اهلين بكل الغالين على قلبي
هذا غدانا كان قمة الروعة
عبارة عن ملوخية ورز ابيض مع شوية صبغة صفرا
ودجاجة مع خضروات محمرة في كيس الطبخ وفي الفرن
وهذي الصور ياعسولات
الملوخية
وهي عبارة عن بصل مقطع صغير ومحمر في شوية زيت واحط فوقه ثوم واحمره وطماطم مفروم وشوية صلصة ربع ملعقة تقريباواحط موية واخليها تغلي خمس دقايق طبعا بهارات وماجي واخر شي الملوخية انا اشتريها جاهزة مجمدة
اخليها تذوب واحطها فوق الكشنة واخليها الين تفور شوية واطفي عليها النار
وهذا الرز
عبارة عن بصل مقطع واخليه الين يذبل في شوية زيت واحط الرز عليه مع البهارات الصحيحة واملحه واحط الموية
ولما يقرب يستوي وتنشف الموية اضيف شوية صبغة زعفران من فوق بس ولما اجي اغرف اقلبه
والدجاج
دجاجة مفطعة ارباع واقطع الخضار اللي تحبيها انا قطعت بصل شرايح وطماطم شرايح وبطاطس وجزر وبازيلا وكوسة وحطيت البهار والملح والزيت والثوم وشوية صلصة وشوية موية وقلبتهم زين وحطيتهم داخل كيس الطبخ وحطيتها في صينية داخل الفرن لمدة ساعة الاربع وبسسسسسسس
وطلعت تجننننن قليلة عليها رووووووووعة بصراحة تتاكل لحالها مع عيش
وسلااااااااااااااااااااااامتكم ياعسووولااااات