مليت من زوجي !!

السلام عليكم ورحمة الله وبركاته
بدخل بمشكلتي ع طول والرجاء ثم الرجاء اللي عندها رد سيء ومايخدمني بمشكلتي تحتفظ فيه مابي مشاكل ومهاترات عالفاضي انا بتقبل ارائكم بصدر رحب بشرط تكون بخصوص موضوعي
كل مطمعي بحكيمات عالم حواء انهم يفيدوني بمشكلتي
انا يابنات اتزوجت زوجي عن حب بالاصح هو يحبني وانا حبيته بفترة الملكه وتعلقت فيه
تعرفون مسلسل هناء وجميل السوري هذولا زينا بالضبط بس بالعكس زوجي مايغار ابدا ابدا مادري ليش
يعني البس نقاب اطلع عيوني ماقد قال لا رغم انه من عايله ملتزمه البس عبايه كتف مايقول لا
ارجع البس نقاب اسلامي مايقول عفيه الشاطره مايعطي رأيه ابدا ابدا
ابي احس بوجوده بكيانه انسان سلبي لابعد حد كل ماقلت شي قال طيب ابي اسافر قال مشينا ابي اروح لاهلي واجلس اسبوع يقول كيفك ابي شهر كيفك خلاص هونت برضه كيفك طيب شلووووووووون
وش تبي عشا كيفك ماني مسويه عشا كيفك 4 سنوات وانا بس اسمع بكيفك وبكيفك
يابنات سويت اشياء ابيه يتكلم مايتكلم سكنت بيت جديد وبعد شهر قلت مابيه وانتم تعرفون النقل يتعب
بس انا ابي اشوف عنه ابي يتفجر مو راضي قال يالله ندور بيت غيره ودخلت 20 بيت وقلت مابيهم اصلا ابي بيتي بس ابي اغير من طبعه وهو ماشالله ياجبل مايهزك ريح
كل شي بشوري كل شي بأمري والله انقرفت بنات حنا حريم ونفهم بعض اكيد حلو الرجال يعطي رايه ويفرضه بعد هو مو ضعيف شخصيه ابدا والناس يموتون عليه ويعشق اصدقاءه جدا ومحبوب بس مشكلته هذي
ومو مع الناس لا لاني اشوفه مايرضا يطيع احد حتى اهله مايخدمهم يعني يقول لا ماعدا امه
بس امه اصلا تقولي حنا غاسلين يدينا منه مايطيع يماطل لين يطفش الواحد وانا وربي علامات استفهام فوق راسي كل هذا يحبني طيب هو خلال فترة زواجنا خاني يعني جلس يراسل وحده وانا اكتشفته وزعلت عليه
بعدين رجعت له لو كل هذا حب لي مايخوني صح او لا
××××××××××××××××××××
والله مليت متعوده ببيت اهلي اخواني وابوي كلمتهم الماشيه والله صرت اغبط بعض البنات اللي تقول اسفه زوجي عيااااا علي اجي طيب وانا متى يعيي علي ..؟؟؟؟
بنات انا تعبت تعبت بقوه معاه طبعا بالبوصله الشخصيه هو جنوبي وانا شماليه
وبعدين لاصار بينا مشكله كبيره يدخل اهلي يتصل ع اخوي ويناديه عاد اخوي يجي مدرعم وياخذني يالله يالله
وطبعا امشي وبعد اسبوع يجي زوجي ويبلط عندنا ويجيب اخوانه وجماعته لين ارجع معاه طيب من الاول ليش تدق ع اخوي ويرجع ويكررها
شغالتي راحت قبل شهر وانا حلفت انه مايلمسني لين تجيني وحده بدالها وهو قدم على شغاله وباقي شوي وتجي بس تخيلوا شهر مالمسني اسوي روحي نايمه قبل يجي واشوفه يجي ويناديني ومارد يبوسني وينام وكل يوم كذا ومرات يقول حرام عليكي تحرميني قلت ماقدر اقسم روحي نصين ياانت يالبيت اشتغل طول النهار وبالليل تبيني ماقدر ويسكت
والله انا طفشت من هالرجال ابي طريقه تخليه يتغير حتى لو انا مستعده اغير اشياء بشخصيتي بس احسه هو يتغير مابي اخسره هو زوجي وابو عيالي وحيل عازني ومقدرني بس انا مليت منه ومن طبعه البارد
ملاحظه // هو بعد مايتشفق علي يعني لارحت عند اهلي نفاس مايقول ارجعي وكذااا لا يكلمني كل يوم صح بس مايقول متى ترجعين ومن هالقبيل حتى لو اقعد شهرين عادي هذا اللي مجنني لان في بنات اعرفهم رجالهم مورينهم الويل بس بالمقابل مايخلونهم يطلعون فتره طويله يعني حتى النفاس يادوب تكمله عند اهلها تقول ازعجني يبيني مشتاق وانا العكس