عاشقة العناد @aaashk_alaanad
عضوة فعالة
مليت وبعد مليت وفي الاخير لقيت ....!!!!! ....
السلام عليكم
ودي اشكي :29:
وبعــــــــــــــــــــــدها :06:
وبعدها اقول اخر الحلــــول :29:
اخـــواتي
:29: جاتنـــــي فتره الله لايبلى فيها احـــــــــــــــــــــــــــــــــــــــــد:06:
صدقوني مليت
ومليت
وبعد فوقهم مليت
كرهت كل شئ قدامي ...
بيتي وزوجي وعيالي وبعد اهلي ...شفت انهم بس يبوني بس اكون في الامر والطاعــــه وان يوم وغلطت وطلبت شئ لي لقيت الكل تحول لقنبله :44: مستعده تنفجر في وجهي لو زودت شويه بس :(
جلست على هالحـــال:( فتره وفي صمت غريب لااني قادره اشكي ولا قادره اسكت بعد على وضعي:44: ...
الين يوم الاثنين الماضيه ماقدرة انام وكنت بدخل اكتب ابي حل لحالتي من عالم حواء لاني ادري محد بيسمع لي غيركم ...
جلست على الجهاز وقعدت ابكي:06: بكاء غريب الين ماارتحت قلت بصلي ركعتين لله وبعديـــن برجع اكتب طلبي ...لكن سبحان الله الركعتين كان فيها كل الحلول لمشكلتي ...
اكتشفت من بعد الركعتين عدة نقاط وعدة حلول
اول شئ" الذكر "
تـــــذكـــــر ربك في الراحات يـــذكرك في الشدات "امي تقولها لي دوم "
اكتشفت اني لهيت عن الذكر والاستغفار ولاني كنت مخصصه فتره قبل النوم للاستغفار لاحظة اني بزحمة الافكار والانشغال نسيت هالفتره فترة طويله ....
فسبحان الله :06:اه ياربي مااحلمك
والثاني ثقتي في نفسي قلة :29: من الي نشوفه ونسمع عنه هالايام
فقمت افكر هذي كيف صارت جذيه حلوه
وهذي كيف رشيقه
وهذي كيف وكيف وكيف ونسيت انهن قطع مركبه من وصلات شعر وشتلات نخيل :42:
فلقيت عدة حلول وبخطوات بسيطه بتكون النتيجه مرضيه باذن الله....
وقبلهم دائمـــــــــــــأ لاانسى ذكــــر الله
وهذي هي اول خطوه لي في الحلول
1
اثق في نفسي اني مخلوقه كرمها ربها بنعمة الاسلام "مسلمه "
2
انعم على بحسن الصوره "مب ملكة جمال "لاع :o
لكن
ماني مشلله ومب معوقه ولا اني عمياء ولا خرساء كل شئ الحمد لله كمله المطلوب الحمد على العافيه
3
الحمد لله اني متزوجه وارزقني ربي ببنات واولاد وعطاني نعمة الاستقرار بالبيت مو يوم ببيتي وعشرة ببيت اهلي بسبب المشاكل ...
ثاني خطوه وهي مهمه جدااااااااااااا
اختار لي مثل اعلى من واقع حياتنا اقتدي به ...بـــــدل من فنانه اوعارضة ازياء سيئة الذكر
فما لقيت احسن من خمس سيدات ...اقتدي فيهن وان شاء الله اسير على نهجهن
آسيا زوجة فرعون في حب الله والتعلق فيه
خديجة في فن النصح والوقفه الحسنه
عائشه رضي الله عنها في فن المعامله
فاطمه رضي الله عنها في فن الصبر
مريم رضى الله عنها في الطهاره
الثالثــــــــــه
وهــي الحلول الي لازم اسويها
احب نفســــــي واقتنع فيها واكون راضيه وسعيده واكون دائما مبتسمه فابتسامتي دليل رضاي وسعادتي النفسيه
اختيار الصحبه المعينه على تخطى الصعاب وابتعد عن من هم يثبطوووووا الهمم
المشي وماأدراك من المشي
امشي يوميا ساعه اغير فيها جوي بدال مطالعة وجـــــه زوجي وعيالي وطلباتهم الممله
بعد لنفسي حق ترتاح :27:
وعلى فكرة المشي يريح المراه جسميا عقليا ذهنيا ....
وبعد فتره قصيره وهذا كلام مجرب بتلاحظين: زيادة ثقتك بنفسك وخطوتك بيكون مرتبه وجسمك أكثر استقامة وتماسك وبتودعين الترهلات ....
اسوي عملية بحث في مشاكل جمالي ودائما اكرر الي خلق المشكله خلق لها حل المطلوب الهمه
دائما اكتب واخطط وافكر وارتب اموري واحط احتمالات للمتوقع والغير متوقع ضمن مخططاتي ...علشان مااتفأجا بالغير متوقع ويجيني الاحباط ...
كل خطوه انجح فيها لازم استشعر فيها ولما اروح للي بعدها اخلي الثقه في النجاح تسبقني ....
الــــــي صار بعد كل هذا
حسيت اني يااخواتي بعد مرور كم يوم على هالنظام اني مرتاحه جدااااا لهذا التفكير ولاحظة تغيير ملحوظ بنفسيتي ...
هذي هي شكوتي وحلولي وسامحوني على الاطاله
وسلامتكم
18
1K
يلزم عليك تسجيل الدخول أولًا لكتابة تعليق.
ماشاء الله عليك خليكي كذا على طول واكثري من الذكر والأستغفار بتحسين نفسيتك دائما مرتاحة والله يوفك :27:
ماشاء الله عليك
كلامك قمه في الروعه
الله يتمم عليك ويوفقك دنيا واخره ..
ويصلح لك زوجك وعيالك ..
كلامك قمه في الروعه
الله يتمم عليك ويوفقك دنيا واخره ..
ويصلح لك زوجك وعيالك ..
الصفحة الأخيرة
يسلم عمرك
بصراحه كلامك يدل على عقليتك الواعيه
ماشالله عليك
وبالفعل المشي طريقه مجربه تريحك من ضغوط البيت
وانشالله دايماعلى هالحال
تحيتي