مما راق لي

كل صباح(ن) كل مسائـ(ن).. كرر كوكو كرر كوكو
عند الفجري كرركوكو ..عند الأكلي كرر كوكو
عند فراشي كرر كوكو..عند شهاقي كرر كوكو
كرر كوكو كرر كوكو.. لاتقتلني كرر كوكو..
ماكان اعلاه سوى الأشعث الأغبر اللي أطلق تلك الأهزوجه وهو يبحث عن خلطه لتحويله لجماد..دام مامنه فايده وهو جني خل يتحول جماد يمكن يصير علبة فاين بطاولة رولا تلك الشخصيه المبتلاه من خلال سياق القصه سنتعرف على مادهاها من مصايبن نقول إن شاء الله تكفير ذنوب وكرر كوكو كرر كوكو..


الحصي مسكونه من جني أشعث أغبر ومن جني كدش خكر وكل واحد ماسك شنق من شحومها كلهم وجودهم مثل عدمهم وكان المقصد من سكن هالبنت إن ماحولها رجلن يدوش راسها وشايفينها لاشغل ولا مشغله وجسم فاضي محدن يبيه تقاسموه
بوقت فراغها كان الأشعث ماغيره يحفظها سورة البقره ويقول يابنت اقريها عشان يكون عندي عذر لإبليس لاطلعت منتس وهي ماحولك احد
والجني الثاني مسفهل على الوضع ممحدن حوله يصيع كيفما يريد
في أحد الأيام الورديه اللي بدت تميز فيها إنها ممكن تصير أنثى جلست بجنب جديدتها يتجاذبون أطراف الحديث ومايلبث الجميع أن يضحك من طرفة هند<لعنبوهم كتاب القراءه مخلي الدنيا خضراء وضحك وخمخمة أنوثه وعاشت بلادي والملك لبسنا ملابسنا
يوم جينا للواقع ورى الدنيا صفراء عسى ماتنفس إلا يعرمشونك

بعد أن ضحك الجميع ونبت زرع في البلاد وهرب الأرنب من أيدي الذئب ورجع للبيت وأمه خمته والبقره الحمراء صارت شريره وفي أثناء هذه المعمعه الجني الأشعث وسوس للحصي إنها تفتح التلفزيون على العفاسي ومن سوء حظ امّن جابتها فتحت على بدايه ويوم بدت تقرا إلا وتشوف خلطه لجذب إنتباه المعاريس..كعب طويل+صوت رخيم+بوك محشي مناديل+وجسم ملفوز بين مشدات وتليها رساله من كود أم الكتكوتين والتي تقول (لجميع من تعاني من أيّة طاعون أو جدري أو حتى ماحملت عقب وفاة زوجها..لمن تريد بشرة كالطفل الإفريقي اللي له اسبوع منقعين جثته بخمر...ولمن تريد أن تلد من اذانها.. ماعليها سوى إرسال رساله فارغه إلى الرقم أعلاه ^)

إلا والحرمه بدت تطبق وتشتري كل المقادير أما الصوت فـ استعانت بجنيّها الخكريه<الخكريه لأنه صار ديوث أجل مجتمع وهو جني ذكر ثاني معه بجسم بنت وحده..؟وين العشق والتضحيه
وتشوف من ذا الخلطات شين يبيض وشين يطول وشين يخلي خشمتس كوبي خشم حليمه وشين للحين مافهمته اللي هي خلطة كرر كوكو ماأحللك وخلطه ثاني مقاربه لها كرر كوكو بذمتك



ماهنا عطار ماسألته عن خلطة كرر كوكو كرر كوكو ..يوم يأست بدت تسأل عنها بالنت
وماخلت طريقه ماسوتها مره تقلب بيضاء ومره تنحف وتترهل ومره تلبس كعب يعنني صرت طويله ومره ودها تصير ضروسها زي هاللي في الدعايات وتقوم وترسل وحدة كاتبة فرشي أسنانك بفحم محترق مع قطرات من زيت أحشاء سمك السينابون اللي توها والده وبالأربعين كي تنصع نصاع البيض المفقش ويالخطاطيب هونكم على بابي ..
في يوم من الأيام قامت من النوم تزحف <يائلبي يائلبي .. وش فيكم مستغربين ايه نعم تزحف الله لايلوم جسمها عقب هالخلطات طفش وقال خن اجرب الزحف يمكن يفيد معها وتركد هي وخلطاتها
هل أنتم متخيلين بنت تزحف..؟طيب ماتخرب معالم جسمها الوشسمه
المهم يوم شافوها أهلها بهالحاله قالوا أبد سكنها جني ثالث هذي مايختلف فيها اثنين إلا ويطلع الأشعث يبكي بحرقه يقول قسمبلاه مافي غيري حتى أبو كدش تطوع وتركها بنتكم اعلمكم وش بلاها زادت جرعة خلطة الطول مع خلطة دلع حليمآآآآآآآه
أهلها يمين يسار يحاولون يوقفونهاعلى حيلها بس ماهنا إستجابه الله مير يكافي يادافع البلا اليوم الثاني بدت البنت تبغبغ<يعني ببغاء بكشرة آدمي وكل من مر عليها من أهلها قال أبد نقايصن تهون محدن لمها والله لو تنحرف محد بيدري
هيه إنتي بكامل قواتس العقليه تقولين إنها بتنحرف هذي لو بنعرضها بخلقة ربي ماتصير غير عظه وعبره
<طبعاً السطر أعلاه الجني ماغيره الأشعث طفحت أخلاقه وقام سوى مداخله بموضوعي
مره زحفت زحفت زحفت وهي تبغبغ< فيس مقموط , إلا وترجع لقناة بدايه تسأل عن خلطة كرر كوكو يمكن هي اللي بتطلعها من الأزمه
وكلن قامت تخثرق عليها وتخف عليها اللي تقول منقوع حلتيت مع منقوع زيت النعامه صبحي فيه وتشوفين العافيه واللي تقول صبحي ببيض قرب يتحول فراخ باقي عليه يومين و34 دقيقه همن لاخلصت هالـ 34 ارجعي عدي 34 ثانيه ويفقس واللي تقول صبحي بوجهي ويجيتس الشفاء العاجل
واللي تقول لازم تمشين حافيه 10 أيام على الرمل وأنتي تناظرين السماء وترددين سوف أمشي سوف أمشي سوف أمشي لين تظلم الدنيا وتشوفين العافيه(تحيه لطنش لحاك ساجو سلجاقو<تحضير أرواح=)
اللي تقول أنتي محتاجه عزله طفي الأنوار وجيبي قدر يطبخ بموية بقدونس مشبع بأظافر تمساح ولسان عقرب وعيون الدجال وتشوفين الشفاء بإذن اللي خلقك عظه وعبره ..
فجاه إلا ويوصل كود على الشاشه كالتالي : 115467 لبياض الأفارقه المخملي بلمعه
الظاهر وعلى حسب أشعثها إن هي أول من أرسلت إلا وتجيها دوغري رساله فيها خلطه لجميع العاهات تصدقون إن حتى المنغوليين لهم خلطه..!!عجب
وطلع كلشن لهالدنيا سياسة تعامل ويادهينه لاتنكتين .. سوت خلطات لها وزيادة حرص سوت لأهلها خلطات
وأثناء ماهي مدهره تخلط إلا وأبوها ينسف الشماغ ع كتفه وينزل من غرفته وهي تتمقله تقول يبااه هذي خلطه لمشيتك تعدلها
أبوها شك بقواه العقليه وبدا يفاحج بمشيته عشان يرضيها
إلا وتنزل أمها شاقلتن أخوها من ورى الأبو وتشوفها تقول هدا هدا مشى و عدا
وتجي الحصي بكل حب تقدم لأمها ملعقه تقول إشربيها
أمها:ليش أشربها..؟
الحصي أنت تقولين هدا هدا يايمه يالله إشربي
وتشوف الدنيا شمس وتطلع للحوش معها قدر شاقلته بعنف وبدأت ترش من هالسائل بالجو وبتأنيب ضمير بدت ترش على كل زاويه تقدر عليه
طلع جنيها الأشعث يقول أنتي ورى ماتعوذين من إبليس وتدخلين تقرين البقره أفضلتس
قالت انت إصبر برش الهواء بذا لأني سمعت إن هالخلطه تنزل مطر < لعنبو قناة بدايه حرفو دينها
الأشعث:طيب ماعندتس خلطه ترشقيني بها وأطلع منتس تكفين شيبت وأنا أبي أشوف ورعاني عجزت أهبلبتس غدي أهلتس يقرون عليتس كل ماشافوا فيتس عاهه زود قالوا البنت بها دلع زايد مامستها العصا اتقو الله فيني ماحسو باللي احس به وش الله مقردني ومخليني ادخل فيتس
إلا أنتم دشير ولا وش سالفتكم..؟ الحين من ولدتي للحين ماشغلتو البقره لو بالغلط بديت أشك إنتس إبليس رئيسي بس والله لو إنتس إبليس ترى مالك داعي منشف دمي كل هالفتره إلا ويشوف البنت مهيب لمه مازالت ترش نسمات الهواء بخلطة المطر
عشان ينزل مطر وتدعي ربها تلقى خلطة كرر ياكوكو بذمتك !
رجع على مصاقيله يلعببهن ويهيجن يحاول يزعجها لين طقته حاله نفسيه وصار يكلم المصاقيل على إنهم أحفاده اللي ماشافهم
..يقال أن الأشعث تحول موظف قطاع خاص وأن الجميله الحصي مازالت تبحث عن نصفها الثاني بين المشدات والمخفات ..

ومازالت كرر كوكو وأم فيصل يتصدرون الششاشه ..
والحصي صارت تنتج شركة ألبان من جسمها <مشروع بقر
والأشعث تحول طابعه إسلاميه بمكتب جاليات السلي
أما الجني الكدش يقولون تزوج بنت عمه وماجاب ولد من سنين ..وينطبق عليه المثل القائل:
(من استحى من بنت عمه ماجاب الولد)

مايستــــفــاد :

*المطر بيد ربي
*االعاهات خلوها عاهات عشان ماتقلب كفرات
*لاتجرب شيء مو مضمون مثل خلطة كرر كوكو وخلطة مخمل الأفارقه باللمعه
*دعواتكم لكنترولات بدايه بالثبات فهم في شده وكرب لايعلم بها الا الله



مما راق لي<<تلمح ان الموضوع منقوووووووووووووووول




ليس بالضروري ان يعجبك كلامي ...فكلام الملوك لا يعجب لخدم!!!