حلوو تكوني هاديه بس مو مره كثير
انتي حاولي تختلطي بالناس الثرثارين لانهم يحبوو الناس الي تسمع لهم من غير ماتتكلم
يعني اسمعي لسوالفهم بكذا ماتكوني ممله بالعكس تكوني في قلب الحدث لكن من غير ماتتكلمي

عموما
السواليف كلها كلام في كلام لايقدم ولاياخر يعني انتي مو خسرانه شي لما ما تتكلمي
افضلك السكوت
انا مزاجيه لمااكون مروقه احكي عن كل شي يصير معايه لكن لما تقفل بوجهي اصير كتلة من الهدوء هههههههه
وعلى قولة اختي النوفه
ااكثري من الاستغفار احسن من السوالف والحش في الناس كلها ذنوووب

السلام عليكم اختي انا حاسه فيك لاني مريت باللي حاسه فيه بس انا استمرت معاي الا ان تزوجت واتذكر في شهر العسل كيف كان زوجي يتكلم وانا ساكته والله ملل كاني بالعه لساني بصراحه فوتت علي اشياء حلوه اول حياتي............المهم الحل انا زوجي ماشاء الله عليه ثرثار بس مرح وع الايام والعشره انطلق لساني وصرت زيه مرحه وااثرثر بعدين صرت وسط بس المشكله بعد اربع سنوات زواجاهو بلع لسانه وانا اللي اثرثر ........نصيحتي صاحبي ناس يثرثرون بس اهم شي قبل الزواج علشان ماتفوتين الايام الحلوه وربي انشالله يوفقك اختك محبه فيصل

والله انا نفسى بعد كون ثرثارة عندى رفليقة ماش اء الله ما بقدر احكى كلمى طول الوقت بتحكى ، ووقت اتصل فيها اول ما بقول الو بتقلى اهلين حزرى شو صار معى ، يعنى قبل ما تقول اهلين
كملوا يا بنات الموضوع لذيذ

مو كل ثرثاره مميزه ...ياكثر الثرثارات اللي تتمنين يسكتون...

العبره بالكلام الموزون .......مو كل كلام كلام

ومو كل سووالف تحبين تسمعينهااااا........

انا معاكم انه اذا كان الكلام من فضه فالسكوت من ذهب .. ولكن ليش في جميع الاحوال..

انتوا ليلحين ما ادركتوا مشكلة البنت .. وانا حاسه فيها ..

الكلام مهم والله سبحانه انعم علينا بنعمة النطق.. واللي علينا ان نحسن استخدامه ..

أهم شي ما تطمحين اتكونين ثرثاره .. الثرثره مكروهه.. ولكن بالمقابل لازم تملكين القدره على التناقش مع الصديقات والناس عموما .. والهادين ما اتبين شخصياتهم وارائهم .. وما ينفقدون وايد .. لانهم اصلا ما يشاركون ..
مو كل انسان هادي ذكي .. في ناس على قولة المثل " سكت دهره ونطق كفرا"

والانسان الهادي الذكي اهوا اللي يستمع لاراء الجميع ثم يعبر عن اراءه دون مقاطعه من احد..

ويكون رايه نابع من حكمه وثقافه وذكاء..مشكلتج اختي العزيزه اهي اختيار نوعية الاحاديث اللي تتبادلينها مع رفيجاتج عشان ما يحسون بالملل معاج ..

في ازواج يشتكون من زوجاتهم لانه ماكو حوار في البيت بس امر ونهي والزوجه اتقول ان شاءالله .. وخلاص ..

فقدان الحوار في البيت له نتائج وخيمه .. لازم ما نطري على البنت عشان اهيه هاديه .. ومتى صار الهدوء والسلبيه ميزه ايجابيه؟؟؟

الحل توظيف هذا الهدوء في مناسبات معينه والكلام في الاوقات المناسبه..اختي الحبيبه:

ليه قعدتي مع رفيجاتج او صديقاتج.. تذكري شنو نوعية الاحاديث اللي يتبادلونها؟ وشنو اهيه المواضيع؟ وهل انتي عندج مواقف معينه تشبه الكلام اللي قاعدين يقولونه ؟؟ شاركيهم في موقف في احساس!! في خبر!! في كتاب قريتيه!! في المواضيع العامه المطروحة على الساحه !! في برنامج حاز على اعجابج!! في اخر موضه !! في برناج حلو اعجبج!!

من اساسيات التعامل مع الناس ومبادلتهم لج في الحب.. هي : ان تطري عليهم دائما بشيء هم يتمبزون فيه فعلا.. مثلا: صديقتج كان شكلها حلو يا اما لبسها او شنطتها اتقوليلها ماشاءالله اليوم شكلج صار وايد حلو شمسويه او مكياجج حلو او الشنطه حلوه من وين شريتيها .. وتبدون الكلام ابهالموضوع..
رحتي مثلا حق درس ديني.. تنقلينه لصديقتج باختصار شنو استفدتي منه

طلعتي مع اهلج رحله.. او سافرتي لبلد معين..

اذا كان من الصعب عليج تذكر المواقف .. او ما عندج سرعة بديهه وبدا هالشي يحسسج بالنفص او انج غير محبوبه سجلي الاحداث في مذكره .. لانه الكتابه اتساعد على التذكر لانه ممكن اتكون ذاكرتج تصويريه..

حاولي اتشاركين في انشطه لانه الكسل يبب رئيسي للبلاده والهدوء.. والانسان النشيط الايجابي عادة يكون مرح.ايضا الهموم سبب رئيسي في النسيان وعدم محاولة الخوض في المواضيع والاكتفاء بمجرد الاستماع..

اول خطوه تبدينها انج تتكلمين جدام رفيجاتج اللي يحبونج حتى لو غلطتي جدامهم .. وتبادلي الحوار مع اهلج في البيت عودي نفسج على الكلام ..

سبب الحاله اللي انتي فيها اذكر بعضها:

1- عدم تحاور اهلج معاج في البيت . وانشغال كل واحد في نفسه.
2- عدم الثقه في النفس والخوف من الخطأ لتعودك على الاستهزاءمن قبل البعض من اخطائك في الحديث..
3- نشأتك في ظل اسره تلزمك على اتزام الهدوء وعدم التعبير عن الرأي
4- عدم وجود احترام لكيان المرأه من حولك وعدم الاعتداد بها كأنسان له الحق في التعبير عن نفسه..
5- غرس فيك مفاهيم خاطئه ان التزام الهدوء من الادب في جميع الاحيان الى ان اصبح الهدوء شيئا مسلم به , والخوف من الحديث مع الاخرين لعقدة نشأت لديك منذ الصغر.


نصيحتي لك اختي الحبيبه:

لاتجعلي احدا يهبط من عزائمك وثقتك في نفسك .. فالثقة بالنفس هي نصف الجمال.. والتزام الهدوء قد ينسيك كيفيه التحاور مع الاخرين.. واذا كان زوجك انسانا طبيعيا ومثقفا فانه لن يقبل بامراه لا تجيد فن التحاور والحديث.. واطفالك في المستقبل لن تتمكني من التحاور معهم و محاولة استخلاص مافي صدورهم من امور تحتاج لاسلوب جيد ليعبروا عن انفسهم..تذكري : الانسان الهادىء على الدوام.. لا يحظى بالاهتمام

دعواتي لك بالخروج من صمتك .. :) وفقك الله.. استعيني في الله فان ذلك عليه ليسير.. وسيري في طريق اصلاح نفسك فانك باذن الله تستطيعين..