ملوخية ملوكية....(على طريقة شام)!!!

السلام عليكم ورحمة الله وبركاته

كيف حالك يا شام ......ان شاء الله بخير

اشم ريحة طيبة :02:

تسلم ايدج على هالطبق

انا حاولت اسوي الملوخية من فترة
بس ما فهمت على الاخت شامية .....جزاها الله خيرا
الصراحة متعب تقطيف الملوخية ....وتاخذ وقت وقعدة :34:


يعني لازم استخدم الضغط .....انا اخاف منها ...والحمدلله ما عندي
لان الغطاء مرة ....طار للسقف :21: والله ستر
عندي اسئلة وسامحيني .......حاتعبك معاي
- كيف طريقتها بدون الضغط
- الدجاجة اتركها تستوي بدون ماء والا يضاف لها ماء قبل وضع الملوخية
مقدار الملوخية كيلو والا ....دجاجة واحدة ..صح :))))
ما فيها طماطم
الملوخية تغسل وتنشف وتترك لليوم الثاني ....والا تستعمل في نفس اليوم

طريقتها جديدة
وسوف ادرجها في جدول الاعمال

:02: وخصوصا وان هذا موسمها

شكرا لك
سامحيني
وبانتظار ابداعاتك :27: :24: :26: :17:

تسلم الايادى عيونى شام ...
والله يعطيك العافية انت والوالدة ويسلمها لك.....وراح اجربها انشاء الله ....بس فى سؤال عند التقديم مانفصل الجلد والعظم عن الدجاجة.....:27: :26: :27: :26:

السلام عليكم ورحمة الله وبركاتة
الله يعطك العافية يا شام وانا ان شاء راح اجربة باذن الله
جزاك الله خير والله يخلي لك الوالدة ويحفظها

أهلا بك مس تشيف وسامحيني على التأخر.....

رح ادلك على الطريقة ولا يهمك اسأليني اللي بدك ياه.........

الحقيقة ما بساوي إلا بالضغط وهي ظريفة وما فيها شي
انت اذا استعملتيها مظبوط ما في منها خوف باذن الله
بعدين بتختصر الوقت كتير وبتريح ست البيت شوي ......يا حسرة...!!!:29:

انا مالي متأكدة من المعيير بالطنجرة العادية بس أظن ما فيها شي وأكيد نفس الطريقة بس بدها مضاعفة الوقت
يعني بدل الربع ساعة ساعة وبدك كاسة المي بدها تنتين

الجاج بكون ني مالو مسلوق من قبل والمي اللي بتحطيها هي للجاج بتسويه وبيطلع لذيذ وطري
يمكن بالطنجرة العادية بدها مي اكثر متل ما قلتلك لان المي بتتبخر من الغطا والفتح والغلق اما طنجرة الضغط فما بدها مي كتير
المهم......
شوفي :جيبي الجاجة وخليها نص وحدة مو وحدة كاملة لان هي تجربة اولى الك وقطعيها حجم متوسط واعملي نفس الخطوات الماضية بس لما بتحطيهم على النار انتبهي ما يلزقوا او يحترقوا وحطيلهم مي قدر الحاجة
بس انتبهي ما تزيدي مي إلا وتكون سخنة مو باردة تنئز الجاجة منها:21: يعني حطي مي على النار باالابريق وكلما لزمك مي زيدي منه(هادا سر الطبخ هاه ما تقولي لحدا:17: )
وبعدين كيلو ملوخية منيح اظن بعد التدبيل..
بدك تسأليني اكيد شو هو التدبيل......؟؟؟
يا ستي لما بتجيبي الملوخية خضراء مقطوفة خالصة بتغسليها وبعدين
بتحطيها بمصافي ولما بتنزل ميتها بتمدي شرشف بالمشرقة تبعكم وبتفردي الملوخية عليها وبتخلي الشمس بالنهار تجي عليها
واتركيها شي يوم يومين حسب الشمسات إذا قوايا ولا لاء
بس لتدبل يعني لا صحيحة ولا يابسة لساها طرية بتجمعي الملوخية وبتحطيها باكياس و بتحفظيهم بالفريزا
هي إذا عاملة كمية منيحة
هي طريقة من طرق تموين الملوخية عنا بالفريزا بالشام
وفي ناس بحبوا ييبسوها
بس هي بلاقيها اطيب
بس إذا عندك كانت خضرا وحبيتي تعمليها اغسليها واطبخيها دغري ولا يهمك انها نافشة بالاول لان رح تصفى على نصها....
فالمهم.....
انت إ
نحنا بهمنا مقدار الطبخ
شوفي إذا عبيتي الملوخية المدبلة بكياس سعة كيلو فثلاث أرباع الكيس بيكفي شخصين تنين بس
وحسب رغبتكم بتحبوا الجاج كتير ولا قليل ......
وجربيها اكيد بتعجبك وبتحبيها

وطبعا الاكلة ما فيها طماطم

اتمنى كون وصلتلك الفكرة ........
وطمنيني شو بصير معك

يلى سلام

أهلا بك ام غادي أو كادي والله ما بعرف

طريقة التقديم متل ما بتحبي انت طبعا انا بقيم الجلد وشوية من العظم بس بخليهم صحاح
وحسب إذا حدا بحب ياخد قطعة الجاة كاملة متل فخد كامل ولا لاء
وفي ناس بحبوا يفتفتوا(مالقيت كلمة تانية)يعني يعملوه شقف ويوزعوه بالصحن...
فمتل ما بتحبي
وان شاء الله الف هنا.....