مليت من زوجي؟؟؟

يا اختى من قال انه اذا كشختى او تميتي بروب النوم نفس الشي الرياااايايل كتوووميييين مايعبرووون عن حبهم واحساااسهم

انتي قووولي له شوو رايك بكشختى؟؟؟؟
تحبني؟؟؟؟ شقد تحبني؟؟؟؟
شو تسووي فى النت؟؟؟ علمني ع النت اريد اتعرف ع البناات واجووف صديقاات

اهتمي بهوايااته المختلفه

ولاتنسين تدعين له بكل خييير يعني ادعي له نه ربي يسخره ف صلاة قياام الليل ادعي
وعليج بسوورة البقررره لانها تطرد الشيطااان

اختى فكرري ف وضعج اذا تميتي جذه يمكن بنات النت يصرقن ريلج لانهن بيعوضنه الحب الى فقده منج

لا يابعد عمري هو ماهو حق خربيط واللحمدلله لا لا انسان يعرف ربه
بس مو مهتم فيني ابدا
هوعلى الاسهم ومع اخواني وابوه على الماسنجر
وعلى موقع الساحات مايدخل شي ثاني اكون جالسه جنبه بس امل من جلسته على النت
واذا قلت شي قال ليش تزعلين انا احب النت واحب اقرا
ولاتخليني متخلف ماعرف شي عن العالم
مدري وش اسوي معه
واذا طلبت منه شي ينساه كني ماقلت له شي

طفشششششت

هذي الحاله تصيب كل وحده من وقت لاخر يعني نتم كاتمين لين فجأه ننفجر ونضيج ونحس ان خلاص مب قادرين نتحمل والسبب ان احنا نقعد نراكم كل شي وكل مشكله فوق بعض ونتحمل لين خلاااااااص بتطلع روحنا انتي عارفه سبب الاحساس اللي انتي تحسين فيه بس ينقصك حل لهاي المشكله والحل بيدك وبيد ابو العيال
اقولك شي روحي اذا محتفظه بصور عرسك او شريط او باقتك روحي استعيدي ذكرياتك الحلوه معاه او قعدي بينك وبين نفسك وتذكري موقفكم ومقالبكم الحلوه ولا تقولين صرت ماحبه واكرهه انتي تحبينه ومن كثر حبك له قاعده تدورينه وتثورين عليه وترفضينه عشان يحس فيك بس بهاي الطريقه ماراح تكسبينه ولا ترجعينه نفس اول بالعكس يمكن البعد يزيد والمشكله تكبر
اول ما يطلبك او حتى بدون مايطلبك مب شرط تكشخين وتسوين ليالي وهيصه حتى وهو قاعد على النت سوي له مساج حق ارقبته وحكي ظهره خخخخخخخخخخ مادري ليش الرجال كلهم يحبون هالحركه تقولين قطاوه مب رياييل ههههههه
قعدي طالعي فيه بكل حب وتخيلي نفسك تشوفينه لاول مره نفس يوم الشوفه او يوم عرسك واذا قالك شو فيك قولي له ولهت عليك وولهت على كلامك وعيونك الحلوه ووو من هالكلام اللي انتي عارفتنه وابسطيه وعبري له عن شوقك وهيامك فيه وانك ماتقدرين على بعده وفرقاه لو ثواني خصوصا اثناء العلاقه ترى الرجال يحب هالسوالف
طول ما هو قاعد على النت باله في الاسهم لا تعتقدين انك بتقولين له شي وهو مشغول باله سهم طلع وسهم نزل وتبينه يتذكر طلب طلبتيه منه لا اختي بينسى الشي الوحيد اللي ممكن يلفت انتباهه لك هو عصير كيكه بسكوته وهو قاعد او مشاركتك معاه في اهتماماته وشوي شوي تسحبينه معاك لعالمك ولحبك
انا زوجي مستحيل يسمعني شو اقول وهو مركز يقرا او يتابع شي مستحيييييييييييييييييييل حتى لو عدت الكلام كذا مره تراها مب مشكلتك بروحك بس انتي بدهاء الانثى تقدرين تلفتين انتباهه والله لو اقول لك شو اسوي له وهو قاعد على النت او يوم ابغي الفت انتباهه ما تصدقين ههههههه بس ينفع وكل رجال له طريقه زوجته حبيبته تعرفها اكيد

يعطيك العافيه غرشوب على الرد
هو فعلا مايسمعني وهو على النت
وانا مدري وش فيني على طول ازعل واعصب وتصير حوسه بالبيت
وتعودت اذا زعلت بيقول لي كلام حلو
واذا كنت راضيه وربي مايدري عني
علشان كذا على اتفه سبب ازعل واطنشه
لين يراضيني

الله يعين

اختى ماعندى حل بس ماحبيت ادخل وماارد وادعى لك
الله يسخر لك زوجك ويهنيك ويصب حبك فى قلبه صب ولاعاد يشوف الاطاعة ربي ورضاه ثمن رضاك الله يوفقك اختى ويهدي بالك ويصلح زوجك وعيالك وجميع المسلمين