ياخواتي والله ان افتخاري بابني شي حقيقي وليس مبالغة مني لان الله اذا احب عبد ابتلاه وعلى فكرة ترى ولدي عنده توحد مع تخلف متوسط ولكني دائما احمد ربي على هذه النعمه لانه هو نور البيت فانا كان عند اخوي ولد معاق جسديا وتوفي وعمره تقريبا سبع سنوات وكانت امه دائما تقولي كان فيه نور في بيتهم وانطفا هذا النور بوفاته.انصح كل ام توحدي دائما تستخدم اسلوب المخاطبه مع ولدها حتى لولم يستوعب الشئ الي تبغاه ,فانا لما اوديه مواعيده مع الدكتور د ائما يقولي ماشاء الله حالته دائما في تحسن واوصيكم دائما باا لدعاء لهم بالشفاء. ام توحدي

جزاكم الله خير جميعا بس انا في حيره وين اودي ولدي عند اي دكتور انا لااؤ يد ان نخبي المرض لان الي من عند الله مايخبى بس فيه ناس تنصحني بالحجامه من جربتها ياخواتي

السلام عليكم ورحمة الله وبراكاته
بالنسبه لاختي حرف ومعنى الدكتوره عبير يالمدينه الطبيه بالرياض مستشفى حكومي انا بالبدايه رحت المركز الصحي وعطوني تحويل لليمامه للدكتوره النفسيه وهم اعطوني تحويل للمدينه لان ماعندهم التخصص رحنا للمدينه وشافوه اكثر من اخصائي منا ضمنهم الدكتوره عبير والدكتور صالح الصالحي واخصائيه اجتماعيه ونطق وتخاطب وبعدها بكم يوم اعطونا موعد وبلغونا انه مصاب باضطراب التوحد وعطونا مواعيد للعلاج الوظيفي والنطق والتخاطب وماشالله عليهم معاملتهم زي العسل بس المشكله في المواعيد شوي بعيده يعني لازم مركز خاص بالتوحد سجلناه في التربيه الفكريه وحطونا انتظار والحمدلله اليوم اتصلو وبلغونا بموعد بكر ا الصباح وان صارمعي شي ببلغكم ****لله ومعهد التربيه الفكريه حكومي اللي يعرف عنه شي ياليت يفيدنا .........مشكورين

ام سارونه جزاك الله خير
انا قصدي الدكتوره عبير عوض الي في الكويت تعالج بطريقة الدان وفيه ناس كثير لاحظوا تحسن على اطفالهم بفضل الله ثم بعد علاجها وسمعت عن العلاج بالاكسجين في الاردن بس لازم يكون العلاج مبكر عشان تبان النتيجه الله يعافيكم الي جربت ترد عليه

انا حابه استفيد من خبراتكم اذاممكن حد يجاوب على اسألتي
اناولدي عمره 4سنوات ونص ولساءماشخصوا حالته انااراجع في مستشفى الملك عبد العزيز والمواعيد بالاشهر عملوا له تخطيط سمع والنتيجه في الموعد الجاي لكن انا فاتحه ملف في مركز تواصل يسوون له جلسات تخاطب وتعديل سلوك سالت الاخصائي عن حالته قال توحد انسي طيف توحد احتمال وكمان عنده عناد شديد جدا جدا اثر عليه في التعلم

الي انا فاهمه ان طيف التوحد نفس مرض التوحد لكن يكون بس بعض المواصفات موكلها صحيح هذا الكلام

ولدي التواصل البصري محدود اول ماكان يلتفت لما انا ديه الان بعد الجلسات الحمد لله تحسن

لكن الي متعبني انه الى الان لم يتعلم الحمام لي فتره وانا ادربه لكن
ياليت احد يساعدني في هالموضوع

هوشكله عادي نحيف شوي لكن الحمد لله ماعنده رفرفه باليدين اوشي ثاني الي يشوفه يقول طبيعي لكن مايلعب مع احد اذا اجتمعنا مع عيال اخواتي اذاكانوا يلعبون سوني يجلس معاهم لانه يحب الالعاب الاكترونيه
هل عيالكم كذا
الفواكه والتمر مستحيل ياكلها احاول اعصرها واسوي بها حلى او معمول بالتمر بس مودايم
هل نفص الفواكه ياثر عليه كمان معاه امساك( اكرمك الله)

الله يجزاها الجنه الي ترد على اسألتي