مليت اشوف كل الناس الي حوالي تصيرلهم اشياء حلوه معدا انااااااا

السلام عليكم
متضايقه و بدخل الموضوع على طول
ما شاءالله الناس الي حواليي الاقارب و صديقاتي حياتهم تروح للامام و تصيرلهم اشياء حلوه الا انا :icon33:
انا افرح بشي بسيط يجي شي افظ و ينكد علي
حتى صرت اخاف افرح
احس بصوره عامه كل شي في غلط في غلط
اروح اساعد و نيتي اساعد اخرب و ياريتني ما تبرعت ولا ساعدت
ماشاءالله بنت خالتي مثلا تساعد و الكل يشكرها و بقدرها و تنقذ الموقف

كل اقاربنا بينتقلون من بيت كبير لاكبر ما شاءالله و نحن بيتنا ضيق و قديم
توقعو مره بيت جدتي كنا جالسين و عيال خالتي 2 يبغون يروحون بيت خالتي 1 و امهم تقولهم لا انتو رحتو هالاسبوع كم مره
فقمت انا اقولهم تعالو بيتنا ردو علي لا انتو بيتكم وعع مو حلو ما نبغي نسير قدام الكل
انحرجتتتتت

واحد من اقاربنا حيوان و بس خلوني ما اتكلم
لو تكلمت عنه بكلمه اهلي يعصبون و هم بدون شي معصبين

الجو فالبيت خانق ما نسمع الكلمه الحلوه
الجو عام توتر في توتر و ما نطلع الا بطلوع الروح و بعد تستوي مشكله


ما اقدر اتكلم بكلمه بعض صديقاتي يمكن يحسدوني على حياتي لاني فرفوشيه معاهم و يتوقعون حياتي سعيده
بس ما اقدر اشتكي لاييييي حد
بس كله قدام الناس شي و في داخلي شي ثاني
احس صايره حقوده و حسوده (بس ما اتمنى الشر للناس)
انا احاول ما اقارن نفسي بغيري لانه اتعب لكن احيانا احس كل شي ابغيه ما احصله و يتعرقل ما اقدر اوقف نفسي و انا اقارن



تعرفون من الضيق امس كنت بموت بس جالسه فالغرفه و زعلانه قمت دخلت شات اجنبي (انجليزيتي مو هذاك الزود)
بس جلست و تكلمت مع وحده قممممممه و والله بكلمات بسيطه خلت مزاجي يتعدل و عقب جلست تسولف معاي
توقعو شو طلعت يهوديييييه !!!!!!! انا مت من الخوف نفس الوقت حزنت على نفسي
مو محصله مسلمين اكلمهم
انا ما قلت لها مشكلتي ببالتفصيل حتى ما تتشمت فينا نحن المسلمين و تقول شوفو كيف الكبت عندهم
بس قلتلها انا متضايقه و جليت تسولف معاي و هدتني
و شكرتها و طلعت و بس