مليت والله مليت من كثر ماسمع من كلمه انتي ساذجه وش الحل

اول انتي صح ما يهمونك الناس ولاهم اكبر همك خليك زي ماانتي لكن زوجك لا والف لا

لازم تسالينه وتسولفين معه مو معناتها تكونين نكديه ومحقق لا احتويه وتقربي منه سولفي معه

في الاشياء اللي يحبها مثلا يحب الاخبار اذا جاء حطي على الاخبار اذا قريتي خبر في النت

طبعا شي مهم سولفي له عنه اذا يحب الافلام الاجنبيه حطي على فلم صدقيني الرجال ما يحبون هذره الحريم

لكن يحبون سوالف السيارات والاسهم والاخبار حاولي تجمعين له مقالات في تخصص عمله

صدقيني بيصير متلهف عليك وعلى سوالفك خليك مشوقه بعض الحريم الله يهديهم من يدخل رجلها وهي

حش في امه والا اخته والا العيال كسرو والشغاله تعاندني هذي الامور داخليه حليها انتي

ترى اللي توهم متزوجين يكونون حذرين مو كل شي يحكونه ومع العشره بتطاقون من يحكي قبل الثاني

هههههه حسيتك مثلي صراحة
بس انا عاد من صغري على قولتك ام قلبين اخوف يقولون اني ذكية مرة..
بس كل ماكبرت خربت ومن تزوجت خلاص احس صرت ماعرف شي ابد ولا اقدر افكر صراحة مخي دايم مشغول ببيتي ورجلي وبنتي..


لكن مايهمني الاسئلة ذي من بتاخذ وذي وين راحت وكذا
واول زواجي مايهمني صراحة اعرف وين يروح زوجي بكيفه بس مرة تهورت سالته وزعل وعصب علي وماعدتها
وكل من يقول لي وينه اقول مدري يضحكون علي بس مالي شغل صراحة
حتى اهله يمكن يعرفون عنه اكثر مني وين يروح ومع مين وكذا بس ريحت راسي اذا يبي يقول..
وزيك اذا دقيت لقيته مشغول مااسال بس مرات اقول دقيت لقيته مشغول قبل شوي يقول لي من يكلم..بس مااسال ولاعندي فضوول ابد..

واختي دايم تتنرفز اذا رجعت من عرس او شي تبي تسولف علي اسمعها بس مااسال كثير وتتضايق تقول انتي مايصلح تقعدين بالبيت ماتتحمسين للسواليف..
بس احاول قد مااقدر اني اسمع سواليف خواتي واعطيهم اهتمام رغم انه شي متعب ومثلا لو وحدة عندها موعد او شي احاول اسالها وش صار
ولو اني احس ماتفرق وش تقول بس احس لازم احسسها اني مهتمة لامرها
ونفس الشي زوجي الحين احاول قد مااقدر ابين اني مهتمة فيه مو مطنشته بس بنفس الوقت مااساله كثير لانه يتضايق..
واحاول اساله اسئلة مالها داعي ولا وراها قصد يعني زي من فاز اليوم وبين مين المباراة..
والسؤال الي كل يوم اساله وش تعشيتوا خخخخ واذا رز اساله طبختوه او طلبتوه..يعني مجرد سؤال ماله هدف ولاشي بس عشان نحرك الجو..

اما الدلع عاد انتي وشطارتك تزيني والبسي واوقفي قدام المرايه وتدلعي..
مو دلع بزيادة عاد اذا ماتعرفين بشوي شوي..
تكلمي مثلا بهدوء وكولي بشويش اجلسي بنعومة..يعني شغلات بسيطة مو لازم دلع مبالغ به..

عاد انا انصحك وللحين مو عارفه اتصرف بحياتي هههه يبي لي من ينصحني الله يعين يارب ويوفق ويسخر لنا ازواجنا يارب العالمين

لالالالا والف لا لاتسلين الرجال وين رايح وين جاي ترى والله يمل ويتركلك البيت 00والله كانك تتكلمين عن شخصيتي وهذا الي خلاني ارد والله ثم والله اني مرتاحه والافضل انك ماتتدخلين باحدوترتاحين وتشترين دماغك وماعليك من احد هذي شخصيتك مافيها شي وبالنسبه للدلع يعني كل الحريم يعرفون الدلع والله لو تعودين على الدلع راح تتقينينه بسرعه واي شي يجبه زوجك حاولي انها تكون مهمه عندك حيل وتشكرينه ولاتكون ردت فعلك معه بارده باي شي وحاولي تهتمين فيه وتخلينه اولى اهتمامك


وشخصيتك ماهي ساذجه ولاشي ولاتكرين الكلمه هذي وتصدقين انك ساذجه وخلي عندك ثقه بالنفس والاسئله تجيب وجع راس مالك بهاارجوا اني افدتك الثقه ثم الثقه والله يوفقك مع زوجك ويسخره لك0000

وه يابنات ياحبيلكم

ضحكتوني واثلجتم صدري

يمال العافيه والله يابنت السماثا وبنت ابوها وفديت علوشتي
لاخلا ولاعدم

ههههههههه
انتي طيبة زياادة عن اللازم بكرة الديا تعلمك