أختي حل مشكلتك مو بالعتاب وليش ما تقعد معي وليش ما تطلعني لأن الرجال ما ينتفاهم معهم بهالطريقة
طيب شالحل؟؟
لازم تفكري ليش زوجك ما يحب يقعد معك؟؟ و ايش اللي ممكن يجذبه لك ويحببه بالقعدة معاك ؟؟
يمكن نوعية سوالفك ما تعجبه؟؟ يمكن ما شاف عندك شي مميز عن اللي عند ربعه؟؟
أو أسباب ثانية أنتي تعرفيها من عشرتكم لبعض.
طيب شلون تخلينه يقضي الإجازة معك؟؟
وكيف تورينه ان الإجازة معك حلوة وهو أصلا ما يقعد معك؟؟
الحل انك تستغلي أي وقت يكون فيه في البيت مثل وقت الغدا أو حتى النص ساعة قبل النوم و طلعي كل مواهبك في هالوقت ، شوفي السوالف اللي يحبها وابعدي عن مشاكل العيال والبيت وأخبار الناس ، انسي الحيا وانتي معه ولا تفكري الا انك انثى قاعده مع حبيبها ، فاجئيه ولو بشي بسيط ، خليه كل مرة يدخل البيت يقول يا ترى شو مسوية هالمرة؟؟
وان شاء الله بتلقينه هو اللي يعزمك على الطلعة ، بس اذا ما صار لا تنحبطي المهم تسوي اللي عليك ، واذا ما فاد سلمي امرك لله لأن بعض الأطباع تتغير مع المحاولة وبعضها متمكن ولا يغيره شيء

وسامحيني ان طولت عليكي.
:26:

اختي ابي اقول لك شي من واقع تجربه تزوجت زوجي وكان كل ليله له سهره مع ربعه وانا كنت غريبه على الديره واجلس لحالي بعدها جلست افكر وش الي يبغاه زوجي وش الاشياء الي يحبها وصار كل مادخل من الدوام اقول له ترا اليوم مثلا الساعه كذا فيه مفاجأه _اليوم عندنا حفله بمناسبة بدء الاجازه _اليوم انا مجهزه شوي ومجهزه العده خلينا نطلع البحر_او البر _اليوم فيه احتفال بالمكان الفلاني وودي اروح له بس خمس دقايق

واذا طلعت بالسياره معه اجهز دلة الشاي والقهوه واجهز معها السوالف الزينه الي تجذبه وكم نكته (اتهيبل)

وصدقين كلها كم طلعه وبعدين بدا هو اذا صحا قال هاه وش برنامجنا اليوم؟
الله يسهل لك ويوفقك امين

اللي يصير معاك عادييييي

ولا تيأسين حاولي لكن المفروض تكون محاولاتك غير مباشره ولا فيها أمر
مثل اذا شفتيه مروق قوليله اذا كنت اي يوم فاضي خلنا نطلع للسوبرماركت ساعه وحده
وخليه فتره اذا ما وداك عيديها عليه لكن بعد اسبوعين أو ثلاثه
واذا وداك حاوليه فيه بعد فتره مثلا يوديك لمطعم تطلبون سفري على شان ما تطول عليه الطلعه ويمل ..... وهكذا بالتدريج مو لازم يفرغ نفسه يوم كامل ممكن هذي تكون صعبه عليه
مع السلامه:27:

والله ما قصرتوا يا بنات حواء وكلكم ذوق الله يحقق كل امانيكم ويسعدكم :26: