ماقصرتوا بنات الله يجيزيكم كل خير بس انا كل الحلول الى انكتبت سويتها انا اعاني من هالمشكله من ثلاث اشهر والحين الشهر الرابع لي اشوف حلولكم واحس اني سويت اكثر من جذيه انا استخدمت اسلوب اللين والشده وزعلت ورحت بيت اهلي وتركته ووعدني انه يطلعني وويعطيني حقوقي كزوجه والله انا قبل الزواج ماخليت مكان ما رحته بالدنيا ابوي الله يطول عمره ما قصر بس المشكله هوه ما يريد يفهم المقصد من الطلعه معاه كل زوجه محتاجه تكون مع زوجها في يوم كله معاها يكون حقها يقرب بينهم ويوطد علاقتهم اشوي خاصه انهم ازواج جداد انا ما احاول اني اعاند انا اعامله باسلوب راقي بس للاسف انا جامعه وهو له ثاني متوسط للاسف فارق كبير في التفكير والاسلوب حاولت احسسه انه الطلعه ما راح تزيد فيني او تنقص فيني شي يعني ما اريده يشوفها من منظار المباها قدام الناس ما يقدر يفهم هالكلام وانا تعبت واخر شي سويته كلمت امه وهي تفهمت هالمره كلامي وحست بمعاناتي وحست كثر شو ابنها مقصر معاي طبعا انا طولت في السالفه بس لانه المشكله مو بالطلعه بامور ثانيه كثيره لكن انا حاولت اعرض لكم شي من هالمشاكل ..الله يجزي كل من ساهمت بحل للمشكله كل خير
الرحيــــــــــــــــــل:26:

قال رسول الله صلى الله عليه وسلم : (( ‏ملعون من خبب امرأة على زوجها‏ ))

اخوي هدير البحر مشكور على الرد وكلامك كله صحيح ومعقول يكون زوجي يغار وما يخليني اطلع حتى معاه يعني ابي اكون صريحه اشوي معاك كل كلام الاخوه من وجهت نظرهم صحيحه ولا مانع انك تذكرهم بشي من الاحكام في الدين لتصيحح النصيحه وتوضيح المراد منها لكن ما اظن احد دخل هالمكان يبي شر هذا اولا ..ثانيا اربع ايام او خمس ايام انا والله ما احتاجها ابدا فعلا المراه اكرم لها تكون في بيت زوجها وهو بيتها بس لما تحس انك مخنوق وتريد تطلع مع زوجتك مثلا وخلي نفسك مكاني شو الى بتحس فيه تجاه الزوج هل بتنظر له انه يغارطيب اذا يغار ليش يسمح لي اطلع مع اهلي..ليش ما ما نع في هالشي ويمانع اني اطلع معاه..هذا القهر بعينه اني احس انه زوجي ما يرتاح في الطلعه معاي ولا بعد لما اطلب منه نروح السوق نشتري حاجيات للبيت يعزم على اهله وياخذهم معانا شو هذا الى يسويه بذمتك انت وضميرك احكم...شرايك ولا مره رحت معاه بروحنا ..وبعدين في شي مهم هو ما يصدق ياخذني لاهلي والا يقضي 8 ساعات عند اصحابه ولما اساله شو تسوون هالكثر عند اصحابك يقول بس كذا...هذا الي يحسسني بالمراره لانه كل امراه تتخيل لما تتزوج انه يكون زوجها لها سند عون يخفف عنها يدور راحتها يخليها اسعد انسانه بهالدنيا ولو بالقليل الى عنده انا لا شفت لا قليله ولا كثيره من تزوجته حتى مصروف بطلعت الروح ..يمكن انت اخوي تحب تنصحني وكنت متخيل للوهله الاولي بعد ماقريت كل المشاركات انه زوجي مظلوم لكن والله ماحد ظلماه بكلمه كله الى انقال صح مب غلط ..وشكرا لك

عادي ولاتشيلين هم
صرااحه انا لما تزوجت السنه الاولى من زواجن ماكان يطلعني الا يمكن مرتين ايام العرس الاولى

بس بعد كذا جلست ازن عليه وخذي يازن ونكد وخناق ثمين صار يطلعني بالشهر مررره
يقول المره مالها الا بيتها وش تقولين على عقليت هذولا الرجال

زوجك انشاءالله بيلين بس صبري عليه:time:


كثر الدق يلين الحديد:30:

اختي الرحيل السلام عليكم
والله العظيم كانك تتكلمين عن زوجي من جد الطلعه عنده تسبب له ازمه مدري ليش مع اني مااطلب الكثير يعني كل اللي اطلبه انه يلف فينا باالسياره حتى ماابغا انزل ويشتري لنا عشاء تلقيه يتوتر ويتهرب ليش ماادري
تصدقين نقغد بالشهر ماطلعنا صرت بعدين اطنش الموضوع ولاعد افكر فيه لاني ابغى امرض واتعب معليش اختي طولت عليك بس بغيت اعلمك انه موبس زوجك اللي كذا
((واخر كلامه كان قبل يوم يقول انه الطلعه راح تجي بكيفي ومن خاطري ويوم انا اريد))
شفتي اختي هو اخذ الشغله عناد الحل انك اطنشين الموضووع ولاعاد تطلبين منه الطلعه نصيحه مني انا كنت اذا طلبته نطلع ورفض ازعل واذا شافني زعلانه زعل هو بعد وجلسنا بالايام مانكلم بعض صرت اذا رفض الطلعه اسوي نفسي عادي ولاكان صار شي تشوفينه يبدا يلين
((خايفه يكون في حد وراه رفضه والشك يقتلني اخاف زوجي ما يستمتع معاي وما يبي يقول لي..))
صدقيني مافيه احد وراه بس هو يبغى يعاندكي
اناكنت افكرهاالتفكير واقول ليش مايعطيني وجه ليش مايطلعني اكيد انه مايبغاني ومره تناقشت معه قلت له انت ماترتاح معي انت ماتبغاني قلي لو مابغاكي طلقتك ليش اجبر نفسي اعيش مع وحده مابغاها

اختي طولت عليك لاني لقيت وحده تعاني نفس اللي اعانيه بس صدقيني ان زوجك يحبك بس يبغاللك تصبرين شوي عليه اقلمي نفسك على الوضع وعيشي حياتك اشغلي وقتك ولاتقعدين تفكرين كثير في هاالشي
اختك شمعه الجلاس