شكرا لكل من رد وجبر بخاطري..
اختي بنت جدتها انا عمري 28 ولي خمس سنوات معاه.

الله يصلح بينكم ويفرج همك ياااارب

اختي الغاليه :

هذا طبعه من زمااااان ولا بالفتره الاخيره؟؟

الحين شلون علاقته معااااج؟؟

وهو خذاج عن طريق الاهل والا حب قبل الزواااااااج؟؟

بانتظاااارج

ههههههههههههههههههههه يا حليلك ... مشكلتك مو مشكله ... سالفه عاديه جدا
شوفي عندي لك حركه حلوه... اذا سولف بأي شي سوي نفسك انه انتي منفعله معه السالفه .. علشان يسولف معاك اكثر واذا سولف عن نفسه او عن سالفه اتخصه .. انبهري فيه وامدحي فيه .. فهمتي ؟ يعني مثلا: سولفلك انه ساعد واحد مشكله او بأي شي ...قوليله ادري انك قدها يا بوفلان ... والله اني رافعه راسي فيك ... واخذي امدحي فيه بس مو مبالغ ... وبين فتره وفتره دايم قوليلها : يا سيدي وتاج راسي .... ياراس مالي .... اتصدق يا بوفلان اكون ضايعه من دونك عسى الله يخليك لي ولا يحوجني لحد .. عساك تكون ذخر لي ... وانفخي فيه زياده خليه يحس انه مسؤول عنك وانك تحت جناحه ... لا اتأففين واتقولين : انته ما تعطيني وجه او انت ما تجيبلي الطلبات ( لاااااااااااااااااا تقولين هالكلام ديري بالك ) سوي اللي قلتلك عليه.
واذا دخلك بغرض اقعدي قوليله : الله يسلم ايد اللي جابلي الاغراض ..عسى الله يخليك لي واتظلك اتجيبلي ..انا من لي غيرك ..
سوي اللي قلتلك عليه ورديلي خبر اوكي؟
تحياتي

شكرا لك اختي فيوليت لى النصيحه الحلوه وان شاء الله بعمل بيها وعلى كلامك ان مشكلتي سالفه عاديه !! لا والله انها مشكله كبيره ان زوجك يطنشك ولا يعتبر كلامك له اهميه مع اني احسن منه شهاده ووظيفه يعني انا جامعيه ووظيفتي الحمد لله زينه وتفكيري غير تفكيره. وزوجة ابوه غير متعلمه وينها عنده هي المتعلمه والفاهمه وكلامها هو الصح مع انه احيانا مايدخل العقل ونتخانق انا وياه عنده. وفيه حاجه حقولك اياها علخاص عشان تقتنعي بكلامي.

بنت جدتها
شكرآ اختي على تفاعلك مع مشكلتي واهتمامك بحلها. زوجي طبعه هذا فيه من زمان يعني من يوم مااتزوجته. وعلاقته معاي متوتره شوي بسبب اختلاف التفكير لانه ماكمل تعليمه. وهو اتزوجني عن طريق الاهل. واخيرا اشكر كل البنات اللي ردوا على ودعولي الله يجزاهم الجنه.