ممرخه شرطت تعالجني ب ثلاث الاف اروح لها ولالا ؟

السلام عليكم
بنات انا عمري 27 سنه
سبق وحملت ولله الحمد بعد علاج سنتين والان ولدي عمره 3 سنين
ولي سنه احاول احمل من سبع شهور وانا اخذ كلوميد وابر لين مليييت
كل التشخيص ان فيني تكيس وضعف تبويض شديد و انبوب مسدود صرفوا لي جلوكوفاج لي 7 شهور اخذه
الشهر الماضي كالعاده اخذت كلوميد و ابر ومافي استجابة ماكبرت البويضات جاني تحطم فضيع
قررت اروح ممرخة تمرخني مدحوا لي وحده
اول ماحطت يدها على بطني قالت يابنتي انتي ماعندك تبويض مررره
و عندك دهون على المبيض والرحم مايل و فتحة في المهبل ينزل منها المني ووووو حطت كل البلاوي فيني
واخر شي قالت علاجك يكلفك ( ثلاثة الاف ريال ) !! غير الاعشاب تشترينها انتي !!
و شرطي انك ماتروحين للدكتوره ولا تاخذين علاجها اصلا الكلوميد هو اللي يزيد حالتك و ممكن يفجر رحمك
و ورتني دفاتر فيه كتابات من بنات حملوا على يدها بعد الله سبحانه
وانا والله في حيرة شديده قلت لزوجي رفض قاالي انسسي تروحين لها راتبي كله اربع الاف تبي تعطينها
3 الاف و اجلس باقي الشهر بدون راتب من وين اصرف

يابنات شوروا علي اروح لها و لا علاج الحريم ماينفع ؟
انا تعبت من المنشطات وش رايكم بالتمريخ مع اني ماستسيغ الاعشاب ولا اتقبلها ابدا بس الحاجه

ياربي ارزقني بدون تعب وبدون احد يستغل حاجتي