مليت من زوجي وتصرفاته ..باختصار كرهت كل شي بحياتي

مرحبا بنات اي كلمه بقولها بالموضوعً اتمنى تحسون فيها وتنصحوني .. انا تعبت نفسيااااا من زوجي واحس من وراه كرهت الحياه بكل شي ..زوجي انسان عديم المسؤليه ومع الوقت كنت اقول يمكن بتعدل يتصلح ..حاولت معاه لكن للاسف بدون اي فايده قبل كان حتا لو يغلط علي انا اطلع نفسي غلطانه عشان بس مايتضايق او يزعل ..انا عندي ٤اطفال ومسوليتهم كلها علا راسي من عمري ١٦سنه وانا متحمله المسوليه .. بس خل يدق عليه واحد من ربعه طيران حتا او عنده شغل باجله ..وانا لطلبت شيً اقعد اطره طراره ..صرت اقضي مشاويري بالتكاسي وغيره ..مللللللني حياتي احس ابي الطلاق باي طريقه ماحس يوم مر بحياتي حسيت اني متزوجه ادمي قبل كنت اصبر واتحمل بس الحين احس خلاااااص الموت اهون من اني اعيش يوم معاه لما اطلع اشوف واحد ويا زوجته ويا عياله قسم بالله دمعتي تنزل لاشعوريا ليش حارمني من ابسط شي بحياتي وياكثر مايكذب الكذب دايم علا لسانه يعني مليت من حتا لما يتكلم كل كلامه كذب احسه مو زي الرجال مافيه اي صفه منصفات الرجوله ..صرت اتحلم وادعي ربي يفكني منه واتزوج انسان اشوف فيه الي ماشفته فيه ..ابي انسان يحسسني بس بطعم الرجوله انا فاقدتهاً قسم بالله نفسيتي زي الزفت والكل يقول ليش متغيره احس فقدت الامل انه يتعدل انسان مامنه فايده ابد ..وحاليا كان متوقف لانه رجال مشتكي عليه ماخذ فلوسه ومو راضي يرجعهم وباي وقت يسجنونه ..يعني الي عايشين عليه فلوس حرام فلوس رجال ماله ذنب وكنت دايم انصحه حرام تكذب عليه علا اساس يشتغل معاه .. ودايم يقول ايذا سجنوني اطلبي خلع وتزوجيً لانه عارف انه انا فاقده هالشي ولو صار ماراح اترددد باي لحظه لانه ظلمنمممنييي وظلم عيالي وظلم الي حوله ..والله قبل كنت احبه واتستر علا عيوبهً بس احس فيني شي يقولي خلاااااص لمتى فقدت نفسي فقدت ضحكتي وسعادتي وكل شي من وراه ..عيشني ايام ظالمه ..انا دفنت نفسي معاه بالموت وللاسف هالانسان مو راضي يفكني بحالي كم مره اطلب الطلاق ولا في اي فايده .. الله يخليكم انصحوني طلعوني من الهم الي انا فيه انا اتمنى زوجً غير زوجي اتمنى انسان يكون كفوووو هل انا اخطأت او اجرمت بالي تمنيته 😞😞