغلت خالص
موتى
نودى
هبه
وحشتونى
عزه اهلا بيكى فى مطبخ دون العامر بكل الأكلات المصريه :26:

صباح الخيرات
ازيكن يا بنات حواء
بالنسبة للبرنسيس فتكات مع الاسف مفيش حاجة عجباها يا ام ياسمين معلش لنا تعباكو معايا
مفيش فايدة

السلام عليكم
ازيكم كلكم يا بنات بدون اسماء
احلام و الله انا متشكره ليكي جدا يا حبيبتي انا كنت نسيت اساسا
ميرسي يا احلام

السلااااام عليكم و رحمه الله و بركاته
ازيكم كلكم وحشتونييييييييييييييييييي
معلش انا مش بدخل كتير الأيام دى انتوا عارفين اللى اختها بتتجوز بتبقى عامله إزاى و كمان عندى برد من اول إمبارح لكن الحمد لله على كل شىء
يا رب تكونوا كلكم بخير

بتول صباح الفل
تسمحى أرد عقبال دون ما تيجى

بالنسبه للسمك المشوى
بفضل السمك البورى
يتبل
بصل مخرط + توم + كرفس + طماطم مكعبات - حلقات فلفل - كمون وليمون وملح وفلفل وقليل من الجنزبيل والزعتر

يتم حشو السمك بالتتبيله السابقه ثم يوضع السمك فى الرده ويقلب مثل البقسماط ثم يوضع على الصاج فى الفرن للشوى أو على صاج فوق الفرن مدهون بالزيت وعندما ينتهى من الشوى نرش طبقه خفيفه من الملح والفلفل والكمون

أرجو أنى أكون أفادتك

ميرو معلش صدقينى انا جربت كل الطرق وفى الآخر بسبيها لما تجوع بتاكل والحمد لله

مسلمه سلامتك من البرد ومبارك لأختك إنشاء الله