السلام عليكم... يا اختي انا مب متزوجة, بس لي صديقة عندها نفس مشكلتج... بس الله يعينج و يعينها هي متزوجة من 12 سنة ,, تصدقون يا بنات انه مووول ما يتبرض لها و لعيالها,, ما تركب سيارته الاا أول كل شهر عشان الجميعة و متقضي اغراض البيت, و ان اتصلت فيه قالها مشغول ويا ريايييل, ان كان حد من اليهال مريض قالها شوفي صديقتج وحيدة الامارات و الا شوفي درويل أبوج و الا حد من اخوانج,, انا والله اني اعزها معزة خواتي و اكثر و ما اتملل يوم تطلب مني , بس استغرب الريايييل اللي ما يبون يتحملون مسؤوليات الزواج و يجابلون حريمهم و يجلسون وياهم ليش يتزوجون من الاساس.. يا عزيزتي لو ربيعتي حصلت حل بعد 12 سنة زواج و حنة و مشاكل بقولج اياه مع اني اشك انه الرياييل ممكن يتعدلون... بقولج شي و هو شي بعيد عن الموضوع كانت وحدة جارتنا جي زوجها ما يجلس في البييت نهاااااائي الاا الفجر ينام ساعتين ثلاث عشان بعدين يسير الدوام و يرجع الظهر تغدا و رقد و قام المغرب و طلع لييين الفجر,,, بس تدرون انه تغير بيوم و ليلة,,, تعرفون ليش... الله يبعد عنكم المصايب زوجته مسكته في بيت وحدة صديقته و يوم حصلته بالشقة زوجته انهارت و اغمى عليها ,,, و من يومها الريال ماشي مستقيم و البيت يرجع الساعة عشر و ما تطلب مكان و الا سفر الا وداها.... الله يبعد عنكم المشاكل و يهديلكم رياييلكم... انا يوم اشوف الريايييل كيف يلوعون بالجبد أقول احسن لي يوم تامة بدون عرس و لا صدعة الراس... الله يهديلج ريلج يا رب..

اختج وحيدة_الامارات

يا الله من القههههههههههههر .. كأنك يا اختي تتكلمين عن مشكلتي بالضبط مثلك صارلي 3 سنوات متزوجة وعندي طفلين وهو على هالحال من بعد زواجنا بشهرين والساعات اللي يقعدها بالبيت يطلع عيني بالطلبات والتعليقات والعصبية واسمعه مع اصدقائه ضحك وفرفشة وروقان بال ما في بعد هيك .. وقديش حاولت معه كلام معسول ودلع ومسجات وحركات وجو رومانسي بس يا أختي كله يهون امام خروجه وسهره مع اصدقائه ..