هاذي صورة الاعلان وراح تفهمون وش اقصد..
سوق تجاري والجوائز نقديه وعرفنا طريقة الاشتراك باقي شي واحد لم افهمه ولاادري وش
موقعه من الاعراب..
بالبرتــــــــــــــــــقاله..!!!!!!
هاذي وين مكانها من الاعراب..
يعني اذا فزت ابصير البرتقاله..ولا الجائزه صندوق برتقال..
لهالدرجه وصلت فيهم يبون يجذبون الحريم المغفلات للأسف للأسواق..
يابنات الرياض مافيكم واحده تكلمت واشتكت لإدارة السوق وقالت حنا تساوون بيننا
وبين البرتقاله..المشكله حنا مجتمع سلبي كل شي يمشي علينا ولانفكر نعترض..
ولو واحده فيها خير وتبي تعترض..اللي معاها يقولون لها لاتفشلينا..
الحين لو انا رحت لإدارة السوق وبينت لهم اني غير راضيه عن اسلوبهم وان المجتمع
ساخط وغير راضي اصير افشل..؟؟
لما ابين لهم اني انسانه فاهمه وعارفه ان حركاتهم ماتمشي علي..اصير افشل..؟؟
لا والله الفشيله انهم يلعبون علينا وحنا راضين وكل شي يمشي علينا..للأسف..
:: مازلت انتظر تفسير للبرتقاله المذكوره اعلاه::
لهالدرجه صارت حياتنا سخيفه وتافهه (حتى ان لبستي اورنج قالوا لك البرتقاله )
ملينا من البرتقاااااااااااااااااااااااااااله