مليت من تجريح اقرب الناس لي

السلام عليكم يابنات ورمضان كريم علينا وعليكم . 
والله يابنات مدري شقول بس تعبت وطقت نفسي من إهانات أهلي لي حتى أمي  تعايرني وتشمت فيني كل هذا عشان للحين ما تزوجت مع ان خطابي كثيرين بس كنت غيبه وجاهله وأرفض فكره الزواج واللي خطبوني اكثر من عشره وكلهم تزوجوا وعيلوا وأنا محلك سر ومن سنتين محد خطبني يمكن أخذوا فكرة اني مغروره وأرفض اي احد مع اني اللحين أتمنى اي احد يخطبني وعقلت بعد فوات الأوان أو انه عقاب من الله لي على تبطري على النعمة ورفسي للرزق المهم من سنه زادت الضغوط علي وصار اللي حولي ينتهزون الفرص عشان يعايروني ويهينوني تخيلوا يابنات أمي تقولي انتي ماعاد فيك عيال ووقفتي يعني وصلتي لسن اليأس مع ان عمري 31 وكل ماشافتني معصبه وأهاوش لأي سبب تقول لي 
وش أسويلك ما عندي رجال أزوجك إياه وكل سالفه ومشكله لازم تجيب سالفه الزواج حتى لو مافيه علاقه بينهم يعني شغلها الشاغل تعايرني بالزواج وإخواني بعد ما يقصرون حتى الشغالة مثلهم ووصلت لمرحلة الاكتئاب الحاد مع اني جميله وجامعيه وحالتنا المادية ممتازة جداً بس كل هذا ما فادني بشي وحالتي من سئ الى أسوء مع اني محافظه على الاستغفار والصلاة واقرأ سورة البقرة كل ليله  الله يعافيكم أدعولي انا وأخواتي يرزقنا الله بالازواج الصالحين ورمضان على الأبواب أدعولي بظهر الغيب الله يوفقكم ويحقق أمانيكم.