مللللللللليت ملللليت من السمنه

ما شاء الله طولك حلو متوسطة لا طويله ولا قصيرة
شلون دوبا
دوبا يعني مثل دوب باندا !!! يعني مثلي تقريبا خخخخخخخخخخخخخخ
الدوبا والقصيرة مشكلتها مشكله الملابس ماتدخل عليها تعلق عند الراس وتنشق وطويله عليها بعد والقصير يطلع طولها خخخخخخخ
الله يرضينا بما قسم لنا
انا ماشيه على رجيم خضار وفواكه وبعض الاحيان اخبص والوزن ينزل ببطئ شديد وانا متعمده لاني ماابي انزل بسرعه ويخرب جلدي يطلع مثل العجوز
عندك المشروبات الحارق للدهون
قشر القهوة
شاي اخضر
الكتان اخذي منه ملعقه مطحونه حطيها على السلطة او الزبادي وبهالهناء والشفاء

اضافه
افتحي اليوتوب وشوفي التمارين ومارسي السهل عليك لين تتقنينه وضيفي عليه تمارين اصعب مع الايام
التمارين بجانب التخفيف بيطلع جسمك توووحفه
عودي جسمك على التمارين لا تتكاسلين وصيري حرمه سنعه لا يعرس الرجال ويخليك غاطسه وسط شحومك

وعليكم السلام ورحمة الله وبركاته

حبيبتي ولا تشيلين هم بس انتي توكلي على الله القادر على كل شيء ، وراح ادلك على نظام سهل الله يجزاها خير اللي دلتنا عليه

الاكل : امنعي شي اسمه مقلي او مكشن بزيت او زبده ، واذا كان لابد منهم حطي ملعقه وحده والبصل كشنيه بربع كوب مويه واذا صار طري حطي عليه نص ملعقه زيت

الوجبات :
- السلطه الخضراء بدون زيت خليها شي رئيسي لانها تشبع وسعراتها الحراريه قليله
- الرز و المكرونه خذي منه نص كوب فقط
- الخبز يكون اسمر ربع رغيف ، او توست واحد .
- المعجنات بحجم كف اليد حبه وحده فقط ، البيتزا مثلث واحد فقط ، السمبوسه مشويه بالفرن حبه وحده فقط .
- الخضار نص كوب تكون اما مشويه بالتوابل بالفرن او مسبكه بالصلصه بدون زيت .
- اللحوم والاسماك والدجاج بحجم كف اليد وبدون شحوم او جلد مشوي بالفرن او مسبك .
- المشروبات العصائر والشاي والكوفي بدون سكر او ملعقه صغيره الى ان تتعودين .
- الحليب والاجبان والزبادي واللبن قليل الدسم .
- البقول ، العدس ، الفول نص كوب .
- الحلويات مسموح مره بالاسبوع قطعه صغيره بحجم علبة كبريت تقريباً .


النظام هذا سهل تاكلين من اكل البيت ومن كل صنف ( نص كوب فقط ) ، بشرط السلطه الخضراء هي اهم شي لانها تعبي المعده وتشبع وسعراتها قليله والالتزام بالكميه نص كوب فقط

مثال :
الفطور الاول : 2 تمر + كوب ماء او نص كوب لبن او حليب قليل الدسم او قهوة او عصير طازج .
الفطور الثاني بعد الصلاه : نص كوب سلطه خضراء + نص كوب شوربه عدس + سمبوسه مشويه
العشاء : صدر دجاج مشوي + نص كوب سلطه خضراء + نص كوب رز
السحور : نص كوب زبادي + ربع رغيف خبز + خياره او سلطه + فاكهه او حبتين تمر .

طبعا تقدرين تنوعين حسب طبخك كل يوم ، وبين الوجبات اذا حسيتي بالجوع خذي لك خياره او حبه وحده فاكهه او زبادي صغير .

وبالنسبه للصدر انا جاتني عقده من كثر ما افكر اني لو نحفت بيترهل جسمي وبحثت كثير عنه واللي استنتجته انه ماراح يترهل اذا نحفتي بالتدريج وتغذيتي اكل صحي متوازن مع شرب الماء بكثره مع التمارين الخاصه بالصدر والخصر والارداف والبطن .

والصدر يصغر مع النحف وانا شفت بعيني فيديوهات باليوتيوب اجانب دخلو تحدي مدته 60 يوم كله تمارين نحفوا بشكل فظيع وربي شي يحمس صدورهم مرره كبيره ولما نحفوا اختفت نصها

ابحثي باليوتيوب عن : Insanity
وشوفي كيف الاجسام تحولت من دبه الى رشيقه مشدوده

لو استمريتي على الاكل الصحي والتخفيف ومارستي اي نوع رياضه او المشي وكان عندك عزيمه واصرار انك تنحفي بتقدري تخففي من وزنك وماعليك من كلام اي احد حطي في بالك انك بتقدري تنزلي وزنك
مووفقه وان شاء الله توصلي للوزن اللي تبيه

حبيبتي أنا بقلك خلاصة خلاصة خلاصة تجاربي وليست تجربه واحده .

شوفي أول شي .. أنا لازم أواجهك بالحقيقه عشان أحمسك وأشجعك . انتي طولك 160 يعني لازم وزنك يكون بالخمسينات .

الشي الثاني ... صدقيني مااااااافي شي ينحف في هذا العالم غير الريجيم والرياضه فقط فقط فقط . لا تنغري الي يقلك حبوب . والي يقلك مشروب . والي يقلك ليمون . مافي شي . هذا كله كلام فاضي . صدقيني مافي شي تشربيه بفمك أو تدهنيه على جلدك يقوم يروح يحرقلك الدهون . هذا شي ليس له وجود علمي أبدا .

الشي الوحيد الي ينحفك : أولا الاراده ثم الاراده ثم الاراده .
ثانيا : نظام غذائي صحي جدا . ومتوازن . لازم تعرفي كل يوم ايش راح تاكلي من أول اليوم أوقبل بيوم . وتوعدي نفسك وعد صااااااااادق انك ماراح تاكلي غير القائمه المقرره فقط .
اذا نفسك اشتهت الأكل الغلط اتذكري ان هذا الأكل هو سبب معاناتك . وهو السبب الي بيخرب علاقتك بزوجك وبيفقدك ثقتك بنفسك . واتركيه فورا . متعتك منه مؤقته لكن عذابك منه طويل وصعب التخلص منه .

ثالثا : الرياضه . عليكي بالمشي أو الركض على السير . وسيبك من الأجهزه الأخرى الي تربي عضلات . في مرحلة تخفيف الوزن انتي تحتاجي للحرق . امشي مشيه سريعه . أقل شي ساعه في اليوم .
اشربي مويه كثير .

لا توزني نفسك كل يوم . كفايه توزني كل أسبوع أو أسبوعين .

صدقيني راح تنحفي . وراح تتغير حياتك كلها .

والله زوج اختي نزل وزنه 30 كيلو ماشاء الله . بهالطريقه فقط .
حتى أنا نزلت من 80 الى 68 . ومازلت مستمره .

الله يوفقك وييسر أمرك يارب .