ملكت وعرفت عنه اشياء خلتني اندم

السلام عليكم حبيباتي
انا سجلت بالمنتدى عشان اطرح مشكلتي وابي منكم الراي السديد والحكيم
انا بنت عمري 30 انخطبت من واحد مطلق ومامعه اطفال عرفوني اهله عن طريق جاراتنا المهم جا خطب ومعه ابوه وامه وخواته ابوي سال عنه 2 من جماعته وحلفهم ومدحوه وبعدها وافق
وامه جت وشافتني واعجبتها وقالت لازم شوفه شرعيه امي سالتها عن سبب طلاقه وين يشتغل قالت كان متزوج وماطولت معه ماتفاهموا وطلق ماجلست معه كثير المهم استخرت ووافقت
بعدها شافني شوفه شرعيه ودقوا علينا مستعجلين يبون يملكون وقالو مانبغا نسوي عرس كلها حفله بالبيت ويجي ياخذها انا تضايقت ولكن امي الحت علي وقالت مو لازم واهم شي التوفيق وسوينا الملكه واخذ رقمي بعد الملكه بيوم كلمني وقال اني عجبته وانه وظيفته زينه وانه هادي وماطول 5 دقايق وسكر بعدها جابوا المهر وقالت امه بعد شهرين الزواج استعجلوا بتجهيز وجهزت بسرعه خلال هالشهرين ماكان يتواصل معي اختفا مره قلت اكيد مشغول ياثث
قالت صديقتي انتي راسليه وتطمني اسالي عنه مافيها شي قلت اوك ورسلت له صباح الخير اخبارك حبيت اتطمن عليك تفاجات انه يقرا ومايرد قلت يمكن مشغول مر الشهرين ولاحددوا شي ولا اتصلوا ولا هو سال حنا سكتنا بعدها تواصلت معي اخته تسالني فلان يراسلك قلت ايه قامت تنصحني وتعطيني نصايح وتقول اخوي ثقيل مابحب المكالمات ترا وبعدها صارت تواصل معي وانصددددمت
قالت اخوي ترا مايبيك مثل زوجته الاولى كانت مهمله وترا جلست معه 5 سنين وكلها مشاااكل انا قلت ماحملت قالت لا المشكله فيها ماتحمل واخوي سليم انا شكيت بالموضوع وجاني تردد علمت امي قالت كيف اجل تقول ماطولو مع بعض المهم قلت بساله هو ارسلته قال وش دخلك فيها لاتجيبين طاريها وكان ندمتي او تسرعتي خلي ابوك يدق علي وننهي الموضوع قلت خير وش هالاسلوب ومارد علي ابد وبعدها ابوي كلمه وطلب انه يحلل وقال حتى بنتي بتحلل بعد قال اوك وراح ماطل فينا شهر واخر شي ارسل صوره تحليله لابوي محلل عند مستشفى خاص المهم اهلي مشوها وانا قلبي قارصني منه قالت امي تعوذي من شيطان وكملي تجهيز رحت دفيت نفسي وكملت وهو ساحب كملت 5 شهور بعدها ارسلت امه قالت بيحدد الزواج وبيرسل لك صور الاثاث واختارو مع بعض ومرت الايام ماشفت شي بعدها راسلته اساله قال انا اثثت على ذوقي قلت طيب ودي نتكلم اتعرف عليك ليش ماخذ رقمي اجل قال ماني فاضي لخرابيط هذي
صراحه خرب علي الملكه وانغثيت الحين لي متملكه 6 شهور ودقت امه حددت الزواج شهر 7 هجري واهلي قالوا خلاص حنا بنفرح فيك خواتي قطوا عشان الحلويات وامي بتجيب العشا والكوشه واخوي دفع لي مصوره لان مهري ماكفا قالت صديقتي كلميه قولي ايش رايك تحجز لي استراحه مافيها شي ابي نصور مع بعض ناخذ راحتنا احسن من البيت تررددت بعدها راسلته وقالي خرابيطكم هذي اتفقوا عليها مع امي انا مالي دخل قلت انت وش سالفتك انت مغصوب ولا وش ليش اسلوبك معي كذا وبعدين انا بنت ومن حقي افرح قال تراك محسستني انك الوحيده بالدنيا ومن بعدها حذفت رقمه وقلت لاهلي مابيه ابي اتطلق هذا اوله ينعاف تاليه قالوا ليشششش واسببابك تافهه عشان استراحه حنا بنحجز لك قلت لا واضح مايبيني واسلوبه من عرفته زززفت شكلهم مزوجينه عشان يعقل قالو انتي بتفضحينا وتطلقين من بياخذك وكبيره تكفون شوروا علي وش اسوي انصحوني صديقتي قالت صارحيه اذا مغصوب او مو مقتنع قال لا تكفون متردده وخايفه مدري اكمل والا اتطلق من الحين دامني على البر
على فكره اذا راسلته مايرد ابد وقليل يرد لكن بعد يومين كذا ومو مشغول لاني اشوفه على طول ينزل سنابات
ونسيت اقولكم ترا امي كلمت ام طليقته وسالتها قالت مقدر افيدكم بشي عيت تتكلم تقول صفحه وطويناها