رائــعــة الكلمة @rayaa_alklm

محررة فضية

مليتوا السمبوسة اللحين..؟ تعالوا اقولكم حشــوتي في اخر رمضان..

المعجنات والمخبوزات والسندويتشات • 16 سنة

السلاااااااام عليكم

صيام مقبول وافطار شهي و ... اتوقع عرفتوها .. :)

المقادير
ــــــــــــــــــــــــــــ

لحم مفروم تقريبا كيلو او اقل شوي
بصل نكثر تقريبا قد كمية اللحمة او اقل شوي
فلفل بارد و حار حسب الرغبة
2 بيضة مسلوقين ومقطعين مكعبات متوسطة
ثوم
عدس اسود(ابوجبه)فنجال قهوة
اندومي(حبة)
بقدونس..كراث
ملح
بهارات و فلفل اسود

الطريقة
ـــــــــــــــــــــــ

نغسل العدس ونسلقه لحد مايستوي بس ماينهرس..انتبهوا

نسلق الاندومي بموية فقط..ونصفيها..

نضع المفرومة بالقدر ع النار ونتركها لحد ماتكب مويتها وترجع تشربها..

لما تنشف تماما ونسمع تشششتششه :) نضيف البصل المفري ..والفلفل الحار ..والثوم...والملح والبهارات..وبهارات الاندومي اللي تجي معاه,,. والفلفل الاسود

نقلبهم كويس ..ونوطي النار ونغطي القدر..لحد مانشوف البصل ذبل ونشفت الحشوة تماااما..

نسكر عنها النار..وبعد ماتدفى نضيف البقدونس المفري.. والكراث المقطع..والفلفل البارد المقطع صغير..والعدس الاسود المسلوق..والاندومي المسلوق.. والبيض المسلوق..

ونبداء نحشي ..واستمتعوا بالطعم والتغــــــييـــر

اتمنى اني كنت مصورته..لكن احتمال اذا عملناه صورته..لاني عملت كمية تكفي لكم يوم..

وعواااااااافي

دعواتكم اغلى ماتهدوووني ..

يلزم عليك تسجيل الدخول أولًا لكتابة تعليق.

تسجيل دخول

لجين الفضه • 16 سنة

الله ينولك مرادك ويسلملك احبابك تقبل الله منا ومنكم صالح الاعمال وبتمنى اعمل الف حشوه بس ما افرد سنبوسه تعبت

رائــعــة الكلمة • 16 سنة

شكرا عزيزتي يسلم لي هالرد اللي اسعدني

وبالنسبة للتاليف خذي وخلي :)
بس انا اقصد السمبوسة المثلثة مو البف..

وتصلح للبف ليش لاء ..

اشكر مرورك ياعسل

اختكم حواء • 16 سنة

مشكووورة يا عسل باين عليها حلوة ..
ياليت المرة جاية تصوري لنا ..

Last On • 16 سنة

يعطيك العافيه

دندووونه شمر • 16 سنة

يسلموووووووووووو