مليتوا من السويت وحابين ترجعون للتقليدي تعالوا + صور

السلام عليكم بنيات :D
اليوم قلت بسوي حلو وبيني وبينكم مليت من السويت شيز كيك وغيره فقلت اغير اشوي وسويت حلوى الساقو جان اتعرفونه ... المهم المقادير

1 كوب ساقو حب صغير
3 فنجان سكر
ماء
1\2 كوب ماء ورد مع قليل من زعفران منقوع
1\4 كوب زيت ذره عادي

الطريقه
ينقع الساقو في ماء مقدار كوبين ونصف ماء
يحمر السكر في قدر تيفال حتى يستوي ذهبي
يصب الساقو مع ماء النقع على الشيره ويحرك ومن ثم نضيف ماء بحيث يكون قوام الخليط سائل شوي (مب ماي مره) ولا كثيف
المهم بعدين يحرك ويحرك ... على فكره تقريبا ياخذ ساعتين طبخ على النار ويكون على نار هادئه
يوم يقل المقدار نضيف الزيت ويحرك وبعدين اخر شي نضيف ماء الورد مع الزعفران
متى اعرف انه استوى يوم تذوب حبيبات الساقو تماما
ملاحظه ... مافي مقدار معين للماء انا استخدمت حوالي 5 اكواب ماء غير ماء النقعته