السلام عليكم ورحمة الله وبركاته
اتمنى تكونون بخير جميعا
حابه افضفض لكم اليوم لإني حاسه اني متضايقه شوي :44:
اول شي انا تزوجت من قريبي وانجبت منه ولد وتطلقت لإسباب غامضه إلى حد ما
كان بينا مشاكل وحياة مو مستقره بس ماكانت سبب في طلاقنا ..
طليقي جته ايام مايطالع في عيوني ويقولي اتمنى اذبحك انتي وولدك وكلام غريب
طلعت لاهلي ورجعت بعد مااتصل علي وقالي يابنت الناس انا ماابي غيرك احد
طرت من الفرحه ورجعت شهر ورجع نفس الموال وطلعت وهي الطلعه والحمدلله على كل حال
اهلي واهله كلهم قالوا هو ماحبك من البدايه وكان يجامل بس .. قلت لهم مو هذا السبب
لانه كل وحده ادرى بزوجها طليقي ماكان يكرهني
بس في شي الله وحده اللي يعلم به مااحب افكر ان عين او سحر مع ان هذا اقرب شي وكثير قالوا اللي فيكم شي مو طبيعي بس الله اعلم وشو .. لاكن مااقول غير حسبي الله ونعم الوكيل .. مرت الايام وتزوج وانجب بنوته من زوجته الجديده ..
هذي مقدمه عشان تعرفون وضعي العام ..
انخطبت في هالفتره اكثر من مره بس ماتتم خطباتي .. بعد السؤال والتحري يطلعون مطلقين اكثر
من مره لدرجة ان واحد طلع مطلق 5 مرااااااات .. وطبعا كلهم يتقدمون ع اساس انهم مطلقين مره وحده
وغير الطلاق يكونون الله يستر علينا وعليهم .. ولعل لي في الأمر خيره ..
قبل شهرين من الآن تقدم لي شخص مطلق وعنده ولد وطبعا ع اساس انه مطلق مره وحده
جاء تكلم مع ابوي واعجبنا فيه كلنا كااخلاق ومنصب وعمر ووضع اجتماعي
حتى دخان مايدخن .. فرحت كثير مااخفيكم
خصوصا انه لي 4 سنوات مطلقه وتقريبا هذا افضل واحد تقدم
المهم تكلم مع ابوي وعلمه عن عايلة طليقته ام ولده .. ( من خلال السواليف )
سألنا عنه قالوا والنعم .. وبما انه يشتغل في احد الصحف بحثت عن اسمه في الأنترنت
وطلعت له كذا صوره واخبار عنه ..
ومن ضمن الأخبار خبر زواجه بالصووووور .. على كريمة فلان الفلاني ( غير اللي قال لأبوي ) !
انصدمت قلت وش السالفه :44:
قلت لابوي واتصل فيه مباشره وقاله كذا وكذا قال اييه ماطول هالزواج صار فيه مشاكل بيني وبين عمان البنت
عشان القبليه ومالقبليه واجبروني اطلق !!!! عشان كذا ماذكرته !
قال ابوي خير ان شاء الله !
استخرت واستخرت وسالنا عنه وقلت مسكين يمكن غصب عنه وكل شي قسمه ونصيب
ارتحت شوووي مع وجوةد الخوف والقلق الداخلي .. بسبب زواجاته الثنين واسباب طلاقه منهم
بعد كم يوم رد له ابوي وجاء هو وامه وشافوني واعجبتهم وقبل لااروح للتحليل قلت ابغى اوصل
لأم ولده واسألها بنفسي عنه عشان ارتاح خصوصا ان هذا زواجي الثاني ..
بالطقاق وصلنا لها وسألناها قالت يسهر في الاستراحه ويجي ينام وبالتالي يجمع الصلوات
وبخيل شووي في بيته ويكلم كثييييييير بس ماندري مين يكلم ولما تسأله طليقته يقول عمل
والله يهديه تقدم لبنتي ع اساس انه مطلق مره وحده ومع العشره اكتشفت انه مطلق مرتين قبلها !!!!!!
كانت صدمه عظيمه علينا كلنا ... !!!!!!!
يعني مطلق اربع مرات .. !! قالت لها أمي متأكده .. حلفت وقسمت بالله انها صادقه وقالت روحوا اسالوا
اللي تبون !!
طبعا سألنا اكثر ووصلنا لمديره في العمل وطبعا محترم ومعروووووووف وملتزم دينيا
قال فلان متزوج ثلاث مرات وكلها معطيه عليها إجازات خارجيه !!
والرابعه ماادري عنها بس اللي متأكد منه ثلاث زواجات انا حاضرها بنفسي !!
رفضنااااااااااااااااااااااااااااااه وقلنا مافي نصيب
قال ليش انا شاريكم وابيكم وارتحت لكم و و و
قاله ابوي السالفه كلها
وانكر انه متزوج اربع مرات وقال ابوي عموما يصير خير
وتأكد ابوي من مصادر ثانيه وطلع فعلا متزوج 4 مرات
وارسل له رساله اني تأكدت من الخبر ومافيه نصيييييييب
ولارجع يرسل ولاحتى يكلم لإنه خلاص الموضوع انكشف !
بعد شهر رجع يخلي واحد من اصدقاه يكلم ابوي ويقوله انو فلان شاريكم و و و و
وانه اضطر يخبي لانه يخاف الناس ترفضه وهو مرتاح لكم مره و و و
كلام كثير .. ابوي قالنا .. ورجعت افكر واستخير واقول يمكن هذا نصيبي
لانه الوحيد اللي رجع واللي شارينا مره ومستعد يسوي اي شي
وقعدت افكر في ايجابياته واقتنعت الى حد ما
رد له ابوي وفرح كثير ورحنا حللنا وطلع التحليل سليم واتصلت امه وباركت مبدئيا
واتصل على ابوي وزين جواز لي وخذاه عنده ! ضاق صدري على تسرعه وبأي حق ياخذ جوازي وفيه صورتي
واتصل يبي يتملك قرييب واتفقوا على يوم الثلاثاء الجاي
فجأه حسيت نفسي مكتووووووومه وخايفه من هالزواج مدري ليش
واتخيل اني الخامسه في حياته واتعب كثييييييييير
واتذكر تسرعه على الزواج والسفر واخااف خوف مو طبيعي
سبحان الله كنت استخيييير وادعي واصيييييح
وجانا خبر من خالي انه فلان مايصلح
وعمه يقول لو عندي بنتي مازوجته اياها
فلان مو واضح ابد ومزوااااج تزوج كذا مره وطلق ..
قلت الحمدلله خييييره وكلمه ابوي وقاله جب الجواز وبعد الملكه خذه قال ابشر
بجيبه وبجيب المهر .. قال ابوي المهر خله بعدين !
وجاب الجواز وارسل له ابوي رساله انو انت تريد وانا اريد والله يفعل مايريد
مافيه نصييب لإسباب لاداعي لذكرها والله يرزقك باللي تسعدك
ارسل الحمدلله على كل حال
وعسى ان تكرهوا شيئا وهو خير لكم ..
المشكله اني تعبانه نفسيا الحين وصورته في الشوفه الشرعيه ولما رحنا نحلل
مو راضيه تفارقني , احس بالذنب مدري ليه ..
احس تعشم وفرح وخطط و و وبالنهايه رفضناه وهذا الرفض الثاني ..
وربي جلست ادعي له من كل قلبي ان ربي يرزقه باأفضل مني
وش رايكم في موضوعي معه وهل انا ظلمته بشي
ادعوا لي ربي يعوضني خير منه .. ويشرح صدررررري
عالم زحمه @aaalm_zhmh
عضوة جديدة
يلزم عليك تسجيل الدخول أولًا لكتابة تعليق.
روابينا
•
لا لم تظلميه ...لانه كاذب ....هذه حبال الكذب قصيره ....وعواقبها وخيمه على صاحبها ...لاتنقهرين عليه ...اربع طلاق !!!! الله يهديه
ولاتدعيله بالخامسه ..لاتصير ضحيته ...ادعيله بالهدايه
ولاتدعيله بالخامسه ..لاتصير ضحيته ...ادعيله بالهدايه
دمعة غلآ
•
كل شي نصيب
لااااتفكري
ماظلمتيه وين الظلم هو اللي من البداية ماكان واااضح وماقال كم مرة متزوج
الله يشرح صدرك ويعوضك بالزوج الصالح اللي يقدرك ويدلعك
لااااتفكري
ماظلمتيه وين الظلم هو اللي من البداية ماكان واااضح وماقال كم مرة متزوج
الله يشرح صدرك ويعوضك بالزوج الصالح اللي يقدرك ويدلعك
روابي111
•
احمدري ربك خيره
وش تبين بمطلق اكثر من مره
ولايغرك الكلام انه شاريكم ويبيكم هذا الكلام يقوله لكل البنات اللي طلقهم
طبيعي عشان توافقون لازم كلام زين وتميلح
وش تبين بمطلق اكثر من مره
ولايغرك الكلام انه شاريكم ويبيكم هذا الكلام يقوله لكل البنات اللي طلقهم
طبيعي عشان توافقون لازم كلام زين وتميلح
الصفحة الأخيرة
حمدلله ان ربي صرفه عنك
تفكيرك سليم وقرارك سليم
الظاهر ان الطلاق عنده سهل