مليت من حياتي وكرهت زوجي بعد زواجه علي

حبيبتي الله يساعدك يارب على هالمصيبه اصبري واحتسبي الاجر وخليك قويه علشان اطفالك هم الي محتاجينك ودام زوجك قالك احملي معناته يحبك ويبي الاطفال منك انتي ام عياله ان شالله مرده لك اهتمي بنفسك اكثر من اول خليك انتي الاحلى في عينه لاتخلين الهم والحزن يقضي على جمالك خلي اولادك اذا جا ابوهم يرتمون في حضنه ويقولون له اشتقنا لك يابابا علميهم على هالحركات خليه يتعلق فيهم اهتمي بنفسك اكشخي تدلعي عليه لو ماعطاك وجه مره مرتين صدقيني بيرجع لك خصوصا هي اكبر منك واقل جمال منك وادعي ربي الله يسخره لك ولعيالك احذرك تتركينه وتتركين عيالك مهما كان السبب

الحب مايعرف قدر من الجمال او قدر من القباحه يمكن شاف فيها شي ماشافه فيك انتي اصبري لعيالك ودامك الحالك ماعليك منهم تعرفي علا ناس وسعي صدرك روحي تعالي وخليه صدق حره بس مالك الا الصبر

الله يعينك اختي على ماصابك
اختي معظم الرجال مفاتيحهم الام اذا تحبين الام وتجلسين مع الام بيشيلك فوق راسه
واكيد صار بينكم حوار بين هالموضوع انك ماتجلسين مع امه ويمكن انتي اهملتي هالشي عشان كذا شاف غيرك
لحين ماينفع الندم
حاولي تصلحي لي صار انسي انه تزوج عليك واهتمي في مناسباته عيد ميلاده وعيد زواجك وحاولي ترسلينه انك عازمتنه للعشى عندك واعملي طبخات لي كان يحبها
واهم شي والاهم حاولي تهتمين في امه تشترين لها حاجات في الاعياد والمناسبات يعني تفوقي عن شريكتك في اشياء انتي ادرى منها في سعاده الزوج

من قالك إن الحب مقرون بالجمال وصغر السن سبحان الله هذي هي صغيرة وجميلة على قولتها لكن هالشيء ماشفع لها عند زوجها الحب يكمن في معرفة مفاتيح الزوج والتعامل معه أن ماأشمت بصاحبة الموضوع عشان مايفسر كلامي خطأ لكن يبدو لي من مشكلتها إن والدة زوجها هي وصلتها به هي الشيء الأساسي اللي يخلي زوجها يتقرب لها ويعزها
سبحان الله كان عندها فرصة تعدل علاقتها مع أم زوجها وتزورها وتعتبره من باب البر وتعتبرها زي أمها خصوصا إن هي تحتها وقريبه منها لكن لو هي ساكنه في بيت ثاني يمكن الموضوع اختلف شوي
مشكلتنا حنا الحريم تكون معنا مفاتيح الأمور وتكون الحلول متوفرة في يدينا لكن ماندركها إلا بعد ماتروح مننا ويكون الفأس وقع في الرأس
معروف الرجل السعودي بشكل عام أمه وأهله خط أحمر وعلاقتك معهم هي اللي تحدد علاقتك بزوجك قد ينبهر بجمال زوجته في بداية الزواج لكن مع العشرة يبدأ يركز على علاقة زوجته بأهله ومدى تعاملها معهم لأن معزة وتقدير أهله من معزته
أتمنى مايكون هالكلام قاسي عليك ياصاحبة الموضوع بس والله حزني حالك وحبيت أنصحك لوجه الله لأن وضعك نفس وضع بنت خالي أهلها ترسوا رأسها لما تزوجت وقالو خلي علاقتك مع أم زوجك رسمية جدا ولاتكثرين زيارات ولاتزورينها إلا بالمناسبات وخليك ثقيلة معها وست كل اللي قالوه لها على الرغم من تلميح زوجها لها كذا مره بأن تحسن علاقتها مع أمه وخواته لكن ماأفاقت من اللي فيه إلا لما تزوج عليها وحده بنت عمته وحده أكبر منه وعاديه جدا جدا ومطلقه لكنها مع أمه وخواته يادهينه لاتنكتين وماكلتهم بلسانها وهالحين حاطها في السماء العالي وزوجته الأولى في بيت أهلها زعلانه لها 7 شهور ولاطق لها خبر على الرغم من إنها ملكة جمال وجه وبياض وشعر ورشاقة وجامعية بس سبحان مقسم الأرزاق
الله يرد لك زوجك ردا جميلا ويصلح أحوالكم

تبين الحل وانا اختك سوى الحين العكس يعني اللي تسوين له الحين وقفيه نصيحة أخت مجربه مؤقت وراقبي الوضع اذا جاء عندك طناش لا تقابلينه إلهي عنه وشوفي وش بيصير اذا تقرب منك هذا هو المطلوب