ممكن أتكلم بدون ما أحد يزعل؟

كثرت مشاكل النساء من أزواجهن،بس عندي كلمة،من أول ليه الوحدة ماتحسن الاختيار؟يعني ليه ماتهتم إن زوجها يصلي الصلاة في وقتها وتخلي أبوها وأخوانها يلحون في السؤال عنه؟!
قسم كبير من البنات أول مايجيها العريس توافق عشان بس يصير اسمها متزوجة بغض النظر عن أي اعتبارات..
لا والي يقهر إن بعضهم تعرف عن هذا الي بيتزوجها بعض الصفات السيئة وتقول إنها بتغيره ومن هالكلام!
وبعضهم تكتشف وقت الملكة أشياء غريبة ومع هذا تستمر في الزواج،وبعد الزواج تجي تبكي ومعها طفل أو طفلين وتقول أبغى أتطلق؟!طيب مو لو تطلقتي من الملكة أحسن والي يصير يصير؟!
وبعضهم أيام الدراسة ماتهتم ولا تجتهد وكل همها الزواج والاستعراض إنها مخطوبة وبعد ماتتزوج ويطلع الرجال بخيل أو يفصل من عمله تجي تبكي إن ماعندها وظيفة!


والله القعدة عند أهلي وبلا زواج طول العمر أحسن من إني أتزوج إنسان مايخاف الله وعنده بلاوي،وبلاش عبارة:
نار الزوج ولا جنة الأهل
مدري مين اخترعها؟!!!
طبعا أنا أتكلم عن البنات الي قرارهم بيدهم والي تقول أهلي ألحوا وووو وتقعد تتعذر
طيب بإمكانك ترفضي حتى لو زعلوا شوي مصيرهم بيرضون بس حياتك ماهي لعبة وأهلك ماينفعونك لو تطلقتي كلنا شايفين أغلب الأهل يخلون البنت تتدبس الحالها ولا يساعدونها وكل كلامهم اصبري!!!!
ففيه بنات بصراحة يتحملون نسبة كبيرة من مسؤولية فشل زواجهم بسبب تسرعهم واستعجالهم على الزواج وكأنها ستذهب إلى جنة الخلد!


طبعا مو كل البنات اعرف فيه بنات أهلهم ظلمة وسلطتهم قوية ويزوجونهم غصب عشان يخلصوا منهم