بنات انا من تزوجت و انا طفشانه و زهقانه من حياتي الزوجيه ابدا ما احس اني سعيده و حييييل افكر بالطلاق بس المصيبه انه ولد خالي و من اهلي و غير جذي ما عندي سبب مقنع غير عدة مواقف مالها معنى بالنسبه لأهلي حياتي مع زوجي كلها تمثيل و مجاملات زوجي انسان عقله صغير يبيني 24 ساعه رومنسيه و لازقه بوجهه يغار من اهلي و تلاحمهم و دااايم ينتقد اخواني يعني آخرها امس اخواني مسوين عشا كبير لضيف جايهم من برا من السعوديه و اخواني حيل يعزون هالشخص فراحو اذبحوله بعير و 4 خرفان لأن عماني ناسهم واااجد ما شالله و اخواني و لله الحمد محبوبين قعد يقولي والله اخوانج من الهياط الزايد كل هاذا لضيف و انتقادات واااجد و قبلها بعد واحد من اهلنا كتب قصيده فعماني و اخواني فقام اخوي من باب الميانه معاه و انه ولد خاله دزها لزوجي السخيف تخيلو جا قالي ما حبيت من اخوج هالحركه و انتقاد طويل عريض و حتى الاطفال يقولي اي احلى عيال اختج فلانه و لا ولد اختي ؟؟ بنااات سخيييف عاد يوم سألني اي احلا قلت والله الصراحه عيال اختي و هاذا الواقع عيال اختي هاذي فعلا جميلين و هاذا بشهادة الكل اسم اللع عليهم يوم قلت له كذا انفعل حيل و قعد يحامي بطريقه نفرتني منه داااايم يحط حدود مع انه ولد خالي و خوالي اقرب لي من عماني يغااار من اخواااني حيل
عاد انا بروحي مو متقبلته من بداية عرسي و لولا خواتي و تصبيرهم لي كان ما عشت معاه ثانيه جربتي لما تكرهين شخص بس مجبوره تعيشين معاه انا كذا من خذيته و غير هالسلبيات يحب يعاندني اي شي يستفزني يسويه مره و مرتين و ثلاث
امس يقولي احس كنج واحد من ربعي معاي هالايام مالج خلق كل ما ادخل عليج لابسه بجامه و لا جينز و لا دراعه مافي حركات مافي تنانير قصيره مافي اهتمام حتى شموع ما تشغلين و كان حيل متضايق و شايل علي
بنات والله ما هو بيدي زوجي احس محد يحبه و هالشي منه حتى اخواني ما يحترمونه يعني اذا جا محد يتشجع يقعد معاه مو ما يحترمونه يغلطون عليه لا يعني محل سخريه قدامي اذا ما كان موجود هو ما ادري شنو يبدع عندهم لأن اخواني حيل ينقدون و هو عليه حركات ترفع الضغط قبل اسبوعين اخوي ينتقده قدامنا طبعا زوجي ما كان موجود لا بس خواتي و امي و انا جبنا طاري الآيفون قال اخوي ترا زوجج ماغير ماسك التلفون بالديوانيه قوليله ترا عيب و من هالحكي
بناااات انا حييييل نافره من زوجي مليت تمثيل مليت تصنع مليت كل شي معاه حياتي يوم كنت بنت احلى مليووووون مره جد تعبت مادري شطالع معاي بس جد ذبلانه و تعبانه شعري رااااح و بشرتي تعبت من التفكير و نفسيتي صفر
انا انسانه ابي واحد اعشقه و يعشقني ابي اعيش مع شخص احبه و انا هاذا مو متقبلته :44:
فديت قلبي و روحي @fdyt_klby_o_rohy
عضوة نشيطة
يلزم عليك تسجيل الدخول أولًا لكتابة تعليق.
الحلاوبس
•
شوفي ياقلبي المشكله ان انتي كارهه تصرفات زوجك وماحسيتي انه مرغوب من قبل اهلك هذي المشكله إحنا البنات طالما نفتخر اذا احد أهلنا مدح الزوج باي صفه حلوه نحس انها فخر لنا وحيل نحترم الزوج لكن انتي اكثر من صفه كارهتها في زوجك واللي زاد هالشي أهلك صدقيني انتي كبري عقلك وان شاء الله يكبر ويفهم الحياه اكثر الحمدلله انه مو راعي خرابيط وسوالف هذا الشي اللي وأراح تتحملينه لكن من ناحيه تصرفاته فصدقيني الزمن كفيل يغيرها وراح تثبت لك الايام هالشي
لا والله ما انتقدت زوجي قدام اخواني بس والله زوجي سخيف جد و عن اخواني و الله ما مدحتهم قدام زوجي لأني ادري بعقلية زوجي بس المشكله انه هو يقعد بديوان اخواني و هم لأنه ولد خالهم و يعتبرونه منهم و فيهم ياخذون راحتهم قدامه و هو يتسمع العلوم و بعدها ينهبل و يتنقد قدامي فلان نفسيه و فلان ما كنه مطوع و فلان شايف عمره و فلان جيكر و يسألني من صدقج اخوانح حلوين والله يرفع ضغطي مواضيعه السخيفه
عموما حبيباتي الله يجزاكم كل الخير الله لا يحرمني منكم خوااااتي
عموما حبيباتي الله يجزاكم كل الخير الله لا يحرمني منكم خوااااتي
الصفحة الأخيرة
اذا كنت تنتقدينه عندهم طبعا وهو موجود
الزواج موودة وتفاهم واحترام
موشرط عشق وقصص
تذكري ايجابيات زوجك اكيد في شي حلو
لاتخربي حياتك بيدك
حاولي تحترمي زوجك بداخلك بينك وبين نفسك
حتى تقدري تعطيه اهتمام اكثر
واكيد بعدها بتقدري تأثري فيه بالتدريج
واذا كنتي تمدحي اخوانك عنده كثير ياليت توقفي هالشي
هو محتاج يحس بمكانته عندك
اذا مالاقها عندك انتبهي لا يبعد عنك
فكري بالعقل اكثر من العاطفة حتى ترتاحي
الشيطان كبر امور بسيطة وبتخربي بيتك اذا استمريتي انتبهي
ممكن تراسلي استشاري بموقع المستشار يفيدك