اختي العقد الثمين السلام عليكم ورحمة الله وبركاته انا كنت مثلك اسقط و ظهري يعورني بآخر مره نصحوني اروح لدايه خبيرة وشاطرة رحت:44: ومرختني و طلع الرحم مو في محلة بسبب السقوط و التعثر و الحمدلله ارتحت حتى الحمام ما اروح كثير زي اول وعموما نزول الرحم خطير و ما يخلي الحمل يثبت :confused: و الواحدة ما تسقط الا عندها مشكلة بالرحم :( و احيانا كثيرة ما يعرفون غير الطبيبات الشعبيات الخبيرات و صدقيني الكلام هذا عن تجربه والله يتمم حملك

العقد الثمين:26:

مبروووووك ع الحمل

والله يتمم عليج ويفرح قلبج

هذي الافرازات عاديه انا كانت تنزل علي من قبل لااحلل واعرف اني حامل سبحان الله من احمل تنزل بس بحملي هذا

طولت لان بحملي الاول اول 4 شهور بس خفت وسالت الدكتوره قالتلي شي عادي بس للاطمئنان ناخذ مسحه ونحللها

وهذا كان في الشهر السادس والحمدالله نتيجة التحليل سليمه

الاحسن تسالين الدكتوره............

السلام عليكم خواتي ومشكورين على ردودكم
الغاليه جبل قهوان انا كنت انتظر متى بتدخلين على موضوعي بس قلت اكيد انتي مشغوله بالامتحانات مع العيال
وان شاء الله تفرحون بنجاحهم كلهم
واذا على الكركم انتي قلتيلي مع الحليب بس انا والله ما اقدر اشوف الحليب الا اركض ركض على الحمام (اكرمكم الله )لاني على طول ارجع
اختي ونة خفووق
اشكرج على ردج وان شاء الله الله ايسهل على كل الحوامل وان شاء الله ما بهتم بكلام الحرمه
بنت الملوك
الله ايوفقك ويعافيج انا رحت عند الي ايهمزون الظهر كلهم قالولي كل شي طبيعي بس الحين قالولي اني انا فيني تابعه او القرين وهي الي اتسقط الجنين لان حتى تحاليل المستشفى كانت كلها طبيعيه ورحت عند امطوع وقالي لازم يوميا تقرأين سوره البقره وعطاني زيت زيتون ادهن فيه على بطني لين ما اولد وبعد معطيني شي البسه مقري عليه بس ان شاء الله الله ايسهل
بنت الكويت الله يسمع منج ويتمم حملي وان شاء الله لما اروح الموعد بالمستشفى بخليهم ايسوونلي تحليل عشان اتأكد انه مافيني التهابات

يزاكم الله خير على كلامكم الطيب