السلام عليكم ورحمة الله وبركاته
كيفكم أخواتي ؟
كل عام وأنتم بخير وسعاده
أتمنى من المشرفات ماينقلون موضوعي لأن أغلب البنات يدخلون هنا عسى الله أن ينفع به : )
اللي متخرجه واللي فاضيه أقولها من الحين حظك جميل ماشاءالله إذا توفقتي وتيسر لك اللي بقوله :)
بحكي لكم قصتي ^_^
جلست بالبيت فتره , وانا متعوده على الدوام الصباح ,
بهالفتره حسيت بملل , حسيت بفقدي لقيمتي , وطعم الحياه :frown:
الكل مشغول بدراسته وشغله
تبحرت بالنت قد ما أقدر بس مشكلتي إني أمل بسرعه وما اقدر الزم نفسي بشئ طالما هالشئ ما انفرض علي
قرئت كتب , دخلت مواقع و غيرها ,, بس مازال الوقت طويل و الروتين قاتل :44:
و مثل ماقلت لكم لو إني من النوع اللي يقدر يلزم نفسه بدوره على النت أو فائده كان رح أستفيد بس
إلا ما احس بالملل ..
و كنت اقوم الليل وادعي ربي حبيبي ..
لكن يابنات الحياه بين أربع جدران و لوحدك حتى لو حاولتي تكونين متفائله تجيك لحظات يأس من الملل ..
لحد ماجربت شئ ماتوقعت يابنات يكون بهالجمال , ماتوقعت بالحياه فيه مثل هالمتعه : )
فكرت و قررت يا ادخل نادي , أو دوره , أوتحفيظ
و استخرت وقررت ادخل تحفيظ صباحي
حياه أخرى مختلفه تماماً
يابنات والله كنت اقرأ نصائح البنات بدخول دور التحفيظ لكن لما جربتها كان شئ مختلف
جربت الجامعه و خالطت مجتمعات مختلفه
لكن التحفيظ كانت تجربه رائعه
علاقتك بكتاب الله تبدأ تاخذ مجرى مختلف ..
تلاقين ناس والله ما كأنهم من زماننا هذا !
تتعلمين منهم حسن الظن بالله والتوكل
تشوفين كيف ثباتهم وهم بنات بعمرنا
تسمعين كلامهم اللي مليان إيجابيه وحسن ظن بالله , كلام يفتح النفس , تبدئين تتشبعين فيه
تشوفين كيف حرصهم بإتباع السنه بأصغر الأمور هالشئ يدفعك تكونين مثلهم
و قلوبهم يابنات تلاقينها على بعض وعلى قلبك لأنكم اجتمعتوا على كتاب الله و لـرضى الله فـ تشوفين البركه بهالعلاقات :heart:
بالصباح ماتمرين جنب وحده ماتعرفينها إلا وسلمت عليك بوجه بشوش وبحراره كأنها تعرفك من سنين :heart:
إذا احتجتي استشاره بتحتارين مين تستشيرين , من كثر ماتشوفين ناس ثقه و يراعون الله بكل صغيره وكبيره نحسبهم والله حسيبهم !
لما تقومين الصباح تحسين بسعاده ونيتك لله , لبستي وداومتي عشان تحفظين كتابه كيف مايوفقك ويحفظك ؟
بتتفقهين بالدين , بيشجعونك ويحببونك بالبرامج الدينيه , بيدلونك على الخير
دخلت التحفيظ و انا إنسانه محطمه , تعرضت لمحنه بحياتها وفرحت علي صديقتي و الثانيه ما اهتمت لي
و يعلم الله اني كنت من أطيب مايكون معهم و دايم يقولون لي أنتي يافلانه طيبه طيبه , المهم عانيت من صدمه نفسيه بالإضافه للظرف اللي انا امر فيه
كنت ابكي بالليل , كان كل شئ مر , والأمر الناس حولك بس ما أحد جنبك أوحاس فيك :frown:
كنت مكسوره مكسوره
و عشت بالدار أحلى أيام حياتي
دخلته وانا مثل أي بنت أحب الإلتزام , لكن ما ابغى اتشدد , اصلي صلواتي والبس قصير واغتاب وو
طلعت و انا مقتنعه بجمال الإلتزام , مقتنعه بالملابس الساتره وحابتها ,
يابنات شفت بوجيهم نــــــور , يلبسون ملابس عاديه جداً جداً و يعطيهم الله نور بوجيهم ماشفت مثله !
أنصح كل بنت بهالقرار
والله ماتندمين
هي دوره حياة شامله
حفظ والتزام و علاقات صادقه وسعاده :love:
هو مشروع حياة , يمشي وقتك و أنتي راضيه تمام الرضا بأيش قاعده تمضينه
هو تجارة رابحه مع ملك الملوك !
وتذكري هذا الحديث
عن أنس رضي الله عنه قال :
قال رسول الله صلى الله عليه وسلم
( إن لله تعالى أهلين من الناس . قالوا : يا رسول الله من هم ؟
قال : هم أهل القران أهل الله وخاصته ) .
(صحيح الجامع)
تخيلي تكونين من أهل الله ؟ كيف رح تكون معاملة الله لأهله ؟ إذا انتي أهلك تحبينهم وتعاملينهم غير عن البشر ,, فـ كيف رح تكون معاملة الله لأهله ؟ ولله المثل الأعلى سبحانه
محتاجه زيادة حماس ؟
شوفي هذا البرنامج بيوتيوب , مدة الحلقه ثلث ساعه , اسم البرنامج مسافر مع القرآن , بيتغير بقلبك أشياء كثيره بإذن الله :icon18:
و الآن لو رجعت الأيام وسمحت لي ظروفي أدخل والله ما اتردد دقيقه !
واللي تحس أن أمورها مو متيسره مثلا مافي أحد يوديها أو شئ
تصلي ركعتين بجوف الليل الآخر وتدعي الله وتصدق النيه ومارح يخيبها الله أبداً !
اسأل الله أن يجعل القرآن العظيم ربيع قلوبنا ونور صدورنا و جلاء أحزاننا وذهاب همومنا و أن يرزقنا تلاوة آناء الليل و أطراف النهار على الوجه الذي يرضيه <3
و اللي عندها قصه مع التحفيظ ومع الحفظ تفيدنا وتحتسب الأجر
اللي تستفيد من موضوعي تدعيلي ولأمي بالشفاء والفرج : )