الله يعينك .. ما الك إلا تصارحينه بطريقة هادئة وبسيطة انك تريدين تاخدي راحتك وتحسي إنك ربة منزل مسؤولة عن شؤون بيتها وكمان عشان ترتبين اغراضك الكثيرة ومن جهة اهله ما يحمل هم وقوليله إنك إنت ما تريدين إنك تسكني بعيد عنهم لأنك إنت كمان تحبيهم مثله بس الحل المناسب للطرفين إنكم تسكنون لوحدكم هم ياخذون راحتهم ويتوسعون وإنتو بعد نفس الشي وهذا كلام ما يزعل وخصوصا إنه مذكور بالعقد وكان هو موافق عليه يعني ما عنده مشكلة من حيث المبدأ ويبقى الإقناع والطريقة عليك..

السلام عليكم ورحمة الله وبركاته
اختي الغاليه كنت احسب اني انا بس في هالعالم تعاني من هالمشكله(مشكلة الاستقلاليه)
حبيبتي انتي على الاقل عندك غرفتين وحمام ، عيل انا شوه اقول وعندي بس غرفه وحده مع حمامها عايشه فيها من سنتين والحين الثالثه واللي يقهر ان لي بيت مبناي وجاهز من سنين بس للاسف ابو الشباب مو راضي يسكنه بحجة انه مايبي يطلع من بيت اهله
بذمتج موشي يقهر كل يوم تمرين جنب بيتج تشوفينه ولا تقدرين تسكنينه؟؟
بيت اهله كبير ما شاء الله وغرفه كثيره بس القانون ان كل واحد اله غرفه وحده بس
ما اقول الا الله يصبرج ويفرجها علينا وعليكم
واللي يشوف مصيبة غيره تهون عليه مصيبته

وعسى ان تكرهو شيء وهو خير لكم

وحده من زميلاتى مستانسه مع اهل زوجها تقول اطلع من المدرسة الا الغداء جاهز وعيالى صح مع شغالتهم بس مطمنه عليهم لانها تحت عيونهم وصح محرومه من الطلعات بس الله يخلى غريفتى اسوى بها الى ابي

وبيوم من الايام الحالكة قال ودى اطلع من البيت تقول انفجعت والله لانى مرتاحة بجد من هموم كثيرة بس تقول ان ربعه كلهم يقولون البيت المستقل تاخذ راحتك احسن وانا ما غير اقول عيب تترك اهلك وليه وش بيقولون الناس احاول افر به لكن كان معند وطلعنا

تعالو شوفو الحين حالتها لا راحة مثل الناس ولا عيشه مثل الناس يعنى هم العيال والشغالة والغداء وووو

واذا على التدخل خليها براحتها وحاولى انك تستغلى وجودك معهم بخير يعنى مثلا تسوى لك روتين انك مو كل شوى تكونى معهم لانهم بيملون منك فتكون نزلاتك عليهم باوقات تحسى انهم مروقين مثل بعد العصر على شاهي وحركات او على العشاء وبعده معاد يشوفونك طسى لغرفتك

ولاتنسى رتبي لك جدول حلو للقراءة النت مو كل شي بهالدنيا

لله يعينك حبيبتي

الله يعينك يااختي bakoانا لو مكلنك وعندي بيت ولا اسكنه كان اموت من الحسره
الله يكون في عونك ....
وانتي صادقه يااختي ملامح نجد البيت مسئوليته اكبر من غرفتين اوثلاث...وانا انزل في
اغلب الاوقات ظهر وعصر ومغرب واحيانا اجلس لوقت متاخر
ولو اصير طفشانه ماانزل الاقليل ولاحظ امه تزعل لو منزل لكني ماعلي من احد اذا صار لي
مزاج نزلت وبس...