رومآنس @romans_4
محررة ماسية
مليت من السجن اللي انا فيه .....
السلام عليكم
انا مشكلتي ويمكن اغلبكم عنده نفس المشكلة
زوجي والانترنت
24 ساعه عليه زوجي واثقة فيه ماعنده خرابيط
اغلب شئ على الالعاب
بس انا طفشت زهقت :angry:ما احسه موجود بينا عندي ولدين اعمارهم على 2 و4
هو من زمان كان مدمن عليه بس مو لذي الدرجة
صرنا مانتحاور ما نسولف اصلا مافيه شئ نسولف فيه
والمشكله صرنا مانطلع قبل كنا على طول تمشيات وشبه يومي او كل يومين
الحين كل اسبوع مرة واغلبها نشتري اغراض البيت نطلع المغرب وماتجي 9 الا حنا في البيت
ونادر جدا اذا تأخرنا تكون من باب الصدفة ويجاملني فيها
دائما تعبان راسه يعورة دائما دايخ وشوي بيطيح عندي احساس 90% انه يبالغ
لان التعبان مايوجع راسة بألعاب فيها تفكير وغيرة صح ولا انا غلطانه
وفوق هذا اللعبه اللي طايح لي عليه
كل شوي مايكلم ولد اخته عشان اللعبه لانها اون لاين
وكل حين سوالف وياه مسوين فريق وعلى طول مكالمات بالجوال عشان اللعبة <<< هذا راسه يعوره وتعبان
اذا جيت اكلمه عينه على الابتوب
ويادوب يسمعني اعيد وازيد الين ماينتبه لي مايتحرك ابد من مكانه غير للحمام
ويامر في كل صغيرة وكبيرة
حتى لويشوفني مشغولة وحوستي حوسة مايهمه
مثال المنديل قريب له يناديني من المطبخ عشانه
او شحن الابتوب بيخلص يبيني اركب له الشاحن وهذا اللي يقهر يزهقني بسرعه بسرعه بسرعه الشاحن بيطفي الاب
حتى لوا انا في المطبخ ومشغولة يناديني على شغلات تافهة
انا ماقمت احس اني متزوجة
وفوق هذا 24 ساعه في الشقة مااروح مكان
غير يوم واحد في الاسبوع بيت اهلي
ويوم واحد يطلعني فية ساعة او ساعتين واغلبه تقضية اغراض للشقة
وفوق هذا يطلعني وهو مضايق وراسة يعورة وتعبان ودايخ
وينكد علي في الطلعه غصب
ماتسوى علي
يتحجج باي شئ
ومن نرجع البيت اعتدل الوجة وعلى الابتوب وهاتك لعب ونومه قليل كله على الابتوب
يجلس معي احيانا قبل لينام شوي نص ساعه تقريبا
ودائما عذرة اولادي مايخلوني اجلس معاش
ويجننوني
احس انا حنا مو منسجمين مع بعض
اووه وبعد ممنوع من الطلعات يعني مافي امل اخوي يمر علي يوديني بيت اهلي
يعني ما اطلع مع احد غيرة نهائي
وماروح لاحد نهائي الا في السنه حسنه
واعراس صرت ماروح
صديقتي الروح بالروح
حضرت عرسها ساعه
يحدد لي وقت لو باروح حدي نص ساعه وتهديدات ان تـاخرت عليه وحدي بس صديقاتي المقربات بس
في العرس عيني على طول على الساعه ما اتهنى كأني سندريلا
بغض النظر عن عرس اخواني عادي يخليني اطول
البقلة جنب بيتنا ممنوع اروحها
لو بطلع مع امه واخواته ممنوع ممنوع اطلع مع اي احد غيرة
يعنني ممنوع اعتب عتبة الباب الا به
غيوووووووووووووووووووور مرة
ويحبني مررررررررررررررررررررررررررة
هذا كان قبل الحين يقول يحبني بس ما اصدقه مو قادرة اصدق يحلف لي بس مو مقتنعه من كلامة
افعاله مو افعال واحد يحب مو مثل قبل
تغييير كثييير
صار بارد معي
وانا من افعاله وحركاته
تغيرت كثييير صرت باردة معه ما احبه مثل قبل كنت اعشقة
الحين عادي احبه عادي كزوج وتعودت عليه وصعب اني استغنى عنه لانه عزيز علي
بس انا مليت طفشت مو عيشة والله متزوجة ولا متزوجة
ابيه يحسسني بحبه لي مثل ماكان قبل
لما يطلعني مثل الهم عنده
وبالصراحة لما شسمة يتقرب مني في آخر الليل اتضايق كثير واتنرفز ما احب يلمسني بس ما اقولة شئ
وكل هذا بسبب تصرفاته معي :icon33:
وتجاهله لي
كلمته ويعتذر بألاولادة طيب انا شنو ذنبي اولادة مثل ماهم اولادي ليش بس انا اللي تحملهم
اللي مضايقني اكثر انه صار مايطلعني يعني على شنو اصبر
ولا هو عاطيني حريتي ابي اروح واجي عادي مثل هالحريم وهو رافض الفكرة نهائي
تعبت نفسيتي كثيييييير زهقت طفشت
انا اتمنى مثلي مثل غيري زوج يحسسني بحبة له واهتمامه فيني
والله اذا رحت بيت اهلي انبسط كثير من جلستي معاه
واذا جلست مع مرت حماي انبسط كثير
لاننا نسولف مع بعض وكذا
وهو ابد لاسوالف ولاشئ صعبه استمر كذا وهو على هالحال كم لوسنه سنتين اوكي بس زوجي كل ماياله ويحقرني
واللي يبط جبدي عوار هالراس
ما اقولة شئ الا قال راسي يعورني دايخ تعبان وهو يلعب عادي
والله ماكان ودي اتكلم عليه كذا او ان احط مشكلتي لكم بس انا خلاص والله زهقت مو قادرة اتحمل
عمري 23 وعمرة 26
بس هو طيب معي كثير بس عصبي
30
4K
يلزم عليك تسجيل الدخول أولًا لكتابة تعليق.
ام ســـعد
•
الله يعينك
فتره وصدقيني بيصفس اصلا كذا طبيعتهم يتعلقون بالشي الجديد بعد فتره يملون ويتركونه بس اني هدي وتاقلمي على وضعك واللله انا مثلك يمر السنه والله ما اروح الا ملاهي واحيان لحالي بعد من الطفش لان اصلا مالي احد بالمدينه اللي انا فيها حتى جيران ما يجون ولا اروحلهم وتاقلمت لازم اصلا غصب عن الوحده تتاقلم بس الله يعين وبس
الله يعينك والله النت بلا
الله يسخر زوجك لك
أكثري من الدعاء والاستغفار
ومن قوله تعالى ((
الله يسخر زوجك لك
أكثري من الدعاء والاستغفار
ومن قوله تعالى ((
الصفحة الأخيرة