الله يعينك

طيب مجبوره تفتحين لهم الباب

هذولي ما ينفع معاهم الا العين الحمرا .....وبلاش مجاملات لأهلهم قولي لهم على اللي يسوونه عيالهم

الله يعينك

انا ايد كلام ام توتو 22
الواحد يالله يتحمل عياله وشلون عيال الناس وبعدين اكره ما علي مثل طقت هالأمهات الي لو عصبتي على ولدها تكلمة واذا عيالهم يحوسون عاااادي تخليهم على راحتهم ,بعدين هم جاين لجدتكم انتو وش دخلكم اذا سكتو على هذا الوضع بكثرون ويزيد الغثا ,
عندي اختي الله يهديها تسوي زيهم اذا جاة لأهلي تخلي عيالها يحوسون ويفتحون الثلاجه وياكلون اي شي واكثر من مره سببت مشاكل يكنون خواتي مسوين حلا حريم بيجون او شارين لهم وجبه من المطع وبياكلونها بعدين اذا جاة معاد نلاقي شي بالثلاجه تقولين مجاعه مع ان ابوهم راتبه ماشاءالله 10000وهم ماعليهم ساكنين قبال بيت اهلي ,معهم شغاله بس الشغاله ماتسوي شي حتى تجي تفتح الحافضه وتاكل مع انهم متغدين ببيتهم بس كذا اول ما يجون على طول على المطبخ واذا قلتي للشغاله ليش ما تغسلين الي بعدك تقول هذا مو بيت انا ,والمشكله ان امي تحب النظافه وهي كبيره تشتغل مع الشغاله لأنها ما ترتاح اذا ماساعدتها واختي ما يهمها هذا الشي تقول انا في حلال ابو ي وحلالي حلال عيالي والله انا ما نحس انها اختنا تفكيره اناني ودايم تاخذ من عند اهلي اغراض حافظات لوحات حتى السجاد وحتى سجاداة الصلاة والشراشف كلها منعند امي ولا ترجعها وانا واخواتي دائماً نوفر من مصروفنا ونشتري لأمي ونتفاجئ انها ماخذتها ولا تقول حقي بسلامتكم مني مرجعته وامي تقول خلوها المشكله هي الكبيره والمفروض تصير اكثر وحده تنصحنا لأمي والله اني اذا رحت لأمي ما ارتاح مع اني اجلس بالشهر ما اجيهم منها كل يوم جايه وعيالها يسعون بالبيت فساد وهي عادي ويويل احد يقول لعيالي شي ,,,,انا صرت اسكر باب ونحبس نفسنا في غرفه عشان يجلسون يحوسون في مكان واحد بس اهي تتعمد تفتح الباب وتقول ليش تسكرونه خلو عيالنا يروحون ,,,,,واذا شفتها طولتها والله اني اعصب على عياله وعلى شغالتها الي ما تنفع وهي تزعل ليش تقولين لعيال وتروح لبيتها مودائماً تسويها بالعاده تطنش ما ارحم الأ امي تقوم من الصبح وتجلس تنظف عقبهم وبعدين تجلس تشتكي من رجولها ويدينها والله ماعرفنا لها حل تقولون قولو لها والله قلناه في وجهه وش تقول حرام عليكم وش سوينا لكم وبعدين انا ما اجي الأ مره بالأسبوع وهي واللله الشاهد كل يوم عندنا والمشكله بتروح شغالتها يعني بناكلها في رمضان ......قلت قصة حياتنا انصح تحبسونهم في مكان واحد واذا جاء وقت العشاء قلو اهلكم يقولون تعالو تعشو خلهم يروحون لهم او البسو عباياتكم وطلعوهم وروحو معهم لبيت جدتكم قلو كيف نخليهم لحالهم

استغفرالله بس
من فاضي هالوقت يربي عيال غيره

اتخيل شكلي اسوي لهم مسابقات :09:

عارفه ياصاحبة الموضوع
مريت بنفس حالتك

ماعندي عيال وساكنه مع اهل زوجي لي جناح خاص
صاله كبيره وانا مدلعه نفسي كل شي حاطته فيها
والتلفزيون عندي كبير مرره وكنا مشتركيين يالشوتايم واوربت <<< كانو يطلعون عندي بالبدايه عشان قناة ديزني :icon33:
واذا جو اخوات زوجي 3 عيالهم وعيال اخوانه 2 يطلعون عندي لجناحي <<<< يمونووون :09:

تخيلي بزران عدددددهم 9 اكبر وحده كانت بثاني ابتدائي

خربو اغراضي وكسروها هذا غير الحوسه واكل وشرب
شيبس وعصير ع الموكيت

وكل هذا وانا اسكت
يعني مابيدي شي اقول لزوجي يقول هاوشيهم وماكنت اتجرأ استحي من اهلهم

ومره وصلت حدي يعني اهلهم مايستحون ليه انا استحي
لما جو مره طردتهم بصراحه
نزلتهم ونزلت معهم وقلت لااهلهم ماابغى بزران بجناحي
البيت واسع يشوفون لهم غير غرفتي

بعدها صدق صار فيه زعل من اخوات زوجي بس ماعلي منهم
ماعاد الا هي اصير حاضنه لعيال غيري

هالشي لازم تحطون له حد
اذا سكتوو راح يستمرون
الله يكون بعونك