ملينا من الخلطات ؟؟؟؟؟

يابنات ملينا من هالخلطات انا بصراحه مليت ملييييييييييييييت طقت جبدي والنتيجه بسيطه ومؤقته ولا بعد يبيلها وقت((( انا اقصد خلطات الزيوت مع الليمون )))
انا ابي كريمات موثوقه نستخدمها اونخلطها مع بعض بس اهم شي تطلع نتيجه تبهرني وتبهر الي حولي علشان احس انا في نتيجتها ....مثل ماقلتلكم كريمات موثوقة مش كريمات العطارييين
بوهلي وديانا وغيره......ترى انا عندي خبرة سنين فهالسوالف
الخلطات يبيلها استمرار يومي والا ماتشوفي شي واللانسان يمر بظروف يسافر يتغير وقته وروتينه وين كل مارحت لمكان قمت اشيل معاي هالزيوت والا عاد الريحه والفراش الي صار يسد النفس من هالزيوت .... انا فعلا مخصصة مفرش انام عليه لما احط هذه الزيوت والله يفشل اخاف يدخل غرفتي احد من اخواني ويشوف الفضايح عاد انا حريصه على النظافه ويدخلون غرفتي يشوفون العكس شلون صارت؟؟؟؟؟؟؟؟؟؟؟؟؟؟؟ والله فشله
تكفون بنات الي عندها اسم كريم للوجه + للجسم+ للرقبه+للاباط+للاقدام+لليدين+للاظافر+للمناطق الحساسه+اهم شي للبشره ومثل ما قلت اشياء طبيه مضمونه.....
انا سمعت في هالمنتدى عن الرتنaوالدكوين انشاء الله بجربه بس ابي وحده تقولي شلون يستخدم ولما تتركيه مايرجع زي اول للانني استخدمت الرتن وحدة ولما تركته رجع السواد اكثر من اول