ممكن القى حل عندكم؟؟؟؟؟؟؟

اهلين بنات
ان شاء الله الكل بخير بدخل عالموضوع على طول
قبل فتره كنت بغربه مع زوجي جلست اربع سنوات في الغربه
المهم تعرفت كثير على بنات زي العسل ما شاء الله وفيه بعضهم علاقتي معهم مستمره لحد الحين
المهم لما كنت برا السعوديه سنه جاء صاحب لزوجى واصر زوجي انى اعزم زوجته انا ما عندي مانع خصوصا انو احنا بغربه عزمتها واديت الواجب معها وهي الشهاده لله كانت بنت طيوبه وحبوبه
المهم بعد العزيمه انقطعت فتره طويله ولا سألت ولا شي انا عادي والله عندي ما شلت بخاطري ولا شي كنت لاهيه مع صحباتي
المهم حتى مره سويت عزيمه رسميه نوعا ما بعد فتره واصر زوجي انو اعزمها عزمتها واعتذرت منى انو ما تقدر تجي
كل هالشي وهي ماقدر رفعت علي السماعه او نادتنى على قهوه حتى
المهم زي ماقلت لك وقتها كان اخر همي وعادي عندى لان صحباتي كثير والحمد لله كنا داخلين طالعين مع بعض وعلاقتنا حلوه مع بعض الله لا يغير علينا
المهم انو حاليا رجعنا السعوديه الحمد لله يارب وانا ساكنه في الرياض وياربي لك الحمد اهلى ومعارفي وصحباتي كلهم فيها وهي جت بعدي بفتره للرياض واهلها وجمعتها في مدينه ثانيه البنت في الغربه عمرها ما كلمتنى زي ما قلت لكم
لكن من رجعنا الرياض وهي تكلم وتسأل وانا والله عادي اكلمها واسولف معها ومره ناديتها لمى جو البنات عندي وانبسطت وهي بنفسها قالتلي انو مالها احد في الرياض انا قلت عادى ان شاء الله تتعرفين على ناس وتحبينهم
المهم هي الحين اشغلتنى وانا بصراحه مو رايقه لها يعنى خلاص سويت معها الواجب وبين فتره وفتره اناديها لكن هي صارت تشغلنى وتبينى بكل جمعه وكل عزيمه اناديها حتى مره كلمتنى وكنت بزواج بنت عمتي والزواج كان مره كبيره يوم كلمتنى وقلت لها اسفه والله انا بزواج قالت باي قاعه وقلت لها القاعه قامت تخاصمني ليه ما عزمتينى:09:يعنى مو زواج اختى ولا اخوي بنت عمى مالي حق اعزم فيه احد وانا بصراحه هنا مشغوله بين اهليتى واهلى واهل زوجى يعنى مو فاضيه لها واهي ابلشتنى وايش الحل معها لا تقولون لي اقطعها صعبه اقطعها اولا لان زوجها صديق زوجى اخاف احرجه ثاني شي انا مجربه احساس الوحده والغربه وارحمها بصراحه بس مو بكل مناسبه او جمعه اناديها ابي طريقه من غير ما اجرحها او اقطعها افهمها حدودها بهدوء وبس هاذى كل السالفه:26: