اقراي الرد للنهايه..

((هناك عباره تقول:لا تصارحي زوجك بخيانته قبل ان تكسبي اعجابه..وحبه.. ))

انتي ببدايه زواجك وبتستسلمي..بسرعه يأستي وفقدتي الامل..
يمكن زوجك كويس بس شكله قبل ياخذك كان يكلم وماقدر يترك..بسبب رفاق السوء ولاتنسي ابليس... انتي لازم تعينيه
مو تطفشيه وتكرهيه شوفي هذا زمن فتن وبلاوي مين الحين مايكلم ولا يدخل شات حتى الاطفال الله يعافينا وفي منهم يسوو اكثر من كذا..ولاتنسي الشباب وطيشه وضعف الدين وخاصه انه شكله من عايله مو ملتزمه..واخوانه واصدقائه يعني يشوف الشي اللي يسويه عادي ومتعود عليه من زمان مايقدر يترك فجاءه..
دايم الرجال اللي راعين بنات كذا يبي يتزوج بنت محترمه عشان لاتخونه ويكون واثق فيها ومايتزوج واحده الا بعد مايسال عنها وعن اخلاقها زين..وماياخذها الا وهو فعلا يبيها ولابيستغني عنها ابدا..لأنه يبي مره محترمه تحافظ على بيته وتصونه..يبي يحبها ويتغير عشانها..ويبي تعينه على نفسه وعلى نزواته..
..انتي تقولي كسر الشريحه قدامك يعني يبي رضاكي ولا يبي يخسرك. كان يقدر يقول مالك شغل لو اكلم الف بنت بس هو يبي رضاكي
وهذا اهم شي استغلي هالنقطه وافهميها عدل صحيح هو يكلم بنات بس مايعني انه يحبهم او انك موعاجباه ..لوكان يكلم بنت واحده لك حق تخافي ..بس هو يكلم كثار وجنسيات مختلفه يعني يبي شي معين يبي وناسه او يبي شي فاقده معاكي ..فهمتي علي
وهو يقارنك ببنات الاجانب والمغربيات صدقيني هو مايقصد الشكل بس هو يبيكي جريئه وواثقه من نفسك زيهم يبيكي تمتعيه بالفراش وتبدعي لأن شكل عنده معلومات ومثقف جدا بها الناحيه وانتي على نياتك..وتستحين لنك جديده..لازم تنسي الخجل نهائيا وتشبعيه جنسيا فاهمه
ولاتخلين شي يبيه الا وتسوينه وكمان تحسسيه انك تحبيه و راغبه فيه وانك تبينه جنسيا. ولا تصديه ابد لانك زعلانه وحاولي تستمتعي معاه وثقفي نفسك بها الاشياء وقولي له علمني انا حلالك ياحبيبي ابي امتعك بكل شي وابي تمتعني ولاتستحي منه...ودايما اهمسي باذنه وقولي له احبك ياحلالي يازوجي يا ابو ولدي.. ولاتحاولي تصيري داعيه وتنصحيه وتحطي اشرطه زي ماقلتي يمكن يتضايق..الرجل صعبه مرته تفتيه وتعمل فيها داعيه عليه وناصحه.. يحب المراه اضعف منه وتحترمه وتقدره ..اذا شفتيه يصلي بوسي راسه وقولي الله يخليك لي ولولدك امدحي اي شي زين يسويه.. ولاتنقديه ..عشان تكسبيه..انتي خذيه بالسياسه.. والكلام الحلو .او حطي اشياء اشرطه وكتب دينيه
بس بطريقه غير مباشره بالبيت مثلا في مكان يشوفه..او اطلبيه يشتري لك اشرطه دينيه لك انتي ..يعني بطريقه غير مباشره عشان لايزعل
او يتضايق..او اهديه اشرطة قران بس على فترات متباعده عشان لايمل .. وقولي له بين فتره والثانيه حتى لوتكذبي انا بغير عليك من النسمه وابتسمي بوجهه..بالعناد مابتغيريه..يمكن هو يبي يشوف غيرتك..ولاتذكرين الطلاق على لسانك ابدا..الطلاق مو حل وبتجلسي تتندمي طول عمرك..وهو كمان بيعاندك اكثر لانه يحس انكم توكم متزوجين وتبين تتخلين عنه.. بسهوله فيعاند ويسوي اشياء اكثر واكبر وخاصه انه مقتنع انه مايسوي شي غلط وشكله فعلا للوناسه يكلمهم.. ادمان يعني..فيحس انك تبين تلوين ذراعه بالطلاق وتهدديه والرجل مايحب هالشي ابدا..
واهم شي يحس انك واثقه منه عشان يستحي منك ..لاتحاولين تتجسسي عليه التجسس حرام وخاصه على زوجك التجسس بيخليكي
تكرهيه ويخليه يعاند لانه يحس انك مو واثقه فيه ويقول لنفسه اصلا بتشك سواء سويت والا ماسويت ويحسك مو واثقه من نفسك.. انتبهي صدقيني بالطيب تكسبي
والصبر حتى لوطال نهايته الفرج..
وبعدين شوفيه ليه يكلم اكيد البنات اللي يكلمهم جريئات ويتغزلوا فيه ويرضون غروره وانتي تستحين وفاقد هالشي معك..لازم تكوني جريئه
جدا وواثقه من نفسك جدا ومن جمالك..هو لمايعلق على لبسك يشوف قوة شخيصيتك خليكي هاديه وابتسمي وقولي انا جمالي عربي
والحمد لله شكلي عاجبني وذوقي ولبسي واهم شي ياحبيبي اني شريفه واحافظ على نفسي واصون زوجي مو زيهم ((ما اتبع شهواتي )) مو علشان كذا اخذتني وتزوجتني ياحبي واغمزيه بعينك وابتسمي .. ..حسسيه انك واثقه من نفسك ومن جمالك
..اهم شي لاتتاثري بكلامه ولاتخلي للشيطان مجال ابدا.. واطلبي منه يوديكي السوق وخليه يختار لك ملابس على ذوقه عشان تبين تشوفين ذوقه مو عشانك مو واثقه بذوقك..وااكتشفي اللي يعجبه باللبس واهم شي ملابس النوم..وامدحي ذوقه مهما كان..وقول له لكل لبس ليه خاصه نستمتع سوا ياحبيبي.. ارقصي له وغني له سوي كل شي وخليكي جريئه ومبتسمه ولا تستحين.. انتي لازم تكسبيه بها الفتره هذي اهم فتره بحياتكم اذا جاكي المولود بتنشغلي استغلي هالايام..
صدقيني مايكملون بنات الا عشان جرئتهم بها الاشياء..وعشانهم مرحات ومو نكديات ..انتي زوجته ومن حقك تكوني عشيقته سوي كل اللي يسووه العشيقات حبيه وتغزلي فيه وفي جسمه وفي عيونه.. وارسلي له رسايل غزل وحب تراهم يرسلون ولا يستحون..وهذا اللي يبيه الزوج..اذا مالقى هالاشياء عند زوجته حلاله اكيد بيروح للحرام خاصه اذا كان يكلم قبل الزواج..
انتي اشبعيه عشان لايجوع ويدور هالاشياء عند غيرك ..ودامه يقول لك شوفيهم دلوعات هو يبيكي دلوعه تدلعي وماعليكي شوي وتتعودي على الدلع وحافظي على صوتك يكون هادي ورقيق خاصه وانتي تكلميه بالجوال هو ماسمعك صوتهم ووراكي الصورالا ويبي يوريكي الاشياء اللي تعجبه والا كان كسر الشريحه ولا سمعك صوتهم ولا وراكي صورهم واضح جدا هو يبيكي جريئه ومو قادر يوصل لك الفكره..حاولي انتي وراجعي نفسك وهدي اعصابك وفكري وفكري وفكري قبل اي شي تسويه.. .. وادعي الله يهديه ولاتدعي عليه وتعاقبيه وتزعلي منه وتعيني عليه الشيطان..
احتسبي الاجر ..
وحبيه ولا تستغني عنه ابدا ولا تفكري بالطلاق ابدا انتي ببدايه حياتك لاتستسلمي وتخسري زوجك اكيد اهلك ماوافقو عليه الا فيه الخير.. وتذكري ان الرجال اغلبهم زي بعض
انتبهي لاتكرهيه وبيني له انك تحبيه..بس مو تلزقي فيه ولا تجلسين تساليه وين رحت من كلمت وكذا عشان لايتضايق و يجرحك.. او يعاندك ويتمادى اكثر ..
اهم شي غيري نفسك واهتمي بها جدا عشان نفسك اولا ولا تنتظري منه مدح.. خليكي 24 ساعه حلوه ومبسوطه وفرفوشه مهما صار
حتى لوماكان بالبيت تعودي على كذا دايم.... وركزي على العطور وريحه جسمك والنظافه
واذا زعلتي ازعلي بهدوء ولا تعاتبيه ..ولاتنفعلي..ولا تخلي زعلك يطول موضروري تعتذري اذا ماغلطتي بس غيري الموضوع ولاتركزي
على الاشياء الي تزعلك..وعودي نفسك على الدلع والكلمه الحلوه حتى لو زعلانه..
..عيشي حياتك وخليكي واثقه من نفسك نمي هواياتك واهتمي ببيتك واهلك وصديقاتك ولاتلغين حياتك عشان زوجك
لاتستغنين عن طموحاتك واحلامك عشان تزوجتي.. حبيه واطيعيه وارضيه بس لاتنسين نفسك ابد..
اقراي بالنت عن الرجال وعن شخصياتهم واكتشفي شخصيتك انتي عشان تعرفي تتعاملي معه وتغيريه ..واقراي للدكتوره ناعمه الهاشمي
قصص ومحاظرات عن الحياه الزوجيه بتستفيدي وخاصه نصائح ناعمه الهاشمي طلعيها من قوقل بتستفيدي كثير..كثير وتفهمي تفكير زوجك ..
صدقيني كل ما اكلتي في نفسك وانقهرتي وبكيتي بتخسري صحتك ولابتستفيدي شي..وهو مابيدري عنك لن الرجال اصلا موعاطفيين بيعتبرك نكديه الرجال يكرهو الدموع والمراه الشكايه البكايه لأنها تبين مو واثقه من نفسها وشخصيتها مهزوزه ..ويحبو الابتسامه والفرفشه والمزح..
واذا جلستي كذا منكده على نفسك وعليه بيطفش منك ومن البيت.. بيدور على الضحك و راحة البال مع اصحابه ومع رفاق السوء وبنات ابليس.. ..هو الحين لسا يبي رضاك ويبي يكسبك ويبي يترك اللي يكلمهم
وصدقيني ماتزوج الا وهو يبي يترك هالسوالف.. بس انتي مو قادره تساعديه..انتي بكرهك له وبشكك تخليه يرجع لهم ويمكن يطفش منك ويسوي اكثر ..خليكي عاقله وهاديه واعرفي كيف تكسبي قلبه واعجابهه .. وجننيه بدلعك وحبك.. وغمزاتك ومغازلاتك صدقيني اذا اشبعتيه انتي وكسبتي حبه انتي الرابحه للابد..يكفي انه يحترمك وما اخذك الا وهو مقتنع فيكي..هذا يسهل عليكي اشياء كثير جدا..
ادعي الله يهديه ويهديكي ويعينك ويصرف عنكم السوء..واستعيني بالله دايم وبكل شي..ولاتهدمي بيتك وتخسري زوجك عشان بنات شات والا نت والا بنات جوال..انتي زوجته والله معك وبينصرك عليهم كلهم بس انتي ثقي في نفسك وفي قدره الله عليهم..واسعي وكافحي عشان بيتك اعتبريها حرب بارده..لازم تنتصري فيها..
وتاكدي انه مابيتغير بيوم او شهر او سنه..وتاكدي كمان انه مستحيل يجلس يكلم بنات طول عمره صحيح هو يكلم بس مومرتاح اغلب اللي يسويه طيش شباب وبيطفش بالنهايه ..
انتي ادعي ولاتستسلمي ولاتياسي يمكن الله يمتحنك وياما في حريم تبهذلو سنين بس بالنهايه الله عوضهم..
وتذكري ان الطلاق اسهل شي..بس عواقبه وخيمه ويمن الله يبتليكي باخس منه..استخيري وادعي قبل اي شي تسويه ولاتتهوري ابد ولاتسوي شي مو مقتنعه فيه ابد..
وحاولي لاتفكري في خياناته حاولي تعيشي حياتك وتفكري بنفسك وبمستقبل وبهواياتك وجمالك او دوري على وضيفه اوشي يشغلك وفكري بحياتك وطموحاتك وفكري بنفسك قبل اي شي وهو ثانيا ..
خلي الطلاق اخر الحلول واهم شي لازم تكسبي حبه واعجابه عشان اذا جيتي تطلبي الطلاق مايستغنى عنك ويسوي اللي تبينه..

اهم شي اصبري قدر ماتستحملي وادعي

اذا مانفعت جميع الحلول وفقدتي الامل نهائيا استخيري واستخيري واستخيري وادعي الله وقرري تسوين له حد وترتاحي.. ..وتقولي صحيح احبك ومعجبه فيك بس لي كرامه واللي يكلم اكيد بيزني وما ارضى اعيش مع زاني وانا اخاف على نفسي من الامراض.. ما اقدر اعيش مع رجل ربي غضبان عليه ويرتكب الفواحش..انا عفيفه واستحق رجل شريف مثلي.. خليك صريحه وصارمه واطلبي الطلاق ولاتسمحي له يهددك باخذ ولدك اذا هدد قولي له اصلا مابربي ولدك بتزوج وبعيش حياتي وانت اولى بولدك تربيه وتصرف عليه زي ماتبي مجرد تهديد عشان لايستغل الجنين ..خل اللي تكلمهم يربوه لك
..ونا توني صغيره وحلوه مابرتبط بولدك ابي اتزوج واعيش حياتي.. صبرت عليك وسترتك بس مابتحمل اكثر.. ولا اظن ترضى لاختك
اللي تسويه فيني..
وقولي له الله يسامحك ويهديك بدعي لك بالهدايه ..والحين انا مالي اي تصرف معك تصرف مع اهلي
..اتركيه وعلمي اواحد عاقل من اهلك بكل شي..عشان يعرفو يتصرفو معاه هذا ماله الا هالاسلوب مابتقدري تغيريه انتي..هو مايبي يتغير واصحابه واخوانه مابيتركوه..لازم رجال يتصرف معه مو انتي
ولاترجعي له الا
بعد الاستخاره والدعاء وتكوني تاكدتي انه تاب وخذي منه وعد وارجعي بشروطك.. وخذي عليه ضمانات انه اذا رجع يكلم بتتركي البيت نهائيا وكرامتك فوق اي شي..))

انا ما ابي اكسب اثم بطلاقك خليه اخر الحلول ..وتاكدي مهما كان الطلاق يكسر المراه..ويشتت الاسر والاطفال ..ويمكن الندم يظل طول العمر..

لاحول ولاقوه الابالله
والله ضاق صدري عليييك
وماادري وش اقولك
الخيانه طعمها مر وعلقم وتكوي القلب كوي
وماراح يتركها الا اذا هو بنفسه تاب وكرهها
لكن اذا باقي تحبين زوجك وبيتك وودك ان الي في بطنك يعيش بينكم
جاهدي عشان حياتك
ولاتتركين زوجك لبنااات الحررام
وزيدي من نصحه وادعي له
دايم في سجودك قولي اللهم باعد بين زوجي وبين الحرام
وان شاء الله يكتب ربي له التوبه والهدايه
لكن اياك تهملين نفسك وتحطين اللوم عليك
اذا زوجك خاين فهذا لانه قليل خوف من الله وصحبته فاسده
وربي يكووون بعونك
وتتهنين في حياتك
ويسعدك ربي

استغفر الله واتوب اليه
لاحول ولاقوة الابالله
الله يفرج همك

هذا الراي السليم لانه زوجك انسان حقير بصراحة

اول هو يصلي اولا
اذا كان مايصلي مايجوز
تقعدين معه حراااااااااااااام
اما اذا كان يصلي
لانه فالحديث الشريف على صاحبه افضل الصلاة والسلام (لايزني الزاني وهو مؤمن)
لازم تتأكدين اذا كان يسوي شي اولا_يعني يزني آسفه على هالكلمة لكن لازم اوعيك _ اذا شفتي هالشي بعينك مالك قعده معه
مايجوز وحطي هالكلمتين حلق باذنيك من ترك شيء لله عوضه الله خيرا منه
وزود خافي على نفسك والي في بطنك لاينقلك مرض نقص المناعة لان هذي نهاية الي يمشون في هالطريق اسأل الله لهم الهداية
والله يستر عليك ويكتب لك الي فيه الخيرآمين يارب العالمين