جايبه لكم بسبوسه رهيبه تغيرين بها عن البسبوسه المعتاده وتكشخين بها خصوصا إذا جاك ضيوف
عاد بما إني فاضيه وعطله الحمد لله جيت اسوي البسوسه وقلت ليه ماغير وفكرت وطلع معي هذا وإن شاء الله يعجبكم
المقادير
2 كوب سميد
2 بيض
نصف كوب سكر
نصف كوب زيت
قشطه
ملعقتين كبار حليب بودره
ملعقتين كبار جوز هند
ملعقه كبيره بكنج بودر وفانيليا
غطاء خل أبيض يعطي للبسبوسه هشاشه
ربع كوب ماء
تخلطين المكونات كلها مع بعض وتأخذين قوالب السلكون أنا إستخدمت قلوب حطي نفس الصوره حبة ميني أوريو أو أمريكانا وتحطينها في القاع ثم تكسرين من الاطراف شعريه باكستانيه
ثم تحطين طبقه من العجينه عليه لاتكثرين
ثم حشوه أي حشوه معتمدهاعندك حطيها أنا حطيت نفس حشوة الكنافه حليب نشاء جبن قشطه أو جبن مع قشطه في الخلاط وخلك كريمه كثري الطبقه دخليها الفرن لين تتماسك
وباقي الخطوات أعذروني ماصورتها للأني مر ه مستعجله
ثم طلعينها من الفرن وتحطين طبقه من البسبوسه (العجين) وترجعينها مره ثانيه للفرن لين تتحمر وطلعيها وسقيها بالحليب النستله وهي حاره في صينيتها ثم خرجيها من الصينيه بهدؤ وإقلبيها تطلع بشكل هذا
وبعضه حطيته بقالب صغير