مليت من شغل البيت تعالوا اناقشكم ...واشرحوا لي

اولا...انا اخت جالاكسي ابيض ...

لان جالاكسي الله يسهل امورها استغنت عن الشغاله كم شهر وبعدين جابت لها شغاله واستسلمت :hahaha:


انا اختها وماعندي نت في البيت ...فقلت ادخل من يوزرها واسمحوا لي ...بس بغيت مشورتكم ...:06:


انا بيتي دورين ...وعندي عيال كلهم في الابتدائي...
الله يحفظهم لي ...

استغنيت عن الشغاله من سنه بكامل ارادتي ...وسمعت كلام الحريم ..وشريت كل الاجهزه
نشافه وغساله اوتوماتيك وغساله صحون ومكوى بخار واله براون حقت المطبخ وكللللللللللل شي ...
المشكله اني مو ملحقه وربي ...
حطيت جدول وكل وقتي اقضيه بهالقسم ..واطبق الافكار ..
ماودي بشغاله اكره وجودهم في البيت ...
لكن بقول لكم وضعي ...

ارتب الصاله اللي فوق وانزل تحت عشان انظف المطبخ لماا طلع فوق القى الصاله اللي هلكت بتنظيفها فوضى!
مافي العاب ولا شي ...ولكن المساند في الارض ....واشرطه الفيديو بكل مكان ومناديل ...
اهاوش واخليهم يشيلون ...لكن مافي فايده ...تظل الصاله فوضى انا اموت بالنظام الدقيق ...وكل شي مكانه لكن ويييييييين



انزل المطبخ بعد مارتبته وطلعت عيني ...القى فتافيت على الارض ...ومناديل واكواب مستعمله وصحون :06:
اشيلها واكون بقمه الاحباط ....اقول ماراح اشتغل خلاص ..


يجي اليوم الثاني ...ارتب غرف النوم ...القى الحمامات قذره ...انظف الحمامات ...انزل تحت القى المجالس مغبره :06:

طيب انا عامله جدول ...بحيث من السبت الى الاربعا كل يوم شي ...والخميس والجمعه راحه ...
لكن مايجي الاربعا الا واللي نظفته السبت محيوس ...
اتمنى القى البيت كله منظف كل يوم ..
والمجالس كل يوم نظيفه ..
والحمامات كل يوم نظيفه ....
ابغى البيت كله نظيف ...موب انظف فوق والقى تحت وسخ
وانظف الحمام القى المطبخ وسخ ...


يعني لابد فيه قسم في البيت وسخخ لاني ماانظف البيت كله كل يوم

تعبت والله ...وهلكت ...

من راحت الشغاله وانا مقصره في الطبخ...يعني موب كل يوم طبخ محترم ..احيانا امشيها اي كلام ...والعشا صارت خفيف كل يوم ...نادر مااعجن معجبنات ولا اعمل صواني ..صرت احط همبرغر ولا فول ولا اطلب من برا
تعبت


ماادعي اني طول اليوم اشتغل اكذب عليكم لو قلت كذا
بالعكس يادوب ساعتين اشتغل وخلاص ازهق ...
نفسي اني اشتغل اكثر بس طفشت ...مالي نفس ..


يعين من اقل شغل اتعب ...واوتر
اليوم غسلت الحمااما ت اللي فوق ...وغسلت الثياب ...ورتبت الصاله ...وزهقت ...
قلت خلاص مو قادره مليت ... خصوصا اني مطلعه دجاج للعشا بسوي صينيه ...<<<جبرت نفسي لاني مليت من المقالي

قلت اروح شوي لاختي اغير جو وبرجع العشا بطبخ العشاء


بنات انتو كيف نظامكم ؟؟
هل انتو زيي ولا انا كسوله ؟؟

يعني معقوله كل هالاجهزه ومافي فايده ؟؟لازم شغاله ؟؟


اما حكايه الضيوف فحدث ولا حرج
انقطعت عن العالم ..
لان الضيوف =تعب قبل لايجون وحوسه في المطبخ وتنظيف له اول ماله اخر وبعدين غسيل وتنظيف بعدهم
فبطلت خلاص صرت كني شغاله ...انظف وبس هذا يومي ...مقدر اخرج عشان مااعزم
والحل ؟؟:06:
معقوله كل اللي استغنوا عن الشغالات بيوتهم صغيره ؟