الحال من بعضه عندي 3 الله يحفظهم والشغل مايخلص واعصب عليهم  وابو الشباب رافض يجيبلي شغاله يقولي ابوه ماجاب شغاله لامه  صرت اسيب البيت واريح نفسي

الله يقويك ويحميك يارب ويخليلك اولادك ولا يحرمك برهم ووجودهم بحياتك
انتي غلطتي ماعودتيهم على الشغل معاك من لمن كانوا صغار
عندي لك خطة ويارب تعجبك وتنجح بتطبيقها اتذكر امي الله يخليها لنا تأمرنا بالشغل واحد يرتب ووحده تمسح ووحده تنشر ملابس وواحد يفرغ سلات النفايات وواحد يكنس
حتى لو نهرتيهم وخاصميتيهم مو مشكله مع الايام يتعودون
لاتقولين ولد ومايشتغل انتي امه وواجب عليك بره وبعدين بيفيد نفسه لو راح بعزبه ولا اتغرب
1- خلي الاولاد يعتمدوا على انفسهم كل واحد يرتب سريرة والغرف اذا مشتركة قسمي الشغل بينهم قوليلهم انك تعبتي يمكن بالبداية واحد يستجيب امدحيه وتاخذهم الغيرة وتلاقيهم كلهم رتبوا
الصباح لا يروحوا المدرسة الا وهم مرتبين اسرتهم ومعلقين ملابسهم او حاطينها بالسله (خلي كل غرفة فيها سلة غسيل )
بكذا يكون غرفهم صارت مسؤليتهم وانتي مالك الا الاشراف لاتطلبين منهم المثاليه من البدايه حبه على حبه تلاقيهم اتعلموا واتقنوا وتركوا الفوضوية حتى زوجاتهم مستقبلا بيدعون لك على هالتربيه لان الحريم يحبون اللي يساعدهم (تفكيري عميييييق )
2- انتي حضري الصحون بالمطبخ وبكل وجبه ناديهم يشيلون اللي يقدرون عليه واللي ماحضروا السفره يرفعونها
3- لا تخليهم يطلعوا من الصاله او المكان اللي جالسين فيه الا ومرجعين كل شيء مكانه (الخداديات -الشواحن - اكياس الشبسات - الكاسات وو... يرجعوها المطبخ
4- في نظام عند امي يعجبني مرره مع اني كنت اكرهه وانا صغيره بس لمن اشتغلت بالبيت عرفت قيمته ان الاواني اللي تطلع بين الوجبات كل واحد يغسل اللي طلعه ويمسحه ويرجعه محله حتى لو ان شاءالله ملعقه وامي ماكان عليها الا مواعين الوجبه ( انا هنا اتكلم عن اللي يعرفون يغسلون واعمارهم فوق 10 سنوات )
5- لمن تغسلين الملابس خلي واحد يجي ينشرها بالبدايه اعديهم كم شهر تلقينهم عرفوا للشغله وتطبيق الملابس خليهم يشوفونك كيف تطبقين وحطي لكل واحد ملابسه على سريره وهو يطبقها ويرجعها دولابه
6-لو كان عندك غسيل حوش يصير عليهم
7- انتي خففي على نفسك مثلا الملابس البيضاء تنكوي برا ولو ماعندك امكانيه خلي بس الاشمغه ووقت ضغط المناسبات والاعياد كلو برا
لو حاسه نفسك انضغطتي خلي الوجبات من برا
والله يعينك يارب دعواتك

روحي عطاه كم يوم ريحي او عالاقل بمدينتك خلي يوم لك من الاسبوع اجازه اطلعي جيبي اكل من برا و كذا ترا الشغل والكرف دايم ممل انتي مثلي كل شي تبين تصلحينه ب نفسك بس مستحيل،اذا عيالك شباب كبار خليهم يعتمدون ع نفسهم كوي ثيابهم و غسيلها و ليش تقولين اسراف صابون لا تكثرين الصابون انتي تحكمي بالغساله ،واذا عندك حوش خلي عيالك يغسلونه بعد مع الحوافز و التشجيع ان شاء الله افدتك

مجوده بس بدور لك مقطع اعجبني عن نفس حالتك

ماتوقعت أنكم تنتضرون انا أسفه الله يوفقكم ويحسن خاتمتكم ويختم لكم على لاإله إلاالله



جزاكم الله خيرا