مهما كان ردوده كانت وقحه الواحد يرد ببرود بس مش توصل لوقاحه

الملكه تطلع افضل شخصيه للزوج ، يطلع افضل ماعنده عشان يكسبك ، هذا لا يبي يكسب ولا يبي شي ، نصيحه انفصلي من الحين احسن من تجيبين عيال و يصير الحمل على ظهرك اكثر
وجع الطلاق الحين احسن من وجعه بعدين ، هذي الاشكال تزعلك ماتراضيك ، تطلع ماتعطيك خبر ، وانتي بتموتين قهر ، الله يعوضك باحسن منه

موضوع طلاقه وانها ماجابت عيال يمكن احد الاسباب
من الكلام اللي قريته واضح انه زي النرجسي والرجال القديم
اللي مايحب رومانسيات ومصااااريف وقلتي يبغاك موظفه
ودوامه طويل يعني اكثر جلوسك بالببت عشان كذا يبغاك تتوظفين
يعني لاتحلمين كثير بسفر مصاريف طلعات وكذا
يعني زواجكم زواج جدي عرفتي زي قبل
رجال يبغى حرمه لادخل سم وابشر وكل واجباته زوجه وبيت واكل وغسيل وكوي وغرفه نوم مجهزه
وبس
مع الوقت وبمزاجه يطلعك يعني
لاكن اذا انتي عادي عندك جلست البيت وماتصرفين بتعيشين
واذا شخصيتك قويه بتمشينه على كيفك
وقدرتي تكسبين اهله بصفك ودام تقولين يتحكمون اجل
خليهم في صفك واخته دقت يعني يعطيهم كلام
لو مايحب كان راسلك وقالك مااحب كذا وكذا
ترا فيه رجال كذا واعرفهم مو راعين سواليف وكلام حتى لو يحب زوجته
جديين
القرار بيدك انتي .. اهلك يقولون اختيارك قولي لو انتي مقرره تتركينه هذا اختياري
اتركه الحين ولااعيش مع واحد وممكن اتطلق واجيكم بعيال بعد
وسالفه العمر قال ايش كبيره ياكثر البنات هاللي بالعمر
واللي فهمته ان شكله مايجيب عيال المستشفى الخاص يمكن معطيهم فلوس مايندرى لاكن في ذمته والرزق بيد الله
فيه من يرزقه الله مع زوجه ثانيه
يعني من كلامك الكثير بيقول لك اتركيه طبيعي
لاكن استخيررري كذا مره
وقرري انتي
يمكن مع العشره والحياه معه يتغير لاعرفتي مدخله
وعاشرتيه
وصار هدفك من الزواج تكوين اسره وبيت
بغض النظر عن طلعه وكلام رومنسي وغيره
لاان هذي تعتبر اشيئاء ثانويه ادري ترفيه والنفس لها حق بس مو اهم من الاحترام والاسلوب يمكن تكونين انتي لاعشتي معه وعرفتيه عن قرب يكون انسان ثاني
لاشاف النظافه والاهتمام بنفسك وبيتك وفيه
مع الكلام الحلو وتقومين بواجبات بيتك وزوجك
واحترامك لنفسك وتقديرك لها ودخلتي بشخصيه ان تحبين نفسك وتقدرينها وهو بعد
وتفاهمتوا معه اسراركم ماتطلع لااحد قولي كذا اهلي واهلك لو يسالون ماانعطيهم جواب وحياتنا احسن
واهله ماتكلمين معه ومعهم الا بالزين فقط
وتعزمين وتروحين وتقدمين وكذا
وشوي شوي من طريقتك واسلوبك تغيرينه
يعني مانقدر نحدد
مخاوفك قد تكون من الشيطان وقد تكون صادقه
الله اعلم
فيه بنات كذا وبعد الزواج تغيروا رجالهم بس هذولي قويات وعرفن مدخل رجالهم
وبس
استخيري واسالي الله الخيره
وان تم اعرفي انها خيره لك لو مافيه خير اعرفي ماراح يتم
يمكن تكرهينه ويصير خيره والعكس
وبالتوفيق
وعلمينا وبشرينا بقرارك

هذا مشكلة المطلق ماتدرين وش وراه يعيبون على بنات الناس وحياتهم غامضه واذا سالت الوحده قالوا ما توافقنا معقوله لو بنت طبيعي تصرف بس رجل ليه مايقول الصحيح !!
بس انتي تملكني خلاص صعبه تتراجعين💔💔
وضعنا صعب المطلقين غامضين 🤐
المعدد اغلبهم يتسلون وحياتك معهم مجهولة المصير😳😳
ا

كل شي عادي بالنسبه لي ...


ألا أن أهلك يدفعون تكاليف الزواج له وحضرته متكي بس يجي ببشته ..


خطا ي ماما .. يبي يتزوج هو يتكلف بالعشا والحلويات .. والاستراحه ..


لا تتنازلي ... واذا رفض قفلي الباب بوجهه والله يعوضك ..
مالومه اسلوبه كذا شايف اهلك راميينك عليه رمي .. خليه يدفع .. بكرا يطلقك مثل الاولى بكل سهوله .. لانه مادفع فيك ريال .. ولا حس بالمسؤوليه ..


اما سالفة انه مايكلم فيه رجال غامضييين .. وفيه رجال راعيين شراب وخرابيط ..
وحده اعرفها خطيبها مايكلمها وغااااامض معهااا .. بالاخير اتصل عليها وهو سكران سبحان الله وكشفته وعلى طول خلعته ..