مليت من تصرفات زوجي وطريقته معي ماادري ابي اخوفه بشي

السلام عليكم

انا مليت من تصرفات زوجي معي ماادري وشلون يتأدب يعني وش اسوي الشكوى لله تعالى
ابذكر لكم اخر المواقف بس عشان تعرفون وهذا غيض من فيض
تخيلو يسوي معي مقالب يقاله يمزح الصراحه انها غير مقبولة ابد ماادري وده يضحك على حسابي وشلون اتصرف انا مليت لو اقولكم ماتصدقون تخيلو انا نفاس ببنتي الله يتقبلها لي حوالي عشرين يوم وجالسة ببيت اهلي وكان عندي الاسبوع الماضي موعد بالمستشفى عندي التهاب تخيلو بعد ماطلعنا مر على البر انا قلت نبي نسولف ونتقهوى مهيب مشكلة تخيلو نصف الليل حول الساعة 2حاطني جنب برحة وبالبرحة حفرة كبيرة قال خل نتمشى قلت يالله قال تعالي شوفي حفرة قلت ماابي قال الا ويبدا يسحبني خفت حسبته بيحطني فيها واجلس ويمعط لليوم ذراعي يوجعني لا تقولون انتي دارية يمزح لاااااا الا هو يخوف ومتهور ومااستبعد عليه شي واطلع من البرحة ويطلع شوي واثر كلب يبي يدخل هالبرحة قال شوفي الكلب تصدقون خفت لا ني مااستبعد عليه اي تصرف شوي قال ابروح اقضي حاجة بالبرحة ويروح ويبطي ماعاد رجع خفت وقلت عسى ماسوى الكلب فيه شي وبديت اسمع اصوات تخوف وقمت ومن الخبة ماعاد ادري وين شنطتي والجوال ضيعتها وادور حول السيارة ماادري وش اسوي واروح اوقف عند البرحة وارجع اخاف عشت لحظات صعبة اخر شي لقيته متغبي ورى عمود صبة يعني هذا استهتهار نفاس واروع بهالطريقة اي عقل يقبل هالخربطة قلت وش هذا ليش تسوي كذا قال حسيت انك حزينة وقلت اضحكك قلت ماضحكتني الا روعتني وضيقت صدري خلاص ماعاد اطلع معك من غير شر لك ولا لي يعني شي مهوب طبيعي وماشاء الله عليه رجال تكانة يعني مهوب صغير ولا توه طايش وغير حركة اذا كنا بالسيارة ماادري الا يشخط ويفحط بي وابدا اصارخ حرام عليك حرام من وانا حامل يسوي بي كذا تعبت واحيانا مزحه فيه مدت يد يعني يصقعني مع رقبتي يمزح ولا يسوي اي شي يمزح فكرت يوم اقوله خلاص يااخي خلني اروح لاهلي وفكني انا مليت اخاف يضرني حامل يايهمه نفاس مايهمه كنه يتعامل مع رجال وبمره ارسلت له رساله قلت له انت تمد ايدك وتقول امزح انا احترت معك قام يضحك علي يوم قراه ماينفع فيه الحمدلله هو رجال محترم ويلبي طلباتي الضرورية مااقول كل شي بس الحمدلله مااعيبه لكن تصرفاته تطفش
انا متزوجة لي حوالي 8 شهور
فكرت تو اقوله ابزعل واروح عند اهلي ؟؟ وش رايكم