ممكن ألذ و أطعم و أروع تتبيلة للدجاج المشوي

ابقولك على طريقتي المعتاده لتتبيله الدجاج المشوي
يوم الاربعاء الي طاف كان غدانا دجاج مشوي على الفم
بس طلع طعم الدجاج مرره لذيذ وريحته يسلالالالالالالالام
طبعا التتبيله على حسب عدد الدجاج الي بتسوينه ياتكثرين اتنقصين
تجيبين الخلاط وتحطين فيه
بصله كبيره
ثوم كامل او كثر علىحسب كميه الدجاج
فلفل اخضر بارد \ وفلفل اخضر حار اذحبيتي
عصير ليمونه كامله
ملعقه دبس رمان اذ مو عندك اكتفي باليمون
ملعقه صوص الصويا اذ بعد مو عندك ممكن تستغنين عنه
بس يعطي نكهه حلوه
ملعقتين كبار كتشب ومثلها زبادي
طبعا بهارتك \ فلفل اسود\ كمون\ شويه كركم\ بهار مخلط\
فلفل احمر بودره الي هو الكاري ممكن تستغنين عنه
وملح \ ونص بياله زيت زيتون
اخطليها زين بالخلاط وتكوني مجهز ه الدجاج منظف وخالص
ومقطع وحطيه عليه التتبيله وخطليهم زين وانتي تخلطين جيبي سكين ولا
شوكه وحاولي تخرمين الدجاج عشان التتبيله تتدخل داخل انتبهي لايتقطع معك
طبعا لازم يطول اشوي عشان ياخذ الطعم والنكهه يعني انا اخليه تقريبا ساعه ونص
بعدين تشوينه واثناء الشوي خلي عندك اشويه زيت زيتون اذ شفتي الدجاج
نشف معك صبي عليه اشويه زيت بيخليه طري ويعطيه طعم رروعه
وبالعاافيه اتمنى اني افدتك

نتبل الدجاج ليمونه خل فلفل اسود واحمر ملح علي الفحم

اربع ملاعق كبيرة صوص صويا
ملعقتين كبيرة خردل
علبة لبن من بو ريال
عصير ثلاثة ليمونات
ملعقة صغيرة اورغينو
ملعقة كبيرة بهارات تندوري اللي لونها احمر
ملعقتين كبيرة زيت
ثلاثة فصوص ثوم ناعم
اخلطي السابق وتبلي بة الدجاج او الشيش طاووق الافضل ليلة كاملة ثم اشوي الدجاج في الفرن او الفحم او آلة الشوي هذي الذ خلطة جربتها

أنا أحط لكل دجاجتين
علبة زبادي
10 فصوص ثوم
ملح
فلفل أسود
كمون
ملح
زيت زيتون
تخلط فى الخلاط
زتوضع على الدجاج قبل الشوي بحوالي 4 ساعات وتحطينها في الثلاجة وهذ سر الذة في الطعم
وفيه حاجه ثانية تعطي الدجاج لذة في الطعم
قبل التتبيلة تدقين الدجاج بالمطرقة حقة اللحم علشان يمسك التتبيلة ويكون شكله حلو بعد
الشوي
وعليك بالعافية

دجاج على الفحم